- ភ្នំពេញ
រាជធានីភ្នំពេញ ៖ ជាលទ្ធផលចុងក្រោយ គ.ជ.ប បានសម្រេចថា មានគណបក្សនយោបាយចំនួន១៨ គណបក្សបានចុះឈ្មោះចូលរួមប្រកួតប្រជែងការបោះឆ្នោតជ្រើសតាំងតំណាងរាស្ត្រ នីតិកាលទី៧ នាថ្ងៃទី២៣ ខែកក្កដា…
រាជធានីភ្នំពេញ ៖ ជាលទ្ធផលចុងក្រោយ គ.ជ.ប បានសម្រេចថា មានគណបក្សនយោបាយចំនួន១៨ គណបក្សបានចុះឈ្មោះចូលរួមប្រកួតប្រជែងការបោះឆ្នោតជ្រើសតាំងតំណាងរាស្ត្រ នីតិកាលទី៧ នាថ្ងៃទី២៣ ខែកក្កដា…
រាជធានីភ្នំពេញ ៖ ជាលទ្ធផលចុងក្រោយ គ.ជ.ប បានសម្រេចថា មានគណបក្សនយោបាយចំនួន១៨ គណបក្សបានចុះឈ្មោះចូលរួមប្រកួតប្រជែងការបោះឆ្នោតជ្រើសតាំងតំណាងរាស្ត្រ នីតិកាលទី៧ នាថ្ងៃទី២៣ ខែកក្កដា ឆ្នាំ២០២៣ ។ តើមេដឹកនាំគណបក្សទាំង១៨នោះជានរណា?
១-គណបក្សសំបុកឃ្មុំសង្គមប្រជាធិបតេយ្យ
គណបក្សសំបុកឃ្មុំសង្គមប្រជាធិបតេយ្យបង្កើតឡើង កាលពីថ្ងៃទី២ ខែកក្កដា ឆ្នាំ២០១៥ ។ គណបក្សនេះមានលោក ម៉ម សូណង់ដូ ជាប្រធាន ។
២-គណបក្សខ្មែរតែមួយ
គណបក្សខ្មែរតែមួយ ត្រូវបានប្តូរឈ្មោះមកពីគណបក្ស កែម ឡី ដែលបង្កើតឡើង កាលពីខែមីនា ឆ្នាំ២០១៨ ។ ដំបូងឡើយ គណបក្សខ្មែរតែមួយមានប្អូនរបស់លោក កែម ឡី គឺលោក កែម រិទ្ធិសិត ជាប្រធាន។ ក៏ប៉ន្តែក្រោយមកលោក កែម រិទ្ធិសិត បានលាឈប់ ហើយមកដល់សព្វថ្ងៃនេះ គណបក្សខ្មែរតែមួយមានប្រធាន គឺលោក គុជ លី ដែលជាស្ថាបនិកគណបក្ស «ខ្មែរតែមួយ» ។
៣-គណបក្សសញ្ជាតិកម្ពុជា
គណបក្សសញ្ជាតិកម្ពុជា បង្កើតឡើងកាលពីមុនការបោះឆ្នោតជាតិ នៅខែកក្កដា ឆ្នាំ២០១៣ ដោយមានលោក សេង សុខេង ជាប្រធាន ។ គណបក្សសញ្ជាតិកម្ពុជាបានប្តូរឈ្មោះមកពីគណបក្សហង្សដារ៉ាចលនាប្រជាធិបតេយ្យ ។
៤-គណបក្សខ្មែររួបរួមជាតិ
គណបក្សខ្មែររួបរួមជាតិត្រូវបានបង្កើតឡើងកាលពីខែកុម្ភៈ ឆ្នាំ២០១៦ ដោយផ្តាច់ចេញពីគណបក្សហ្វ៊ុនស៊ិនប៉ិច ។ គណបក្សខ្មែររួបរួមជាតិ មានលោក ញឹក ប៊ុនឆៃ ជាប្រធាន ។
៥-គណបក្សកម្លាំងប្រជាធិបតេយ្យ
គណបក្សកម្លាំងប្រជាធិបតេយ្យ មានលោក អ៊ុន វិសិទ្ធគុន ជាប្រធាន ។
៦-គណបក្សកសិករ
គណបក្សកសិករ មានលោក មាស បូពៅ ជាប្រធាន ។
៧-គណបក្សស្ត្រីដើម្បីស្ត្រី
គណបក្សស្ត្រីដើម្បីស្ត្រី មានលោកស្រី សឹង សុធី ជាប្រធាន ។
៨-គណបក្សខ្មែរឈប់ក្រ
គណបក្សខ្មែរឈប់ក្រ បង្កើតឡើងកាលពីខែកញ្ញា ឆ្នាំ២០០៧ ដែលមានលោក ក្រវ៉ាញ ដារ៉ន ជាខ្មែរ-អាមេរិក ជាប្រធាន ។
៩-គណបក្សហ្វ៊ុនស៊ិនប៉ិច
