បន្ទាយមានជ័យ ៖ មានពលរដ្ឋខ្មែរដែលវិលត្រឡប់មកពីប្រទេសថៃ ចំនួន២៨៩នាក់ នគរបាលប្រើប្រាស់រថយន្ត១៩គ្រឿង ដឹកជញ្ចូនពួកគាត់ទៅកាន់តាមបណ្តាខេត្ត នៅថ្ងៃទី៥ ខែសីហាឆ្នាំ២០២៥ ។ នេះបើតាម…
បន្ទាយមានជ័យ ៖ មានពលរដ្ឋខ្មែរដែលវិលត្រឡប់មកពីប្រទេសថៃ ចំនួន២៨៩នាក់ នគរបាលប្រើប្រាស់រថយន្ត១៩គ្រឿង ដឹកជញ្ចូនពួកគាត់ទៅកាន់តាមបណ្តាខេត្ត នៅថ្ងៃទី៥ ខែសីហាឆ្នាំ២០២៥ ។ នេះបើតាម ទូរទស្សន៍ជាតិ ខេត្តបន្ទាយមានជ័យបានផ្សាយនាព្រឹកថ្ងៃទី០៦ ខែសីហានេះ។
អនុវត្តតាមការដឹកនាំបញ្ជាដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍អគ្គស្នងការនគរបាលជាតិ នៅថ្ងៃទី០៥ ខែសីហា ឆ្នាំ២០២៥ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ បានចាត់តាំងលោកឧត្តមសេនីយ៍ត្រី យ៉ត សុផល ស្នងការរង ផែនការងារកិច្ចការប៉ុស្តិ៍ ដឹកនាំកម្លាំងនគរបាលចំនួន១៥នាក់ សហការជាមួយរដ្ឋបាលខេត្តបន្ទាយមានជ័យ ស្ថាប័នពាក់ព័ន្ធ ចុះជួយសម្របសម្រួលដល់ការឆ្លងដែនរបស់ពលរដ្ឋខ្មែរដែលវិលត្រឡប់មកពីប្រទេសថៃ មកកម្ពុជា តាមច្រកអន្តរជាតិប៉ោយប៉ែត។
ជាលទ្ធផល នៅថ្ងៃអង្គារ៍នេះ ចាប់ពីម៉ោង៨.០០នាទីព្រឹក ដល់ម៉ោង៤.០០នាទីល្ងាច ប្រជាពលរដ្ឋខ្មែរវិលត្រឡប់មានចំនួន២៨៩៩នាក់ ស្រី១៤៥នាក់ ក្នុងនោះកម្លាំងនគរបាលយើងបានប្រើប្រាស់រថយន្ត១៩គ្រឿង ដឹកជូនពលរដ្ឋទាំងនោះទៅកាន់ខេត្តចំនួន៤ រួមមាន: ខេត្តបន្ទាយមានជ័យ២៧៦នាក់ ស្រី១៣៨នាក់, ខេត្តព្រៃវែង៩នាក់ ស្រី៤នាក់, ខេត្តពោធិ៍សាត់ ២នាក់ស្រី, ខេត្តបាត់ដំបង ២នាក់ ស្រី១នាក់ ៕
ចែករំលែកព័តមាននេះ