ក្តៅដូចបាយពុះ! ដ្រូនអាថ៌កំបាំងបន្តវា.យប្រហាររោងចក្រចម្រាញ់ប្រេងរុស្ស៊ី ឆេះយ៉ាងសន្ធោសន្ធៅ
រុស្ស៊ី ៖ រោងចក្រចម្រាញ់ប្រេងដ៏សំខាន់មួយកន្លែងរបស់ប្រទេសរុស្ស៊ី បានឆាបឆេះយ៉ាងសន្ធោសន្ធៅ
រុស្ស៊ី ៖ រោងចក្រចម្រាញ់ប្រេងដ៏សំខាន់មួយកន្លែងរបស់ប្រទេសរុស្ស៊ី បានឆាបឆេះយ៉ាងសន្ធោសន្ធៅ
រុស្ស៊ី ៖ រោងចក្រចម្រាញ់ប្រេងដ៏សំខាន់មួយកន្លែងរបស់ប្រទេសរុស្ស៊ី បានឆាបឆេះយ៉ាងសន្ធោសន្ធៅ បន្ទាប់ពីមានការសង្ស័យថា រងការវា.យប្រហារដោយដ្រូនពិឃា.តរបស់អ៊ុយក្រែន។ នេះបើយោងតាមប្រភពពីសារព័ត៌មាន The Sun ចេញផ្សាយនៅថ្ងៃទី៣១ ខែឧសភា ឆ្នាំ២០២៣ ។ គួររំលឹកថា ក្តៅគគុក! ដ្រូនអាថ៌កំបាំងច្រើនគ្រឿងវា.យប្រហារក្រុងមូស្គូ ខ្ទេចអគារមួយចំនួន
ការវា.យប្រហារនេះកើតឡើង ក្រោយពេលប្រធានាធិបតីរុស្ស៊ី លោក វ្លាដឺមៀរ ពូទីន (Vladimir Putin) បានចោទប្រកាន់ភាគីអ៊ុយក្រែនថា ប៉ុនប៉ងបំភ័.យ និងបង្ករឿងដល់ប្រទេសរុស្ស៊ី បន្ទាប់ពីការវា.យប្រហារដោយដ្រូនពិឃាតអាថ៌កំបាំងមកលើទីក្រុងមូស្គូ កាលពីព្រឹកថ្ងៃទី៣០ ខែឧសភា កន្លងទៅ។
ការវា.យប្រហារដាច់ដោយឡែកផ្សេងទៀត ដោយដ្រូនពិឃាតកើតឡើងនៅម៉ោង ៣ទៀបភ្លឺឈានចូលថ្ងៃទី៣១ ខែឧសភា ដោយបានបង្កឱ្យមានការឆាបឆេះយ៉ាងសន្ធោសន្ធៅ នៅឯរោងចក្រចម្រាញ់ប្រេង Afipsky ស្ថិតក្នុងទីក្រុង Krasnodar។ រោងចក្រចម្រាញ់ប្រេង ដែលមានចម្ងាយ ២២គីឡូម៉ែត្រភាគនិរតីនៃទីក្រុង Krasnodar មួយនេះ សម្រាប់ផ្គត់ផ្គង់កំពង់ផែយុទ្ធសាស្ត្រ Novorossiysk នៅលើសមុទ្រខ្មៅ។
អភិបាលក្រុង Krasnodar លោក Veniamin Kondratyev បានអះអាងថា គឺជាការវាយប្រហារដោយដ្រូនពិតប្រាកដមែន ហើយលោកបានបញ្ជាក់ថា ក្នុងហេតុការណ៍នេះ ពុំបានបង្កឱ្យនរណាម្នាក់រងរបួសនោះទេ។
ទន្ទឹមនឹងនោះ ក៏មានការវា.យប្រហារជាថ្មីម្ដងទៀតលើតំបន់ Shebekino ជិតព្រំដែនជាមួយប្រទេសអ៊ុយក្រែន ស្ថិតក្នុងទីក្រុង Belgorod របស់រុស្ស៊ី ដែលអភិបាលក្រុង Belgorod លោក Vyacheslav Gladkov បានថ្លែងតាមរយៈវីដេអូនៅព្រឹកព្រលឹមថា «នេះមិនមែនជាពេលព្រឹកព្រលឹមដ៏ល្អនោះទេ នៅម៉ោង ៣:១៥នាទីទៀបភ្លឺមានការវា.យប្រហារដោយកាំជ្រួចដ៏ធំមួយលើតំបន់ Shebekino បង្កឱ្យមានការខូចខាតជាច្រើននៅក្នុងប្លុកផ្ទះល្វែង ផ្ទះឯកជន និងរថយន្តជាច្រើនគ្រឿងឆាបឆេះ ខណៈដែលមនុស្ស៤នាក់បានរងរបួស ហើយក្មេងៗនឹងត្រូវបានជម្លៀសចេញពីស្រុក Shebekinsky និង Graivoronsky»។
សូមជម្រាបថា ការវា.យប្រហារចុងក្រោយបំផុតបានកើតឡើង បន្ទាប់ពីអ៊ុយក្រែនត្រូវបានព្រមានថា ខ្លួនប្រឈមមុខនឹងការវា.យប្រហារនុយក្លេអ៊ែរ ហើយក្រោយមកដ្រូនពិឃាតអាថ៌កំបាំងជាច្រើនគ្រឿងបានវា.យប្រហារលើទីក្រុងម៉ូស្គូ កាលពីថ្ងៃទី៣០ ខែឧសភា កន្លងទៅ ខណៈដែលគ្រាប់បែកហោះ Kamikaze បានវាយប្រហារតំបន់ជាយក្រុងដ៏អស្ចារ្យនៃរដ្ឋធានីរុស្ស៊ី ដែលជាកន្លែងដែលមេដឹកនាំកំពូលៗ ប្រទេសនេះរស់នៅ៕ (ប្រភពី The Sun)
ចែករំលែកព័តមាននេះ