កូរ៉េខាងត្បូងបានក្លាយជាទីផ្សារការងារដ៏សំខាន់មួយសម្រាប់កម្ពុជាដោយពេលនេះមានប្រជាជនកម្ពុជាចំនួនជា៤៥០០០នាក់ធើ្វការនៅទីនោះ។ នេះបើតាមប្រសាសន៍របស់ សម្តេចធិបតី ហ៊ុន ម៉ាណែត នៅក្នុងការជួបជុំបងប្អូនខ្មែរកំពុងស្នាក់ នៅប្រទេសកូរ៉េខាងត្បូង នៅថ្ងៃទី១៨ ខែឧសភា។ សម្តេចធិបតី…
កូរ៉េខាងត្បូងបានក្លាយជាទីផ្សារការងារដ៏សំខាន់មួយសម្រាប់កម្ពុជាដោយពេលនេះមានប្រជាជនកម្ពុជាចំនួនជា៤៥០០០នាក់ធើ្វការនៅទីនោះ។
នេះបើតាមប្រសាសន៍របស់ សម្តេចធិបតី ហ៊ុន ម៉ាណែត នៅក្នុងការជួបជុំបងប្អូនខ្មែរកំពុងស្នាក់ នៅប្រទេសកូរ៉េខាងត្បូង នៅថ្ងៃទី១៨ ខែឧសភា។
សម្តេចធិបតី ហ៊ុន ម៉ាណែត បានថ្លែងថា ពលករដែលកំពុងធ្វើការនៅកូរ៉េបច្ចុប្បន្ន ខ្មែរមានជាង ៤៥,០០០នាក់, ថៃប្រមាណ២៤ម៉ឺននាក់, វៀតណាម ប្រមាណ២៧ម៉ឺននាក់, ហ្វីលីពិនប្រមាណ១៥ ម៉ឺននាក់ និងឥណ្ឌូនេស៊ីជិត១៦ម៉ឺននាក់។
សម្តេចធិបតី ហ៊ុន ម៉ាណែត បានថ្លែងថា រយៈពេល១០ឆ្នាំនេះ ពលករខ្មែរធ្វើការនៅកូរ៉េកើនជាង ៦ម៉ឺននាក់។ ឆ្នាំ២០២៤ កូតាពលករខ្មែរ ត្រូវបានដំឡើងដល់១១៥០នាក់ ក្នុងមួយឆ្នាំ។
សម្តេចធិបតី ហ៊ុន ម៉ាណែត បានថ្លែងថា មានមូលហេតុ៣ នាំឱ្យពលករខ្មែរមានឱកាសការងារនៅកូរ៉េ រួមមាន៖ ១-ការភ្ជាប់ទំនាក់ទំនងឡើងវិញនៅឆ្នាំ១៩៩៧ ដែលជាការពុះពាររបស់សម្តេចតេជោ, ២-ការខិតខំប្រឹងប្រែងរបស់ក្រសួងស្ថាប័នពាក់ព័ន្ធ និងទី៣-ដោយសារពលករខ្មែរខ្លួនឯង ដែលឧស្សាហ៍ព្យាយាម និងមិនបង្កបញ្ហាដល់ថៅកែកូរ៉េ៕
ចែករំលែកព័តមាននេះ