រាជធានីភ្នំពេញ ៖ យុវជន៤នាក់ត្រូវនគរបាលខណ្ឌ៧មករាចាប់ខ្លួនកាលពីថ្ងៃទី៥ ឧសភា ខណៈដែលពួកគេ២នាក់ដែលម្នាក់នៅសង្កាត់អូរឫស្សីទី១ និងម្នាក់ទៀតនៅសង្កាត់ទន្លេបាសាក់យកថ្នាំញៀនទៅលក់ដូរ និង២នាក់ទៀតកំពុងប្រើប្រាស់យ៉ាងជោកជាំខ្លួននៅភូមិសាស្ត្រសង្កាត់មនោរម្យ
រាជធានីភ្នំពេញ ៖ យុវជន៤នាក់ត្រូវនគរបាលខណ្ឌ៧មករាចាប់ខ្លួនកាលពីថ្ងៃទី៥ ឧសភា ខណៈដែលពួកគេ២នាក់ដែលម្នាក់នៅសង្កាត់អូរឫស្សីទី១ និងម្នាក់ទៀតនៅសង្កាត់ទន្លេបាសាក់យកថ្នាំញៀនទៅលក់ដូរ និង២នាក់ទៀតកំពុងប្រើប្រាស់យ៉ាងជោកជាំខ្លួននៅភូមិសាស្ត្រសង្កាត់មនោរម្យ ។
យុវជនទាំង៤នាក់ ១-ឈ្មោះនៅ សុខលីន អាយុ២១ឆ្នាំ មុខរបរមិនពិតប្រាកដស្នាក់នៅផ្ទះជួលផ្លូវសុធារស សង្កាត់ទន្លេបាសាក់ ខណ្ឌចំការមន ២-ឈ្មោះឡឺយ ទី ហៅធី អាយុ២៦ឆ្នាំ រស់នៅលើដំបូលជាន់ទី៤ សង្កាត់អូរឫស្សីទី១ ខណ្ឌ៧មករា ពីរនាក់ខាងលើនេះគឺជាក្រុមជួញដូរគ្រឿងញៀន និងប្រើប្រាស់ ៣-ឈ្មោះណាង ផាន់ពីដែល អាយុ៤០ឆ្នាំ ស្នាក់នៅផ្ទះលេខ១៤៣E5 ផ្លូវលេខ១២៨ សង្កាត់មនោរម្យ ខណ្ឌ៧មករា និង៤-ឈ្មោះរឿន រ៉ូ អាយុ២៣ឆ្នាំ មុខរបរយាមរថយន្ត ទីលំនៅផ្ទះលេខ១៥០E3 ផ្លូវលេខ១០៩ សង្កាត់មនោរម្យ ខណ្ឌ ៧មករា ពីរនាក់ខាងក្រោមនេះគឺជាក្រុមប្រើប្រាស់គ្រឿងញៀន ។ ជាមួយការឃាត់ខ្លួន សមត្ថកិច្ចដកហូតវត្ថុតាងមានថ្នាំ ពណ៌ប្រផេះចំនួន១៦គ្រាប់ ថ្នាំពណ៌លឿងចំនួន៣៦គ្រាប់ ថ្នាំពណ៌ខៀវចាស់៣៦គ្រាប់ ថ្នាំពណ៌ផ្កាឈូក១គ្រាប់ ថ្នាំម៉ាទឹកកកចំនួន១០កញ្ចប់តូច និងប្រដាប់ប្រដាប្រើប្រាស់ថ្នាំញៀនមួយចំនួនទៀត ។
តាមព័ត៌មានពីមន្ត្រីសមត្ថកិច្ចនគរបាលខណ្ឌ ៧មករា ឱ្យដឹងថា លទ្ធផលទាំងអស់នេះផ្តើមចេញពីការស៊ើបអង្កេត និងស្រាវជ្រាវរវាងនគរបាលផ្នែកព្រហ្មទណ្ឌខណ្ឌ និងនគរបាលប៉ុស្តិ៍រដ្ឋបាលសង្កាត់អូរឫស្សីទី ១ បានរកឃើញដំបូងនោះ គឺយុវជន២នាក់ ដែលសំងំលាក់ខ្លួនប្រើប្រាស់គ្រឿងញៀននៅលើដំបូលជាន់ទី៤ ទី៥ ស្ថិតក្នុងសង្កាត់មនោរម្យ និងឈានទៅឃាត់ខ្លួនយុវជនម្នាក់ទៀតដែលបានយកថ្នាំទៅលក់ផង និងប្រើប្រាស់ខ្លួនឯងផង នៅម្តុំអូរឫស្សី ដោយការបង្ក្រាបនេះ គឺធ្វើឡើងតាមរយៈសមត្ថកិច្ចមូលដ្ឋាន។ លោកអនុសេនីយ៍ទោ ថោង ម៉ារឌី ប្រធាននគរបាលប៉ុស្តិ៍រដ្ឋបាលសង្កាត់អូរឫស្សីទី១ បានឱ្យដឹងថា នៅវេលាម៉ោង៩និង៥០នាទីព្រឹកកម្លាំងល្បាតក្នុងមូលដ្ឋានរបស់លោកបានឃាត់ខ្លួនយុវជនឈ្មោះឡឺយ ទី ហៅធី ដែលឈ្មោះនេះមិនមានអាសយដ្ឋាននៅទីនេះទេ បាននិងកំពុងធ្វើសកម្មភាពជួញដូរគ្រឿងញៀនផងប្រើប្រាស់ខ្លួនឯងផងនៅលើដំបូលជាន់ទី៤ ។ លោកថោង ម៉ារឌី បានបន្តថា បន្ទាប់ពីកម្លាំងល្បាតបានឃើញសកម្មភាពរបស់យុវជនម្នាក់នោះ ធ្វើសកម្មភាពក៏បានឃាត់ខ្លួន និងបញ្ជូនទៅកាន់អធិការដ្ឋានតែម្តង ។ ជនពាក់ព័ន្ធក្នុងអំពើជួញដូរ និងប្រើប្រាស់គ្រឿងញៀនទាំង៤នាក់ ត្រូវបាននគរបាលខណ្ឌ ៧មករា រៀបចំសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីធ្វើការចោទប្រកាន់តាមផ្លូវច្បាប់៕
ចែករំលែកព័តមាននេះ