រាជធានីភ្នំពេញ ៖ ព្រឹត្តិការណ៍កីឡាអាស៊ានប៉ារ៉ាហ្គេម ដែលបាន និងកំពុងប្រព្រឹត្តទៅនារសៀលថ្ងៃទី០៣ ខែមិថុនា ឆ្នាំ២០២៣ នៅវិមានកីឡដ្ឋានពហុកីឡដ្ឋានជាតិមរតកតេជោ ក្រោមអធិបតីភាពសម្ដេចអគ្គមហាសេនាបតីតេជោ ហ៊ុន…
រាជធានីភ្នំពេញ ៖ ព្រឹត្តិការណ៍កីឡាអាស៊ានប៉ារ៉ាហ្គេម ដែលបាន និងកំពុងប្រព្រឹត្តទៅនារសៀលថ្ងៃទី០៣ ខែមិថុនា ឆ្នាំ២០២៣ នៅវិមានកីឡដ្ឋានពហុកីឡដ្ឋានជាតិមរតកតេជោ ក្រោមអធិបតីភាពសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងមានការចូលរួមពីថ្នាក់ដឹកនាំសមាជិក សមាជិកា សហភាពសហព័ន្ធយុវជនកម្ពុជា រួមជាមួយប្រជាជនកម្ពុជាប្រមាណ៦០០០០ នាក់ ដែលប្រកបទៅដោយស្នាមញញឹម ភាពសប្បាយរីករាយ និងទឹកចិត្តគាំទ្រយ៉ាងមុតមាំក្នុងល្ងាចនេះ ។
សូមជម្រាបដែរថា ពិធិបើកនារសៀលនេះនឹងមានការថ្លែងសុន្ទកថាពីសំណាក់ ឯកឧត្តម ហ៊ុន ម៉ានី ប្រធានស.ស.យ.ក. និងជាប្រធានប្រតិភូកីឡាប៉ារ៉ាឡាំពិកកម្ពុជា និងសុន្ទកថាប្រកាសបើកជាផ្លូវការរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាពិសេសការបង្ហាញផ្ទាំងទស្សនីយភាពពិសេសៗជាច្រើនទៀតផងដែរ។
គួរបញ្ជាក់ដែរថា ការរៀបចំព្រឹត្តិការណ៍ប្រកួតកីឡាជនមានពិការភាពអាស៊ាន គឺជាប្រវត្តិសាស្ត្រថ្មីមួយបន្ថែមទៀតសម្រាប់កម្ពុជា ហើយព្រឹត្តិការណ៍ដ៏សំខាន់មួយនេះ ក៏ជាការបើកឱកាសឱ្យអត្តពលិកមានពិការភាពទទួលបានឱកាស ក្នុងការបង្ហាញពីសមត្ថភាព និងឆន្ទៈក្នុងការប្រកួតតំណាងឱ្យកម្ពុជាទាំងមូល។ព្រឹត្តិការណ៍ប្រកួតកីឡាអាស៊ានប៉ារ៉ាហ្គេមលើកទី១២ កម្ពុជាទទួលបានការចូលរួមពីសំណាក់ប្រតិភូកីឡាចំនួន១១ប្រទេស និងចូលរួមប្រកួតប្រជែងលើ១៣ ប្រភេទកីឡា សរុបចំនួន ៤៣១វិញ្ញាសា ៕
ចែករំលែកព័តមាននេះ