នៅថ្ងៃទី៩ ខែមិថុនា ឆ្នាំ២០២៣ វេលាម៉ោង៤និង៣០នាទីល្ងាច កម្លាំងផ្នែកប្រឆាំងបទល្មើសគ្រឿងញៀ.ននៃអធិការនគរបាលក្រុងខេមរៈភូមិន្ទ សហការជាមួយកម្លាំង
ខេត្តកោះកុង ៖ នៅថ្ងៃទី៩ ខែមិថុនា ឆ្នាំ២០២៣ វេលាម៉ោង៤និង៣០នាទីល្ងាច កម្លាំងផ្នែកប្រឆាំងបទល្មើសគ្រឿងញៀ.ននៃអធិការនគរបាលក្រុងខេមរៈភូមិន្ទ សហការជាមួយកម្លាំង ប៉ុស្ដិ៍នគរបាលរដ្ឋបាលសង្កាត់ស្មាច់មានជ័យ បានចុះប្រតិបត្តិការបង្ក្រាបករណីជួញដូរ និងចែកចាយនូវសារធាតុញៀ.នមួយករណី ដែលកំពុងធ្វើសកម្មភាពយ៉ាងសកម្មនៅក្នុងទីរួមខេត្តកោះកុងតែម្តង ហើយនឹងឃាត់ខ្លួនមេខ្លោងចែកចាយគ្រឿងញៀ.ន២នាក់ប្តីប្រពន្ធ។
បើតាមលោកវរសេនីយ៍ឯក យស់ ចាន់វិចិត្រ អធិការនគរបាលក្រុងខេមរៈភូមិន្ទ បានបញ្ជាក់ឱ្យដឹងថា ការបង្ក្រាបករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀ.នខាងលើនេះ គឺស្ថិតនៅចំណុចកន្លែងទទួលបញ្ញើអីវ៉ាន់កាពីតូល ស្ថិតក្នុងភូមិ២ សង្កាត់ស្មាច់មានជ័យ និងឃាត់ខ្លួនជនសង្ស័យចំនួន២នាក់ប្តីប្រពន្ធដែលមានឈ្មោះ និងវត្ថុតាងដូចខាងក្រោម ៖
១- ជនសង្ស័យមានឈ្មោះ ឆាន់ សុផាន់នី (ហៅនិច ហៅយួន និងហៅកំពីងរាជ ) ភេទស្រី អាយុ៣៣ឆ្នាំ ជនជាតិខ្មែរ សញ្ជាតិខ្មែរ មុខរបរកម្មករ ទីលំនៅភូមិស្មាច់មានជ័យ សង្កាត់ស្មាច់មានជ័យ (ជាប្រពន្ធ) និង២- ឈ្មោះ ហាក់ ទីណា (ហៅឡយ) ភេទប្រុស អាយុ៣៤ឆ្នាំ ជនជាតិខ្មែរ សញ្ជាតិខ្មែរ (ត្រូវជាប្តី) មុខរបរនេសាទ ទីលំនៅភូមិស្មាច់មានជ័យ សង្កាត់ស្មាច់មានជ័យ។ ព្រមទាំងដកហូតវត្ថុតាងរួមមាន ៖ ១- ម្សៅក្រាម.សថ្លា ដែលសង្ស័យជាសារធាតុញៀ.ន១កញ្ចប់ធំ និង១កញ្ចប់តូច, ២- ទូរស័ព្ទដៃចំនួន០២គ្រឿង, ៣- ម៉ូតូចំនួន០១គ្រឿង និង៤- ជញ្ជីង ថ្លឹងចំនួន១គ្រឿងផងដែរ។
បើតាមលោកអធិការបានបញ្ជាក់ទៀតថា ករណីខាងលើនេះ សមត្ថកិច្ចយើងកំពុងបំពេញសំណុំរឿង ដើម្បីបញ្ជូនខ្លួនជនសង្ស័យទាំង២នាក់ប្តីប្រពន្ធខាងលើនេះ ទៅកាន់ការិយាល័យជំនាញ ចាត់ការបន្តតាមនីតិវិធីច្បាប់ហើយ។
ចែករំលែកព័តមាននេះ