នាវាផ្ទុកយន្តហោះអាមេរិក១គ្រឿងមកកាន់វៀតណាម
អាមេរិក-វៀតណាម ៖ តាមAFPថា នាវាផ្ទុកយន្តហោះអាមេរិកមួយគ្រឿងបានមកដល់ទីក្រុងដាណា
អាមេរិក-វៀតណាម ៖ តាមAFPថា នាវាផ្ទុកយន្តហោះអាមេរិកមួយគ្រឿងបានមកដល់ទីក្រុងដាណាង ភាគកណ្ដាលវៀតណាមកាលពីថ្ងៃទី២៥ មិថុនា ដែលនោះជាព្រឹត្តិការណ៍និម្មិត្តរូបមួយ សម្រាប់អតីតសត្រូវស៊ីសាច់ហុ.តឈា.មគ្នាទាំង២ ដែលពេលនេះក្លាយជាសម្ព័ន្ធមិត្ត ប្រឈមមុខនឹងចេតនារបស់ចិននៅសមុទ្រចិនខាងត្បូង។
ការចូលសំចតរបស់នាវាផ្ទុកយន្តហោះ USS RONALD REAGAN នោះនៅដាណាង គឹជួនពេលគ្នានឹងខួបលើកទី១០នៃការបង្កើតភាពជាដៃគូយុទ្ធសាស្ត្ររវាងក្រុងហាណូយនិងក្រុងវ៉ាស៊ីនតោន។ នាវាផ្ទុកយន្តហោះនោះស្ថិតក្នុងកងនាវាចរណ៍ទី៧របស់អាមេរិក ដែលជួយទ្រទ្រង់ដល់តំបន់ឥណ្ឌូ-ប៉ាស៊ីហ្វិកសេរីនិងបើកចំហ អមដោយនាវាការពារ២គ្រឿងនិងនាវាបាញ់មីស៊ីលUSS ANTIETAM និងUSS ROBERT SMALLS ។ នេះបើតាមការគូសបញ្ជាក់របស់ស្ថានទូតអាមេរិកប្រចាំក្រុងហាណូយ។
ក្នុងសេចក្ដីប្រកាសមួយមេបញ្ជាការរបស់USS RONALD REAGANអនុសេនីយឯកDARYLE CARDONE ថ្លែងថា ទាហានម៉ារីនជាង៥០០នាក់ក្នុងនាវាUSS RONALD REAGAN ទស្សនាក្រុងដាណាងនិងសិក្សាពីវប្បធម៌របស់វៀតណាម។
ប្រទេសទាំង២នោះបានបង្កើតទំនាក់ទំនងការទូតជាមួយគ្នាកាលពីឆ្នាំ១៩៩៥ គឺ២០ឆ្នាំក្រោយការដួលរលំនៃរបបក្រុងសៃហ្គនដែលមានអាមេរិកជាអ្នកការពារ ឈានទៅដល់ការបង្រួបបង្រួមវៀតណាមខាងជើងនិងវៀតណាមខាងត្បូង ក្រោមការដឹកនាំនៃរបបកុំមុយនីស្ត។ ប្រទេសទាំង២នោះបានរិតចំណងទាក់ទងគ្នាខាងសេដ្ឋកិច្ច ក្នុងពេលដែលចិនកំពុងមានឥទ្ធិពលកាន់តែខ្លាំងក្នុងតំបន់៕
ចែករំលែកព័តមាននេះ