ប្រទេសរុស្ស៊ីអះអាងថាយន្តហោះដ្រូន១ហ្វូងបានវាយប្រហារទីក្រុងម៉ូស្គូកាលពីថ្ងៃអង្គារ។ ប៉ុន្តែយន្តហោះទាំងនោះត្រូវយើងកម្ទេចចោល។ អ្នកនយោបាយរុស្ស៊ីម្នាក់ចាត់ទុកថានេះជាការវាយប្រហារដ៏អាក្រក់បំផុតចាប់តាំងពីសង្គ្រាមលោកលើកទី២។ លោកពូទីនថ្លែងថាការវាយប្រហារដោយយន្តហោះដ្រូនទៅលើទីក្រុងម៉ូស្គូកាលពីថ្ងៃអង្គារគឺជាចេតនាបំបាក់ទឹកចិត្តរបស់ជនជាតិរុស្ស៊ី។ លោកថ្លែងថានេះជាទង្វើបង្កហេតុ។ ទីក្រុងម៉ូស្គូត្រូវតែពង្រឹងប្រព័ន្ធការពារបន្ថែមទៀត។
ប្រទេសរុស្ស៊ីអះអាងថាយន្តហោះដ្រូន១ហ្វូងបានវាយប្រហារទីក្រុងម៉ូស្គូកាលពីថ្ងៃអង្គារ។ ប៉ុន្តែយន្តហោះទាំងនោះត្រូវយើងកម្ទេចចោល។ អ្នកនយោបាយរុស្ស៊ីម្នាក់ចាត់ទុកថានេះជាការវាយប្រហារដ៏អាក្រក់បំផុតចាប់តាំងពីសង្គ្រាមលោកលើកទី២។ លោកពូទីនថ្លែងថាការវាយប្រហារដោយយន្តហោះដ្រូនទៅលើទីក្រុងម៉ូស្គូកាលពីថ្ងៃអង្គារគឺជាចេតនាបំបាក់ទឹកចិត្តរបស់ជនជាតិរុស្ស៊ី។ លោកថ្លែងថានេះជាទង្វើបង្កហេតុ។ ទីក្រុងម៉ូស្គូត្រូវតែពង្រឹងប្រព័ន្ធការពារបន្ថែមទៀត។
ទីក្រុងកៀវរបស់អ៊ុយក្រែនក៏រងការវាយប្រហារយ៉ាងខ្លាំងក្លាផងដែរ។ ត្រឹមតែរយៈពេល២៤ម៉ោង, ទីក្រុងកៀវរងការវាយប្រហារផ្គួបគ្នារវាងគ្រាប់មីស៊ីល និងយន្តហោះដ្រូនចំនួនបីលើក។ កាលពេលកន្លងមក, ច្រើនតែរុស្ស៊ីវាយប្រហារទៅលើគេ។ ករណីរុស្ស៊ីរងការវាយប្រហារក៏ធ្លាប់មានដែរ។ ប៉ុន្តែយូរៗទើបកើតឡើងម្ដង។ រុស្ស៊ីចាត់ទុកថានេះជាស្នាដៃរបស់អ៊ុយក្រែន។
អភិបាលក្រុងម៉ូស្គូថ្លែងថាការវាយប្រហារនេះធ្វើឱ្យមនុស្ស២នាក់រងរបួស។ ចំណែកអ្នករស់នៅក្នុងផ្ទះ២ល្វែងដែលរងការខូចខាតបន្តិចបន្តួចត្រូវគេជម្លៀសទៅកាន់ទីកន្លែងសុវត្ថិភាព។
ក្រសួងការពារជាតិរុស្ស៊ីថ្លែងថាយន្តហោះដ្រូន៨គ្រឿងដែលបញ្ជូនដោយរដ្ឋាភិបាលទីក្រុងកៀវត្រូវយើងបាញ់កម្ទេច ឬបង្វែរទិសដៅទៅកន្លែងផ្សេង។ បណ្ដាញតេឡាក្រាមដែលដកស្រង់ប្រភពពីទីភ្នាក់ងារសន្តិសុខជាតិរុស្ស៊ី ថ្លែងថាយន្តហោះដ្រូនមានរហូតដល់២៥គ្រឿងដែលគេបញ្ជូនមកទីក្រុងម៉ូស្គូ។
