កងទាហានក្រុម WAGNER ចាកចេញពីភាគខាងត្បូងក្រុងមូស្គូហើយ
ប្រទេសរុស្ស៊ី ៖ ក្រោយធ្វើការបះបោរដោយអាវុធពេញមួយថ្ងៃ កងទាហានក្រុម WAGNER របស់លោក
ប្រទេសរុស្ស៊ី ៖ ក្រោយធ្វើការបះបោរដោយអាវុធពេញមួយថ្ងៃ កងទាហានក្រុម WAGNER របស់លោកអេវហ្គេនីព្រីហ្គោហ្ស៊ីន ក្រោយទទួលបញ្ជាពីលោកឲ្យបកក្រោយនិងវិលចូលក្នុងបន្ទាយវិញ នាថ្ងៃទី២៥ មិថុនា បានចាកចេញពីទីក្រុងលីពីតស្ក៍ភាគខាងត្បូងក្រុងមូស្គូហើយ ។ កងកម្លាំងនោះបានចូលដល់ទីក្រុងដែលមានរោងចក្រស្លដែកដ៏ធំនោះ កាលពីថ្ងៃទី២៤ មិថុនាពេលពួកគេបះបោរ លើកសំដៅមកកាន់ក្រុងមូស្គូ ។ នេះជាគូសបញ្ជាក់របស់អាជ្ញាធរមូលដ្ឋាន ។
តាមតេឡេក្រាមផ្នែកសារព័ត៌មានរបស់អាជ្ញាធរតំបន់លីពីតស្ក៍ ស្ថិតនៅចម្ងាយប្រមាណជា៤០០គីឡូម៉ែត្រពីក្រុងមូស្គូថ្លែងថា បណ្ដាកងឯកភាពក្រុម WAGNER ដែលកាលពីថ្ងៃទី២៤ មិថុនា មកឈប់នៅតំបន់លីពីតស្ក៍ បានចាកចេញពីតំបន់នោះហើយ ។
ជាទូទៅកងកម្លាំង WAGNER នាថ្ងៃទី២៥ មិថុនា បានដកថយជាបន្តបន្ទាប់ក្រោយមានកិច្ចព្រមព្រៀងមួយជាមួយលោកវ្ល៉ាឌីមៀរ ពូទីន មក ។ យុទ្ធជនក្រុម WAGNER ក៏ដកចេញពីក្រុងវ៉ារ៉ូនីញ៉ែវ ស្ថិតនៅចម្ងាយប្រហែលគ្នានឹងក្រុងលីពីតស្ក៍ពីក្រុងមូស្គូដែរ ។ ការលើកមកដល់តំបន់ទាំង២នោះគឹជាដំណាក់កាលដំបូងនៃការបះបោររបស់ក្រុម WAGNER មុនលើកមកកាន់ក្រុងមូស្គូ ។
ទន្ទឹមនឹងការដកថយរបស់កងកម្លាំង WAGNER កងទាហានឆេតឆេនីនៃកងឯកភាពពិសេសAKHMAT បញ្ជូនមកកាន់ក្រុងរ៉ូស្តូវប្រឆាំងការបះបោររបស់ក្រុមនេះ ក៏បានដកចេញពីទីក្រុងនោះ ដែលក្រុម WAGNER ដណ្ដើមកាន់កាប់កាលពីថ្ងៃទី២៤ មិថុនាដែរ ៕
ចែករំលែកព័តមាននេះ