ខេត្តបន្ទាយមានជ័យមានទីតាំងជនភៀសសឹកចំនួន២៦កន្លែងស្មើនឹង ២ ២៩៦គ្រួសារ
- បន្ទាយមានជ័យ
ខេត្តបន្ទាយមានជ័យ ៖ នៅខេត្តបន្ទាយមានជ័យ គិតត្រឹមថ្ងៃទី៤ ខែសីហា ឆ្នាំ២០២៥មានតំបន់សុវត្ថិភាព សម្រាប់ជនភៀសសឹកចំនួន២៦កន្លែង ស្មើនឹង ២ ២៩៦គ្រួសារ…
ខេត្តបន្ទាយមានជ័យ ៖ នៅខេត្តបន្ទាយមានជ័យ គិតត្រឹមថ្ងៃទី៤ ខែសីហា ឆ្នាំ២០២៥មានតំបន់សុវត្ថិភាព សម្រាប់ជនភៀសសឹកចំនួន២៦កន្លែង ស្មើនឹង ២ ២៩៦គ្រួសារ គិតជាមនុស្សរាយចំនួន ៨ ៥០៥នាក់(ស្រី៤ ៥២៦នាក់) ក្នុងនោះកុមារចំនួន ១ ៧៤៦នាក់ ដែលបានជម្លៀសពីព្រំដែនកម្ពុជា-ថៃ ។ នេះបើតាមរបាយការណ៍របស់រដ្ឋបាលខេត្ត ។
តំបន់សុវត្ថិភាពចំនួន២៦កន្លែងនោះ មាន ៖១-ស្រុកព្រះនេត្រព្រះ ចំនួន៣កន្លែង ស្មើនឹង ៤៦០គ្រួសារ មនុស្សរាយចំនួន ១ ៦២៤នាក់(ស្រី៩១៦នាក់) ក្នុងនោះកុមារ ២៥៧នាក់ ។២-ស្រុកភ្នំស្រុកចំនួន២កន្លែង ស្មើនឹង១២៥គ្រួសារ មនុស្សរាយចំនួន ៣៨៨នាក់(ស្រី២០១នាក់) ។៣-ស្រុកថ្មពួកមានចំនួន៨ន្លែង ស្មើនឹង ៤៤១នាក់ មនុស្សរាយចំនួន ១ ៣៧៧នាក់(ស្រី៧១១នាក់) ក្នុងនោះកុមារ ៤៣៥នាក់ ។៤-ក្រុងសិរីសោភ័ណមានចំនួន១កន្លែង ១៤៦គ្រួសារ មនុស្សរាយចំនួន ៣៩២នាក់ (ស្រី២៥៣នាក់) ក្នុងនោះកុមារ ១៥៧នាក់ ។
៥-ស្រុកអូរជ្រៅមានចំនួន៣កន្លែង ស្មើនឹង ៤៥៨គ្រួសារ មនុស្សរាយ ២ ២០៨នាក់(ស្រី១ ០៨១នាក់) ក្នុងកុមារចំនួន ៤២៤នាក់ ។៦-ស្រុកស្វាយចេកមានចំនួន១កន្លែង ស្មើនឹង ១៧០គ្រួសារ មនុស្សរាយមានចំនួន ៥៨៦នាក់(ស្រី២៦០នាក់) ។ ៧-ស្រុកមង្គលបុរីមាន១កន្លែង ចំនួន៤៥គ្រួសារ ស្មើនឹង ១៥៣នាក់(ស្រី៨៨នាក់) ក្នុងនោះកុមារចំនួន ៦៦នាក់ ៕
ចែករំលែកព័តមាននេះ