រាជធានីភ្នំពេញ ៖ ការបោះឆ្នោតជ្រើសតាំងអ្នកតំណាងរាស្ត្រកាន់តែជិតមកដល់ហើយ ពោលគឺនៅសល់តែមួយខែ២៣ថ្ងៃទៀត ដល់ថ្ងៃទី២៣ កក្កដា ដែលជាថ្ងៃបោះឆ្នោត អ្វីដែលសំខាន់នោះគណៈកម្មាធិការជាតិរៀបចំការបោះឆ្នោតគ្រោងនឹងបោះពុម្ពសន្លឹកឆ្នោតជាង១៣លានសន្លឹក។ ការបោះឆ្នោតជ្រើសអ្នកតំណាងរាស្ត្រអាណត្តិទី៧នៃមានគណបក្សនយោបាយចំនួន១៨ បានចូលរួមប្រកួតប្រជែងដំណើរសន្លឹកពីម្ចាស់ឆ្នោត…
រាជធានីភ្នំពេញ ៖ ការបោះឆ្នោតជ្រើសតាំងអ្នកតំណាងរាស្ត្រកាន់តែជិតមកដល់ហើយ ពោលគឺនៅសល់តែមួយខែ២៣ថ្ងៃទៀត ដល់ថ្ងៃទី២៣ កក្កដា ដែលជាថ្ងៃបោះឆ្នោត អ្វីដែលសំខាន់នោះគណៈកម្មាធិការជាតិរៀបចំការបោះឆ្នោតគ្រោងនឹងបោះពុម្ពសន្លឹកឆ្នោតជាង១៣លានសន្លឹក។
ការបោះឆ្នោតជ្រើសអ្នកតំណាងរាស្ត្រអាណត្តិទី៧នៃមានគណបក្សនយោបាយចំនួន១៨ បានចូលរួមប្រកួតប្រជែងដំណើរសន្លឹកពីម្ចាស់ឆ្នោត ។ គណបក្សទាំង១៨ ត្រូវបានបញ្ចេញសារនយោបាយរបស់ខ្លួន ដើម្បីទាក់ទាញសន្លឹកឆ្នោត អ្វីដែលសំខាន់នោះ គេសង្កេតឃើញថា គណបក្សប្រជាជនកម្ពុជា ដែលបក្សកាន់អំណាច ហើយស្ថិតក្នុងលេខរៀងទី១៨ កូនពៅកំពុងតែមានប្រជាប្រិយភាពជាងគេ ខណៈគណបក្សភ្លើងទៀនដែលជាគូប្រកួតប្រជែងមិនបានគោរពតាមច្បាប់ធ្វើឲ្យគ.ជ.ប និងក្រុមប្រឹក្សាធម្មនុញ្ញបដិសេធក្នុងការចុះបញ្ជីគណបក្សនយោបាយ និងបញ្ជីបេក្ខជនក្នុងការបោះឆ្នោតជ្រើសរើសអ្នកតំណាងរាស្ត្រអាណត្តិទី៧ ។
ឯកឧត្តម ហង្ស ពុទ្ធាសមាជិក និងជាអ្នកនាំពាក្យគ.ជ.បបានឲ្យដឹងកោះសន្តិភាពដឹង នៅថ្ងៃទី១មិថុនា ឆ្នាំ២០២៣ ថា គណៈកម្មាធិការជាតិរៀបចំការបោះឆ្នោត (គជប) ផលិតបោះពុម្ពសន្លឹកឆ្នោតជាង១៣លានសន្លឹក ហើយនឹងបញ្ជូនទៅប្រើប្រាស់នៅតាមការិយាល័យបោះឆ្នោតនៅទូទាំងប្រទេសជាង១១លានសន្លឹកឆ្នោត និងបម្រុងទុកជាង១លាន ២សែនសន្លឹក ។ សម្ដេចតេជោ ហ៊ុនសែននាយករដ្ឋមន្ដ្រីនិងជាប្រធានគណបក្សប្រជាជនកម្ពុជាបាន បញ្ជាក់កាលពីថ្ងៃទី៣១ឧសភា ថា គណៈកម្មាធិការជាតិរៀបចំការបោះឆ្នោត (គ.ជ.ប) បានដំណើរការបោះពុម្ពសន្លឹក
