បង្ក្រាបករណីជួញដូរគ្រឿងញៀ.ននៅក្រុងព្រះសីហនុ ឈានដល់តាកែវ
- តាកែវ
កាលពីវេលាម៉ោងប្រមាណ១១និង៣០នាទីយប់ថ្ងៃទី២ ខែមិថុនា ឆ្នាំ២០២៣ កន្លងទៅ កម្លាំងកងរាជអាវុធហត្ថខេត្តតាកែវ សហការជាមួយ
ខេត្តតាកែវ ៖ កាលពីវេលាម៉ោងប្រមាណ១១និង៣០នាទីយប់ថ្ងៃទី២ ខែមិថុនា ឆ្នាំ២០២៣ កន្លងទៅ កម្លាំងកងរាជអាវុធហត្ថខេត្តតាកែវ សហការជាមួយកងរាជអាវុធហត្ថខេត្តព្រះសីហនុ ដោយមានការសម្របសម្រួលនីតិវិធីពីសំណាក់ឯកឧត្តមព្រះរាជអាជ្ញាអមសាលាដំបូងនៃខេត្តទាំង២ កម្លាំងប្រឆាំងគ្រឿងញៀ.ននៃកងរាជអាវុធហត្ថខេត្តព្រះសីហនុ បានពន្លាតដែនសមត្ថកិច្ចរបស់ខ្លួន ដោយសហការជាមួយកម្លាំងប្រឆាំង គ្រឿងញៀ.នកងរាជអាវុធហត្ថខេត្តតាកែវ និងកម្លាំងមូលដ្ឋានកងរាជអាវុធហត្ថស្រុកព្រៃកប្បាស ដឹកនាំដោយលោកវរសេនីយ៍ឯក ង៉ែត ចាន់ធី មេបញ្ជាការរងកងរាជអាវុធហត្ថខេត្តតាកែវ បានបង្ក្រាបករណីជួញដូរ និងរក្សាទុកដោយខុសច្បាប់នូវសារធាតុញៀ.ន នៅភូមិស្វាយពារ ឃុំអង្កាញ់ ស្រុកព្រៃកប្បាស ។
លោកមេបញ្ជាការរង ង៉ែត ចាន់ធី បានឲ្យដឹងថា មុនពេលឈានទៅបង្ក្រាបនេះគឺខាងកងរាជអាវុធហត្ថខេត្តព្រះសីហនុបានបង្ក្រាបគ្រឿងញៀ.ន និងចាប់ខ្លួនស្ត្រីជាជនសង្ស័យ និងបានសារភាពពីទីតាំងប្តីលាក់ខ្លួនជួញដូរដែរ ។ ហេតុនេះហើយ ទើបខាងកងរាជអាវុធហត្ថខេត្តព្រះសីហនុ នាំជនសង្ស័យមកចង្អុលបង្ហាញដល់ស្រុកព្រៃកប្បាស តែបុរសជាប្តីមិនបានឃើញនៅផ្ទះទេ ទើបសមត្ថកិច្ចយើងរង់ចាំរហូតដល់ម៉ោងជាង១១យប់ក៏នៅតែមិនឃើញទៀត ក៏ចូលឆែកឆេរតែម្ដង ។
ជាលទ្ធផលក្នុងកិច្ចសហការបង្ក្រាបនេះ គឺបានឃាត់ខ្លួនស្ត្រីឈ្មោះ ទួន គីវ អាយុ៣៣ឆ្នាំ នៅភូមិស្វាយពារ ឃុំអង្កាញ់ ស្រុកព្រៃកប្បាស រួមជាមួយវត្ថុតាងដែលបានដកហូតមាន ម្សៅសថ្លាចំនួន៣៣កញ្ចប់ (ធំ៨កញ្ចប់និងតូច២៥កញ្ចប់) ទម្ងន់៨១៥,៩៦ក្រាម ជញ្ជីងសម្រាប់ថ្លឹងថ្នាំញៀ.ន១គ្រឿង ទូរស័ព្ទ២គ្រឿង ដាវ១ដើម និងថង់សម្រាប់វេចខ្ចប់ថ្នាំញៀ.នមួយចំនួន ។
ជនសង្ស័យនិងវត្ថុតាង ត្រូវបានកងរាជអាវុធហត្ថខេត្តតាកែវ ប្រគល់ជូនទៅកងរាជអាវុធហត្ថ
ខេត្តព្រះសីហនុ ដើម្បីចាត់ការបន្តតាមនីតិវិធី ៕
ចែករំលែកព័តមាននេះ