ADផ្ទាំងផ្សព្វផ្សាយពាណិជ្ជកម្ម

Picture

សម្តេច​តេ​ជោ ៖ វាគ្មិន​វិទ្យុ​អាស៊ី​សេរី​ជា​ច្រើន​មក​រស់នៅ​ជាមួយ​សម្ដេច

9 ខែ មុន
  • ភ្នំពេញ

សម្តេច​តេ​ជោ ហ៊ុន សែន នាយក​រដ្ឋមន្ដ្រី​នៃ​កម្ពុជា បាន​បង្ហើប​ថា វាគ្មិន​សម្ភា​ន៍​ជា​ច្រើន​របស់​លោក ជុន ច័ន្ទ​បុត្រ ប្រធាន​​​វិទ្យុ​អាស៊ី​សេរី បាន​មក​រស់នៅ​ជាមួយ​សម្តេច​ហើយ នៅ​សល់

រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ដ្រី​នៃ​កម្ពុជា បាន​បង្ហើប​ថា វាគ្មិន​សម្ភា​ន៍​ជា​ច្រើន​របស់​លោក ជុន ច័ន្ទ​បុត្រ ប្រធាន​វិទ្យុ​អាស៊ី​សេរី បាន​មក​រស់នៅ​ជាមួយ​សម្តេច​ហើយ នៅ​សល់​តែ​ប៉ុន្មាន​ទៀត​តែ​ប៉ុណ្ណោះ​។

ថ្លៃ​ក្នុង​ពិធី​សួរសុខទុក្ខ និង​សំណេះសំណាល​ជាមួយ​បងប្អូន​កម្មករនិយោជិត នៅ​រោងចក្រ Wing Star Shoe ស្ថិត​ក្នុងស្រុក​គងពិសី ខេត្តកំពង់ស្ពឺ នា​ថ្ងៃ​ទី​៤ ខែមិថុនា ឆ្នាំ​២០២៣ សម្តេច​តេ​ជោ ហ៊ុន សែន បាន​ប្រាប់​ទៅ​ក្រុម​ល្ងង់​នៅ​ក្រៅប្រទេស​មួយ​ចំនួន ជា​ពិសេស​ក្រុម​ប្រព័ន្ធ​ផ្សព្វផ្សាយ​គាំទ្រ​បរទេស​ថា «​កុំ​ល្ងង់​ពេក គណបក្ស​ប្រជាជន​មិនមែន​គិត​ត្រឹមតែ​រឿង​បោះ​ឆ្នោត​មួយ​ប៉ុណ្ណោះ​ទេ ប៉ុន្ដែ​គឺ​គេ​បាន​គិត​អំពី​ការ​រក្សាសុខ​សន្ដិភាព និង​ស្ថិរភាព​នយោបាយ​នៅ​ក្នុង​ប្រទេស​កម្ពុជា​ទាំងមូល​»​។

សម្ដេច​តេ​ជោ គូសបញ្ជាក់​ថា «​បាន​ក្បាល​មេក្រូ ហៅ​គេ​សម្ភា​ន៍ បើ​គេ​និយាយ​ទៅ​លិច ទាញ​គេ​ទៅ​ម៉​ង យូរ​ៗ​មើល​វា​ម្ដង (​ជុន ច័ន្ទ​បុត្រ​) អាហ្នឹង​វា​យ៉ាងម៉េច?​។ ប៉ុន្ដែ​អ្នកឯង​ត្រូវ​យល់ វាគ្មិន​របស់​ឯង គឺ​នៅ​ជាមួយ​ខ្ញុំ​ច្រើន​ហើយ នៅ​សល់​វាគ្មិន​ប៉ុន្មាន​»​។

ជាមួយ​គ្នា​នោះ​ផង​ដែរ សម្តេច នាយក​រដ្ឋមន្ដ្រី ក៏​នៅ​តែ​បន្ត​រំលឹក​អំពី​គុណ​តម្លៃ​នៃ​សុខ​សន្តិភាព ខណៈ​ការ​វិនិយោគ​ពី​បរទេស​នៅ​កម្ពុ​ជានា​ពេល​បច្ចុប្បន្ន​នេះ គឺ​កើត​ចេញពី​ប្រទេស​ដែល​កំពុង​មាន​សុខ​សន្តិភាព​នេះឯង​។ សម្តេច​តេ​ជោ បញ្ជាក់​ថា រហូត​មក​ដល់​ពេល​នេះ គ្មាន​គណបក្ស​ណាមួយ​មាន​លទ្ធភាព​ដឹកនាំ​ប្រទេស​ឲ្យ​មាន​សុខ​សន្តិភាព ដូច​គណបក្ស​ប្រជាជន​កម្ពុជា​នោះ​ទេ​។ គណបក្ស​ប្រជា​ជន​កម្ពុជា មិន​ត្រឹម​អា​ចរក​សន្តិភាព​ប៉ុណ្ណោះ​នោះ​ទេ ថែម​ទាំង​ធានា​ការពារ​សន្តិភាព​ជូន​ប្រជាជន និង​ប្រទេស​ជាតិ​បាន​ថែម​ទៀត​។

ជា​ថ្មី​ម្តងទៀត សម្តេច​តេ​ជោ​បាន​បន្ត​អំពាវនាវ​ដល់​កម្មករនិយោជិត បន្ត​ចូលរួម រួម​គ្នា​រក្សា​សន្តិ​ភាព ពីព្រោះ​បើ​គ្មាន​សន្ដិភាព គឺ​គ្មាន​រោងចក្រ គ្មាន​ឱកាស​ការងារ និង​ការ​អភិវឌ្ឍ​នោះ​ឡើយ​៕

អត្ថបទសរសេរ ដោយ

កែសម្រួលដោយ