អ្នករស់នៅទីក្រុងម៉ូស្គូភាគនិរតីប្រាប់ថាពួកគេស្ដាប់ឮសំឡេងផ្ទុះយ៉ាងខ្លាំង។ បន្ទាប់មក, ធុំក្លិនប្រេងសាំងនៅចន្លោះម៉ោង៥ទៅម៉ោង៦ជិតភ្លឺ។ អ្នកខ្លះថតសកម្មភាពបាញ់កម្ទេចយន្តហោះដ្រូន១គ្រឿង និងរូបភាពដ្រូនហោះទាំងហុយផ្សែងពេញផ្ទៃអាកាស។
ឆ្លើយតបទៅនឹងការចោទប្រកាន់របស់រុស្ស៊ី, ជំនួយការរបស់លោកហ្សឺលែនស្គីបញ្ជាក់ថារដ្ឋាភិបាលរបស់លោកមិនជាប់ពាក់ព័ន្ធនឹងការវាយប្រហារនេះទេ។ ប៉ុន្តែលោកក៏មិនប្រឆាំងនឹងការវាយប្រហារនេះដែរ។ លោកថាយើងមានចិត្តត្រេកអរទៅវិញទេចំពោះការវាយប្រហារនេះ។ ទៅថ្ងៃមុខ, លោកគិតថាអាចនឹងមានការវាយប្រហារបែបនេះទៀត។
នៅក្នុងព្រឹត្តិការណ៍១ទៀត, រុស្ស៊ីដាក់ឈ្មោះមេបញ្ជាការកំពូលរបស់កងទ័ពអ៊ុយក្រែនទៅក្នុងបញ្ជីខ្មៅដែលត្រូវកម្ទេចចោល។ ក្រសួងមហាផ្ទៃរុស្ស៊ីដាក់ឈ្មោះលោកវ៉ាល់ឡឺរី ហ្សាលូស្ន៊ីយី (Valeriy Zaluzhnyi) នៅក្នុងបញ្ជីខ្មៅ។ នេះបើយោងតាមទីភ្នាក់ងារព័ត៌មានរុស្ស៊ី។ ចំណែកមេបញ្ជាកការកងទ័ពជើងគោកអ៊ុយក្រែន លោកអូឡិចសាន់ដឺ ស៊ីស្គី (Oleksandr Syrskyi) ក៏ស្ថិតនៅក្នុងបញ្ជីនោះផងដែរ។
មេទ័ពអ៊ុយក្រែនទាំង២នាក់ដែលស្ថិតនៅក្នុងបញ្ជីខ្មៅរបស់រុស្ស៊ី ដែលរុស្ស៊ីត្រូវកម្ទេចចោលទីភ្នាក់ងារព័ត៌មានរុស្ស៊ីមិនបាននិយាយលម្អិតថាមូលហេតុអ្វីដែលអ្នកទាំង២មានឈ្មោះនៅក្នុងបញ្ជីខ្មៅរបស់រុស្ស៊ីទេ។ ប៉ុន្តែគេកត់សម្គាល់ថាចំណាត់ការនេះធ្វើឡើងបន្ទាប់ពីមន្ត្រីចារកម្មអ៊ុយក្រែនបានទម្លាយអាថ៌កំបាំងតាមរយៈបទសម្ភាសជាមួយកាសែតអាល្លឺម៉ង់ថា «ឈ្មោះលោកពូទីនស្ថិតនៅលើកំពូលតារាងនៃក្រុមមនុស្សដែលត្រូវកម្ទេចចោល»៕
ប្រភព៖ Al Jazeera
https://www.aljazeera.com/news/2023/5/30/drone-attack-on-moscow-causes-minor-damage-no-casualties-mayor
អ្នកនាំពាក្យក្រសួងការពារជាតិរុស្ស៊ី 
ចែករំលែកព័តមាននេះ