រាជធានីភ្នំពេញ ៖ ការប្រកួតកីឡាអាស៊ានប៉ារ៉ាហ្គេម លើកទី១២ នឹងបើកជាផ្លូវការនៅថ្ងៃទី០៣ ខែមិថុនា ឆ្នាំ២០២៣ ស្អែកនេះហើយ អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជា បានលើកឡើងថ្ងៃទី០២…
រាជធានីភ្នំពេញ ៖ ការប្រកួតកីឡាអាស៊ានប៉ារ៉ាហ្គេម លើកទី១២ នឹងបើកជាផ្លូវការនៅថ្ងៃទី០៣ ខែមិថុនា ឆ្នាំ២០២៣ ស្អែកនេះហើយ អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជា បានលើកឡើងថ្ងៃទី០២ មិថុនានេះថា កម្ពុជាសង្ឃឹមលើកីឡា ៤ប្រភេទ ដែលមានសក្ដានុពល ដណ្ដើមបានមេដាយមាសច្រើនជាងគេ ។
លោក យី វាសនា អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជា និងជាអគ្គលេខាធិការរងគណៈកម្មាធិការជាតិរៀបចំការប្រកួតកីឡាអាស៊ានប៉ារ៉ាហ្គេម លើកទី១២ បានប្រាប់អ្នកសារព័ត៌មានឲ្យដឹងថា ៖ «ប្រភេទកីឡាដែលកម្ពុជា គិតឃើញថា មានសក្ដានុពលនោះ គឺមាន ៖ កីឡាអត្តពលកម្ម កីឡាហែលទឹក កីឡាបាល់ទះអង្គុយ និងកីឡាបាល់បោះរទេះ ។ ០៤ប្រភេទកីឡានេះ កម្ពុជារំពឹងទុកថា នឹងមានមេដាយមាសច្រើនជាងប្រភេទកីឡាដទៃទៀត ។ ប៉ុន្តែក្នុងចំណោម ១០ប្រភេទកីឡាទៀត មិនមែនថា អត់នោះទេ ខ្ញុំនៅតែសង្ឃឹមថា មាន០៨-០៩ប្រភេទកីឡា នឹងនៅតែមានមេដាយមាសដដែល» ។
ការប្រកួតកីឡាអាស៊ានប៉ារ៉ាហ្គេម លើកទី១២នេះ មានកីឡាចំនួន ១៤ប្រភេទ គឺ ៖
កីឡាអត្តពលកម្មជនពិការ Para Athletic
កីឡាហែលទឹកជនពិការ Para Swimming
កីឡាបាល់បោះរទេះ Wheelchair Basketball
កីឡាបាល់ទះអង្គុយ Sitting Volleyball
កីឡាវាយកូនឃ្លីលើតុជនពិការ Para Table Tennis
កីឡាវាយសីជនពិការ Para Badminton
កីឡាបាល់ទាត់ជនពិការ Football 5 Aside
កីឡាបាល់ទាត់ចលករខួក្បាល CP Football /Football 7 Aside
កីឡាបាល់បោះជនពិការ Para Goalball
កីឡាលើកទម្ងន់ជនពិការ Para Powerlifting
កីឡាយូដូជនពិការ Para Judo
កីឡាបូស្យា Boccia
កីឡាអុក Chess
និងកីឡា E-Sport ៕
ចែករំលែកព័តមាននេះ