សម្តេចតេជោ ៖ នាយករដ្ឋមន្ត្រីម៉ាឡេស៊ី សន្យាមិនឲ្យជនក្បត់ជាតិ សម រង្ស៊ី ចូលទឹកដីម៉ាឡេស៊ីឡើយ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងឲ្យដឹងថា លោក អាន់វ៉ា អ៊ីប្រាហ៊ីម…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងឲ្យដឹងថា លោក អាន់វ៉ា អ៊ីប្រាហ៊ីម…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងឲ្យដឹងថា លោក អាន់វ៉ា អ៊ីប្រាហ៊ីម នាយករដ្ឋមន្ត្រី ម៉ាឡេស៉ី ធ្លាប់បានសន្យាច្បាស់ជាមួយសម្តេចចំនួន ៤ដង មិនអនុញ្ញាតឲ្យពូជក្បត់ជាតិ ៣ជំនាន់ សម រង្ស៊ី ចូលទឹកដី ម៉ាឡេស៊ី ឡើយ ។
ការបញ្ជាក់របស់សម្តេចតេជោ ខាងលើនេះ បន្ទាប់ពីទណ្ឌិត សម រង្ស៊ី បានថ្លែងនៅព្រលានយន្តហោះអូស្ត្រាលី ថា លោក បានបញ្ចប់ទស្សនកិច្ចរយៈពេល១០ថ្ងៃ នៅប្រទេសអូស្ត្រាលី ហើយកំពុងបន្តដំណើរទៅកាន់ប្រទេសម៉ាឡេស៊ី ដែលជាប្រទេ ស ក្នុងតំបន់អាស៊ាន ។
ជាមួយគ្នានោះដែរ ទណ្ឌិត សម រង្ស៊ី ថាខ្លួននឹងធ្វើដំណើរវិលជុំវិញប្រទេសកម្ពុជា និងត្រៀមលក្ខណៈចូលកម្ពុជា នៅក្នុងពេលឆាប់ៗនេះ ។
យ៉ាងណាក្តីថ្លែងក្នុងឱកាសអញ្ជើញសម្ពោធដាក់ឱ្យប្រើប្រាស់ស្ពានឆ្លងទន្លេ និងស្ពានអាកាសឫស្សីកែវ នាព្រឹកថ្ងៃទី៣១ ខែឧសភា ឆ្នាំ២០២៣ សម្តេចតេជោបញ្ជាក់ថា ការចូលមកដល់ម៉ាឡេស៊ី ពីសំណាក់ទណ្ឌិត សម រង្ស៊ី មិនត្រូវបានលោក អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី មិនដឹងឡើយ ព្រោះគេចូលតាមរយៈវិស័យឯកជន ហើយកាន់លិខិតឆ្លងដែនបារាំង ។
សម្តេចតេជោ ហ៊ុន សែន បានបញ្ជាក់ថា នៅពេលមកដល់ម៉ាឡេស៊ី សម រង្ស៊ី និងក្រុមរបស់គេ ប្រុងរៀបចំកិច្ចប្រជុំនៅទីនោះ ប៉ុន្តែត្រូវបានអាជ្ញាធរម៉ាឡេស៊ី មិនអនុញ្ញាតឱ្យរៀបចំកិច្ចប្រជុំឡើយ ។
សម្តេចតេជោ ហ៊ុន សែន បានលើកឡើងទៀតថា គ្រាន់តែពួកក្បត់ជាតិ ៣ជំនាន់ មកដល់ដីម៉ាឡេស៊ី គេអួតថា នឹងបន្តចូលប្រទេសថៃ ដោយយកហេតុផលថា ប្រទេសថៃ ទើបបោះឆ្នោតមានមេដឹកនាំថ្មី ខណៈមានអ្នកវិភាគមួយ ផ្តល់យោបល់ថា អាចចូលដីខ្មែរ តាមរយៈប្រទេសថៃ។ ឆ្លើយតបការលើកឡើងនេះ សម្តេចត្រៀមស្វាគមន៍ ការចូលមកកម្ពុជា របស់ក្រុមក្បត់ជាតិ ៣ជំនាន់ ដោយកាំភ្លើង BM21 ។
សម្តេចតេជោ ហ៊ុន សែន បានថ្លែងយ៉ាងដូច្នេះថា ៖«អរគុណឯកឧត្តម លោក អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី ដែលបានសន្យាជាមួយខ្ញុំ ៤ដង ថាមិនឱ្យអានេះ[សម រង្ស៊ី] មកទេ។ គាត់អត់ដឹងទេ គេមកតាមវិស័យឯកជន ហើយប្រើប៉ាស្ព័របារាំង។ ម្សិលមិញប្រុងប្រៀបប្រជុំ គេអត់ឱ្យប្រជុំ ឥឡូវទៅដល់ព្រលានយន្តហោះ អាជ្ញាធររំសាយការប្រជុំ ហើយគ្រាន់តែឃើញថៃ គេបោះឆ្នោត មានបក្សមួយនោះឈ្នះ គេថា គេជិតបានចូលស្រុកខ្មែរហើយ ចាំទៅអាពៅ កុំភូតគេពេក» ។
សម្តេចតេជោបានគូសបញ្ជាក់យ៉ាងដូច្នេះថា ៖ «ឯកឧត្តម អាន់វ៉ា អ៊ីប្រាហ៊ីម បាននិយាយជាមួយខ្ញុំច្បាស់ថា មិនឱ្យមកទេ ហើយខ្ញុំក៏បាននិយាយ ខ្ញុំថា បើសិនជាឱ្យមក យើងរដ្ឋាភិបាល និងរដ្ឋាភិបាល មើលមុខគ្នាអត់ត្រង់ទេ។ គេបានមកជាន់ទឹកដីម៉ាឡេស៊ី អួតនោះអួត គេអួតថា បានមកជាន់ទឹកដីថៃទៀត ចាំមើលអួតដល់ណាទៀត ហើយបណ្ឌិត សេង សារី គេផ្តល់យោបល់ទៀតថា សល់តែមួយទេ ដល់ទឹកដីថៃហើយ ឆ្លងចូលកម្ពុជាតែម្តង អ្នកផ្តល់យោបល់នេះ ល្អតែត្រូវ BM 21 មកបណ្ឌិត សេង សារី ជូនដំណើរអាក្បត់ជាតិ ៣ជំនាន់មកតែម្តង» ។
ជាមួយគ្នានោះដែរ សម្តេចតេជោ ហ៊ុន សែន ក៏បានប្រកាសជាថ្មីថា អ្នកដែលចង់ធ្វើបាតុកម្មប្រឆាំងនឹងសេចក្តីសម្រេចរបស់គណៈកម្មាធិការជាតិ រៀបចំការបោះឆ្នោត (គ.ជ.ប) នឹងត្រូវ «ស្វាគមន៍ដោយគុក» ដោយរាជរដ្ឋាភិបាល មិនអនុញ្ញាតឱ្យពួកគេបំផ្លាញសន្តិសុខ និងស្ថេរភាពជាតិនោះទេ ៕
ចែករំលែកព័តមាននេះ