ខេត្តកំពង់ចាម ៖ ភ្លៀងមួយមេធំលាយឡំជាមួយខ្យល់ព្យុះ និងផ្លេកបន្ទោរខ្វាត់ខ្វែងនាព្រឹកព្រលឹមថ្ងៃទី៤ ឧសភា ២០១១ ហើយជាមួយនោះបានបង្កឱ្យមានរន្ទះបា.ញ់ចំនួន២កន្លែង មកលើប្រជាពលរដ្ឋ កម្មករឡឥដ្ឋ ស្ថិតក្នុងភូមិបឹងត្រស់ និងភូមិទួលវិហារ ឃុំជីរោទី២ស្រុកត្បូងឃ្មុំ ជាហេតុបណ្តាលឱ្យសន្លប់រហូតដល់ទៅ៣នាក់ ត្រូវបាននាំ
ខេត្តកំពង់ចាម ៖ ភ្លៀងមួយមេធំលាយឡំជាមួយខ្យល់ព្យុះ និងផ្លេកបន្ទោរខ្វាត់ខ្វែងនាព្រឹកព្រលឹមថ្ងៃទី៤ ឧសភា ២០១១ ហើយជាមួយនោះបានបង្កឱ្យមានរន្ទះបាញ់ចំនួន២កន្លែង មកលើប្រជាពលរដ្ឋ កម្មករឡឥដ្ឋ ស្ថិតក្នុងភូមិបឹងត្រស់ និងភូមិទួលវិហារ ឃុំជីរោទី២ស្រុកត្បូងឃ្មុំ ជាហេតុបណ្តាលឱ្យសន្លប់រហូតដល់ទៅ៣នាក់ ត្រូវបាននាំមកសង្គ្រោះនៅគ្លីនិកឯកជន «១១៥» ចំណួន២នាក់ និងស្ត្រីម្នាក់ទៀតត្រូវបាននាំទៅសង្គ្រោះនៅមន្ទីរពេទ្យ៧ “D” ។ តាមសេចក្តីរាយការណ៍ពីលោកគង់ សីហុង នាយប៉ុស្តិ៍ឃុំជីរោទី២ បានប្រាប់កោះសន្តិភាពឱ្យដឹងថា អ្នករងគ្រោះដែលត្រូវរន្ទះបាញ់បណ្តាលឱ្យសន្លប់នោះរួមមាន ១-ឈ្មោះស៊ុំ ប៊ុនធឿន ហៅឆាន ភេទប្រុស អាយុ៤១ឆ្នាំ ២-ឈ្មោះខុម ខន ភេទប្រុស អាយុ៣២ឆ្នាំ រស់នៅភូមិបឹងត្រស់ ឃុំជីរោទី២ ស្រុកត្បូងឃ្មុំ ៣-ឈ្មោះប៊ីន ចាន់រ៉ា ភេទស្រី អាយុ១៨ឆ្នាំ រស់នៅភូមិទួលវិហារ ឃុំជីរោទី២ ដែរ ។
លោកនាយប៉ុស្តិ៍ឃុំជីរោទី២បានប្រាប់បន្តថា ករណីទី១នាពេលព្រឹកព្រលឹមម៉ោង៦និង៣០នាទី មេឃបានបង្អុរភ្លៀងធ្លាក់មកជាខ្លាំង នារីឈ្មោះចាន់រ៉ា បានឈរនៅខាងក្រោមផ្ទះផ្អែកនៅនឹងសសរផ្ទះ ដែលមានចងភ្ជាប់បង្គោលអង់តែនទូរទស្សន៍ រំពេចនោះស្រាប់តែមានផ្លេកបន្ទោរខ្វាត់ខ្វែង និងរន្ទះបាញ់ផាំងត្រូវចំអង់តែនទូរទស្សន៍ឡើងបាក់ធ្លាក់មកដី ហើយនារីនេះក៏បានរងគ្រោះរហូតដល់សន្លប់ ត្រូវសាច់ញាតិដឹកបញ្ជូនទៅសង្គ្រោះនៅមន្ទីរពេទ្យ៧ “D” រួចផុតពីគ្រោះថ្នាក់ដល់អាយុជីវិត។
ចំពោះករណីទី២ ត្រូវបានអ្នកស្រីឈ្មោះស៊ន ពុំ អាយុ៤០ឆ្នាំ បានរៀបរាប់ប្រាប់ឱ្យដឹងថា ម៉ោងប្រហែលជា៧ព្រឹកថ្ងៃទី៤ ឧសភា ប្តីរបស់គាត់ឈ្មោះប៊ុនធឿន មានតួនាទីជាមេការ និងកូនប្រុសឈ្មោះរ៉ា ពិសី អាយុ១៦ឆ្នាំ ព្រមទាំងកម្មករម្នាក់ទៀតឈ្មោះខុម ខន បាននាំគ្នាកាយដីបង្ហូរទឹកកុំឱ្យដក់នៅក្នុងបរិវេណឡឥដ្ឋ ស្ថិតក្នុងភូមិបឹងត្រស់ ឃុំជីរោទី២ បានប្រហែលជា១៥នាទីក៏ត្រូវកូនប្រុសដើរចូលទៅក្នុងឡឥដ្ឋបាត់ ។ នៅសល់តែប្តី និងកម្មករកំពុងតែនាំគ្នាកាយដី ស្រាប់តែរន្ទះបាញ់មកលើពួកគាត់ទាំង២នាក់ ជាហេតុបណ្តាលឱ្យសន្លប់ដួលដេកទៅលើដីបង្កឱ្យមានការភ្ញាក់ផ្អើលពេញសិប្បកម្មឡឥដ្ឋតែម្តង៕
ចែករំលែកព័តមាននេះ