ឆ្នោតហើយ គឺមិនដើរថយក្រោយ ព្រោះតែគណបក្សមួយ ឬពីរគណបក្សនោះទេ ទោះបីតវ៉ាយ៉ាងណាក៏ដោយ។
សម្ដេចតេជោ ហ៊ុន សែន បានបញ្ជាក់យ៉ាងដូច្នេះថា «គេ (គ.ជ.ប) បានបោះពុម្ពសន្លឹកឆ្នោតហើយ គេអត់ថយក្រោយដោយសារម្នាក់ ឬពីរនាក់ ម៉ាបក្ស ឬពីរបក្សទេ គេអត់ថយក្រោយទេ ទោះបីតវ៉ាដល់ងាប់ខ្លួនទៅទៀត ក៏គ្មានអ្នកគេធ្វើដែរ» ។ សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ មានគណបក្សនយោបាយចំនួន១៨ ត្រូវបានគ.ជ.ប សម្រេចទទួលស្គាល់ ជាផ្លូវការលើ ការចុះបញ្ជី របស់គណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះ។ ដោយឡែក គណបក្សភ្លើងទៀត និងគណបក្សមហាសាមគ្គីជាតិខ្មែរ ត្រូវបាន គ.ជ.ប និងក្រុមប្រឹក្សាធម្មនុញ្ញ បដិសេធក្នុងការចុះបញ្ជី ។ ចំពោះការចាប់លេខរៀង គណបក្សនយោបាយទាំង១៨នោះ គណបក្សប្រជនកម្ពុជា បានលេខរៀងទី១៨ ដែលជាលេខងាយស្រួលចំណាំផង
ដែរ។
សូមជម្រាបថា គណៈកម្មាធិការជាតិរៀបចំការបោះឆ្នោត(គ.ជ.ប)បានបញ្ជាក់ថា ចំនួនប្រជាពលរដ្ឋដែលមានឈ្មោះក្នុងបញ្ជីបោះឆ្នោតដំបូងដែលនឹងត្រូវបិទផ្សាយមានចំនួនជាង៩,៧លាននាក់និងប្រជាពលរដ្ឋដែលនឹងត្រូវលុបចេញពីបញ្ជីបោះឆ្នោតដោយមូលហេតុផ្លាស់ចេញ ស្លាប់ ស្ទួន និងការដកសិទ្ធិបោះឆ្នោតមានចំនួនជាង២៧០.០០០នាក់។
លោកសោម សូរីដា អគ្គលេខាធិការរងគ.ជ.បធ្លាប់បញ្ជាក់ថាក្នុងទិន្នន័យ នៃលទ្ធផលនៃ ការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ២០២២ ចំនួនឈ្មោះដែលមាននៅក្នុង បញ្ជីបោះឆ្នោតដំបូងដែលត្រូវបិទផ្សាយមានចំនួន ៩.៧១០.៦៤៥នាក់ ក្នុងនោះស្រីចំនួន ៥.១៦១.៩០៦នាក់ និងការិយាល័យ បោះឆ្នោតទូទាំងប្រទេស គឺមានចំនួន ២៣.៧៨៩ ការិយាល័យ។ ដោយឡែកសម្រាប់ អ្នកផ្លាស់ចេញ អ្នកស្លាប់ និងឈ្មោះស្ទួន និងអ្នកដែល ត្រូវដកហូតសិទ្ធិ ចេញពីបញ្ជីបោះឆ្នោត គឺមានចំនួន ២៧១.១៤២នាក់ ។
ចែករំលែកព័តមាននេះ