គណបក្សហ្វ៊ុនស៊ិនប៉ិច បង្កើតឡើងដំបូងជាចលនាតស៊ូ នៅព្រំដែន ក្រោមការដឹកនាំរបស់សម្តេចព្រះ នរោត្តម សីហនុ កាលពីថ្ងៃទី២១ ខែមីនា ឆ្នាំ១៩៨១ ។ ក្រោយមកមុនការបោះឆ្នោតជាតិលើកដំបូង កាលពីឆ្នាំ១៩៩៣ ហ្វ៊ុនស៊ិនប៉ិចបានប្រែក្លាយជាគណបក្សដឹកនាំដោយសម្តេចក្រុមព្រះ នរោត្តម រណឫទ្ធិ ។ មកដល់សព្វថ្ងៃ គណបក្សហ្វ៊ុនស៊ិនប៉ិច មានព្រះអង្គម្ចាស់នរោត្តម ចក្រាវុធ ដែលជាព្រះរាជបុត្រារបស់សម្តេចព្រះ នរោត្តម រណឫទ្ធិ ជាប្រធាន ។
១០-គណបក្សធម្មាធិបតេយ្យ
គណបក្សធម្មាធិបតេយ្យ ដឹកនាំដោយលោកស្រី ពោធិតី សាវត្ថី ជាពលរដ្ឋខ្មែរ រស់នៅប្រទេសហូឡង់ ។ គណបក្សធម្មាធិបតេយ្យ ប្តូរឈ្មោះមកពីគណបក្សធម្មាធិបតេយ្យស្ត្រី និងជាតិដែលបានបង្កើតឡើង កាលពីឆ្នាំ១៩៩៨ ។
១១- គណបក្សប្រជាធិបតេយ្យមូលដ្ឋាន
គណបក្សប្រជាធិបតេយ្យមូលដ្ឋាន បង្កើតឡើងកាលពីថ្ងៃទី២ ខែសីហា ឆ្នាំ២០១៥ ដោយក្រុមមេដឹកនាំអង្គការសង្គមស៊ីវិលមួយចំនួន។ គណបក្សប្រជាធិបតេយ្យមូលដ្ឋានមានលោក យ៉េង វិរៈ ជាប្រធាន ។
១២-គណបក្សបំណងពលរដ្ឋ
គណបក្សបំណងពលរដ្ឋ មានលោក អ៊ិត សារម្យ ជាប្រធាន ។ គណបក្សនេះបង្កើតឡើង កាលពីខែកុម្ភៈ ឆ្នាំ២០១៩ ដោយអតីតសហការីរបស់លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ។
១៣-គណបក្សខ្មែរអភិវឌ្ឍន៍សេដ្ឋកិច្ច
គណបក្សខ្មែរអភិវឌ្ឍន៍សេដ្ឋកិច្ច បង្កើតឡើងកាលពីថ្ងៃទី២៨ ខែធ្នូ ឆ្នាំ២០១២ ដោយមាន លោក ហួន រាជចំរើន ជាប្រធាន ។
១៤-គណបក្សឯកភាពជាតិខ្មែរ
គណបក្សឯកភាពជាតិខ្មែរត្រូវបានចុះបញ្ជីនៅក្រសួងមហាផ្ទៃកាលពីខែតុលា ឆ្នាំ២០២០ ដោយមានលោក នៅ សំអាត ជាប្រធាន ។ ក៏ប៉ុន្តែមកដល់ពេលនេះ លោក អ៊ុន ជឹម ជាប្រធានគណបក្សឯកភាពជាតិខ្មែរ ។
១៥-គណបក្សខ្មែរអភិរក្ស
គណបក្សខ្មែរអភិរក្ស បង្កើតឡើងដោយលោក រៀល ខេមរិន្ទ ជាអតីតអ្នកតំណាង រាស្ត្រគណបក្សសមរង្ស៊ី និងគណបក្សសង្គ្រោះជាតិ។ គណបក្សខ្មែរអភិរក្ស ត្រូវបានក្រសួងមហាផ្ទៃ ប្រកាសសម្រេចទទួលស្គាល់ កាលពីថ្ងៃទី១៨ ខែកញ្ញា ឆ្នាំ២០១៩ ។
១៦-គណបក្សយុវជនកម្ពុជា
គណបក្សយុវជនកម្ពុជា មានលោក ពេជ្រ ស្រស់ ជាប្រធាន ។ គណបក្សនេះ បង្កើតឡើងកាល ពីថ្ងៃទី២៤ ខែធ្នូ ឆ្នាំ២០១៥ ។
១៧-គណបក្សជនជាតិដើមប្រជាធិបតេយ្យ
គណបក្សជនជាតិដើមប្រជាធិបតេយ្យ មានលោក ប្លាង ស៊ីន ជាប្រធាន ។ គណបក្សនេះ បានចុះបញ្ជីជាផ្លូវការនៅក្រសួងមហាផ្ទៃ នៅថ្ងៃទី៣០ ខែមករា ឆ្នាំ២០១៧ ។
១៨-គណបក្សប្រជាជនកម្ពុជា
គណបក្សប្រជាជនកម្ពុជា គឺជាគណបក្សកាន់អំណាច ។ បច្ចុប្បន្ន គណបក្សនេះដឹកនាំដោយសម្តេចតេជោ ហ៊ុន សែន ។ គេរំពឹងថាគណបក្សនេះនឹងអាចបន្តកាន់អំណាចទៀត ក្រោយការបោះឆ្នោតថ្ងៃទី២៣ ខែកក្កដា ឆ្នាំ២០២៣ ដោយសារគណបក្សនេះមានធនធានច្រើនទាំងធនធានមនុស្ស និងធនធានផ្នែកហិរញ្ញវត្ថុ ព្រមទាំងបណ្តាញយ៉ាងរឹងមាំពីថ្នាក់ជាតិដល់មូលដ្ឋាន ៕
ចែករំលែកព័តមាននេះ