កំពុងបន្តនីតិវិធីក្នុងករណីឃាត់ខ្លួនជនសង្ស័យ៦នាក់ជាមួយថ្នាំជិត១គីឡូក្រាម
- ស្ទឹងត្រែង
សមត្ថកិច្ចកំពុងបន្តនីតិវិធីស្រាវជ្រាវបន្ថែមទៅលើករណីឃាត់ខ្លួនជនសង្ស័យប្រុសស្រីចំនួន៦នាក់ ពាក់ព័ន្ធករណីប្រើប្រាស់ និងចែកចាយ
ខេត្តស្ទឹងត្រែង ៖ សមត្ថកិច្ចកំពុងបន្តនីតិវិធីស្រាវជ្រាវបន្ថែមទៅលើករណីឃាត់ខ្លួនជនសង្ស័យប្រុសស្រីចំនួន៦នាក់ ពាក់ព័ន្ធករណីប្រើប្រាស់ និងចែកចាយគ្រឿងញៀ.ននៅក្រុងស្ទឹងត្រែង និងត្រូវបញ្ជូនទៅកាន់តុលាការនៅថ្ងៃទី៤ ខែមិថុនា ឆ្នាំ២០២៣នេះ។
ជនសង្ស័យខាងលើនេះ ត្រូវបានកម្លាំងការិយាល័យប្រឆាំងគ្រឿងញៀ.ន ឃាត់ខ្លួនបន្តបន្ទាប់ចាប់តាំងពីថ្ងៃទី០១ ខែមិថុនា ឆ្នាំ២០២៣ ស្ថិតក្នុងភូមិរាជានុកូល២ សង្កាត់ស្ទឹងត្រែង ក្រុងស្ទឹង ត្រែង។
តាមប្រភពព័ត៌មានអោយដឹងថា ក្នុងប្រតិបត្តិការបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀ.នខាងលើ ដែលប្រព្រឹត្តនៅចំណុចបន្ទប់ជួល ស្ថិតក្នុងភូមិរាជានុកូល២ សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ដោយប្រតិបត្តិការនេះធ្វើឡើងចំនួន៣លើកក្នុងថ្ងៃតែមួយ ហើយឃាត់ខ្លួនជនសង្ស័យប្រុសស្រីចំនួន៦នាក់ ក្នុងនោះរួមមាន ៖
១- ឈ្មោះ ភិន រតនា ហៅ ឆក ភេទ ប្រុស អាយុ ៣៥ឆ្នាំ មុខរបរនគរបាល ទីលំនៅបច្ចុប្បន្នភូមិព្រែក សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។
២- ឈ្មោះ គីម ស្រីនាង ភេទស្រី អាយុ២០ឆ្នាំ មុខរបរមិនពិតប្រាកដ មានទីលំនៅបច្ចុប្បន្នភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។
៣- ឈ្មោះ លឹម វិច្ឆិកា ភេទប្រុស អាយុ២៤ឆ្នាំ មុខរបរមិនពិតប្រាកដ មានទីលំនៅបច្ចុប្បន្នស្ថិតក្នុងភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។
៤- ឈ្មោះ អ៊ុក សុភាព ភេទប្រុស អាយុ៣៥ឆ្នាំ មុខរបរមិនពិតប្រាកដ ទីលំនៅបច្ចុប្បន្នភូមិបាចុងសង្កាត់ព្រះបាទ ក្រុងស្ទឹងត្រែង ខេត្តស្ទឹងត្រែង។
៥- ឈ្មោះ ឈឹម វិសាល ហៅ សុខលី ភេទប្រុស អាយុ៣៣ឆ្នាំ មុខរបរមិនពិតប្រាកដ ទីលំនៅបច្ចុប្បន្នក្នុងភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។ ៦- ឈ្មោះ ផាន់ សារ៉ាន់ ហៅក្របី ភេទប្រុស អាយុ៣៥ឆ្នាំ មុខរបរមិនពិតប្រាកដ មានទីលំនៅបច្ចុប្បន្នភូមិកាំង-មេម៉ាយ សង្កាត់ព្រះបាទ ក្រុងស្ទឹងត្រែង ខេត្តស្ទឹងត្រែង។
ក្រោយការឃាត់ខ្លួនជនសង្ស័យជាបន្តបន្ទាប់ខាងលើនេះ កម្លាំងជំនាញការិយាល័យប្រឆាំងគ្រឿងញៀ.នដែលមានការសហការជាមួយជំនាញផ្នែកប្រឆាំងគ្រឿងញៀ.ននៃអអិការដ្ឋាននគរបាលក្រុង និងនគរបាលប៉ុស្តិ៍រដ្ឋបាលក្រុង ដកហូតវត្ថុតាងគ្រឿងញៀ.នសរុបចំនួន១៧កញ្ចប់ (០៤កញ្ចប់ធំ និង១៣កញ្ចប់តូច) ទម្ងន់សុទ្ធសរុប ៧៦៥,៩ក្រាម ជាប្រភេទមេតំហ្វេតាមីនក្រាម ពណ៌សថ្លា (ICE), ម៉ូតូចំនួន០៣គ្រឿង, ទូរស័ព្ទដៃចំនួន០៦គ្រឿង និងថងសម្រាប់ខ្ចប់គ្រឿងញៀ.នមួយចំនួនទៀតផង។
បច្ចុប្បន្នជនសង្ស័យខាងលើ មន្ត្រីអនុវត្តច្បាប់ នៃការិយាល័យប្រឆាំងគ្រឿងញៀ.ន កំពុងឃាត់ខ្លួនរៀបចំសំណុំរឿងបញ្ជូនជនសង្ស័យ និងវត្ថុតាងទៅកាន់អយ្យការអមសាលាដំបូងខេត្ត ដើម្បីចាត់ការតាមនីតិវិធី៕
ចែករំលែកព័តមាននេះ