លោក Mourinho ដឹកនាំកូនក្រុមហ្វឹកហាត់ជាសម្ងាត់ មុនប៉ះ Sevilla វគ្គផ្តាច់ព្រ័ត្រ UEL
ហុងគ្រី ៖ លោក Jose Mourinho គ្រូបង្វឹកក្រុម Roma ត្រូវបានរាយការណ៍ថា បានដឹកនាំកូនក្រុមធ្វើ
ហុងគ្រី ៖ លោក Jose Mourinho គ្រូបង្វឹកក្រុម Roma ត្រូវបានរាយការណ៍ថា បានដឹកនាំកូនក្រុមធ្វើ
ហុងគ្រី ៖ លោក Jose Mourinho គ្រូបង្វឹកក្រុម Roma ត្រូវបានរាយការណ៍ថា បានដឹកនាំកូនក្រុមធ្វើការហ្វឹកហាត់ចុងក្រោយដោយសម្ងាត់ ដោយថែមទាំងបានហាមឃាត់សមាជិកបុគ្គលិកក្លិប Roma ទាំងអស់ពីកន្លែងហ្វឹកហាត់ ខណៈដែលក្រុមរបស់លោកកំពុងត្រៀមខ្លួនសម្រាប់ការប្រកួតវគ្គផ្តាច់ព្រ័ត្រពានរង្វាន់ UEFA Europa League (UEL) ទល់នឹងក្រុមជើងខ្លាំង Sevilla ។
លោក Mourinho បានដាក់ចេញវិធានការម៉ឺងម៉ាត់ និងតឹងរឹងបំផុត ដើម្បីធានាបាននូវភាពជោគជ័យ ដែលត្រូវបានដាក់ចេញកាលពីថ្ងៃទី២៩ ខែឧសភា កន្លងទៅ ដើម្បីឱ្យកីឡាករ និងបុគ្គលិកក្លិបទាំងអស់អនុវត្តតាម។ ជាក់ស្តែង មានតែបុគ្គលិកសំខាន់ៗប៉ុណ្ណោះ ដែលត្រូវបានអនុញ្ញាតឱ្យចូលទៅក្នុងកន្លែងហ្វឹកហាត់របស់ក្រុម សម្រាប់វគ្គហ្វឹកហាត់ចុងក្រោយ ដោយគេជឿថា មានតែបុគ្គលិកបច្ចេកទេស និងគ្រូពេទ្យប៉ុន្មាននាក់ប៉ុណ្ណោះ ដែលត្រូវបានអនុញ្ញាត។ នេះបើយោងតាមប្រភពពីសារព័ត៌មាន Corriere Dello Sport បានចេញផ្សាយ។
ក្រុមចចកញី AS Roma នឹងត្រូវតទល់ជាមួយក្រុមជើងឯក ៦សម័យកាល Sevilla ដើម្បីដំណ្តើមពានរង្វាន់ UEFA Europa League រដូវកាលនេះ ដែលជំនួបដ៏ធំនេះ ត្រូវធ្វើឡើងនៅកីឡដ្ឋាន Puskas Arena ដែលមូលដ្ឋានក្នុងទីក្រុងប៊ុយដាប៉ែស (Budapest) ប្រទេសហុងគ្រី នាវេលាម៉ោង ០២:០០នាទីរំលងអាធ្រាត្រថ្ងៃទី៣១ ខែឧសភា ឈានចូលថ្ងៃទី០១ ខែមិថុនា ឆ្នាំ២០២៣ (ម៉ោងនៅកម្ពុជា)។
គួរបញ្ជាក់ថា Roma មិនដែលស្គាល់ជាតិពានរង្វាន់ UEFA Europa League នៅឡើយទេ ខណៈដែល Sevilla គឺជាអធិរាជសម្រាប់ពានរង្វាន់លំដាប់ទី២ របស់ទ្វីអឺរ៉ុបមួយនេះ ដោយពួកគេបានឈ្នះជើងឯក ៦សម័យកាល ដើម្បីកាន់កាប់តំណែងជាក្រុមឈ្នះជើងឯកច្រើនជាងគេនៅក្នុងប្រវត្តិសាស្ត្រ។
យោងតាមប្រភពពីសារព័ត៌មាន The Mirror បានរាយការណ៍ថា លោក Mourinho អតីតអ្នកចាត់ការទូទៅក្រុមតោខៀវ Chelsea ក្រុមបិសាចក្រហម Manchester United និងក្រុមមាន់ខ្នាយមាស Tottenham Hotspur ត្រូវបានរំពឹងថា នឹងចាកចេញពីក្រុម Roma នៅដំណាច់រដូវកាលនេះ ដោយកិច្ចសន្យារយៈពេល២ឆ្នាំរបស់គាត់ នឹងផុតកំណត់នៅដើមឆ្នាំ ២០២៤ ខណៈពាក្យចចាមអារ៉ាមបានរាយការណ៍ថា បុរសជនជាតិព័រទុយហ្គាល់វ័យ ៦០ឆ្នាំរូបនេះ អាចជាគ្រូបង្វឹកបន្ទាប់ដើម្បីទទួលយកការងារនៅក្រុមជើងឯកបារាំង PSG ដោយភ្នាក់ងាររបស់គាត់ផ្ទាល់ ត្រូវបានគេជឿថា បានជួបពិភាក្សាជាមួយនឹងក្លឹបអ្នកបារាំងមួយនេះ កាលពីដើមខែនេះ។
លោក Mourinho ធ្លាប់ឈ្នះពានរង្វាន់ UEFA Europa League ម្តងគត់ កាលពីឆ្នាំ ២០១៧ អំឡុងពេលដឹកនាំក្រុម Man United ខណៈការប្រកួតទល់នឹង Sevilla នាពេលដ៏ខ្លីខាងមុខនេះ គ្រូបង្វឹករូបនេះរំពឹងថា នឹងអាចឈ្នះជើងឯកជាលើកទី២ ក្នុងអាជីពជាគ្រូបង្វឹករបស់លោក៕
ចែករំលែកព័តមាននេះ