សត្វក្រពើត្រី ត្រូវបានគេអះអាងថា ជាសត្វក្រពើមួយប្រភេទមិនកា.ចសាហា.វដូចជា សត្វក្រពើស៊ីសាច់ជាអាហារក្តី តែគេមានការព្រួយបារម្ភអំពីហានិភ័យគ្រោះថ្នាក់ដដែល។ សត្វក្រពើត្រី ដែលត្រូវក្រុមអភិរក្សសត្វព្រៃ ដឹកមកពីខេត្តសៀមរាប ដើម្បីយកមកលែងនៅខេត្ត
ខេត្តស្ទឹងត្រែង ៖ សត្វក្រពើត្រី ត្រូវបានគេអះអាងថា ជាសត្វក្រពើមួយប្រភេទមិនកា.ចសាហា.វដូចជា សត្វក្រពើស៊ីសាច់ជាអាហារក្តី តែគេមានការព្រួយបារម្ភអំពីហានិភ័យគ្រោះថ្នាក់ដដែល។ សត្វក្រពើត្រី ដែលត្រូវក្រុមអភិរក្សសត្វព្រៃ ដឹកមកពីខេត្តសៀមរាប ដើម្បីយកមកលែងនៅខេត្តស្ទឹងត្រែង គឺមានចំនួន២៥ក្បាល តែត្រូវងា.ប់អស់ចំនួន៣ក្បាល នៅសល់តែ២២ក្បាលតែប៉ុណ្ណោះ គឺត្រូវបានលែងនៅក្នុងបឹងមួយ ដែលមានការហ៊ុមព័ទ្ធដោយរបងជុំវិញ ស្ថិតនៅដែនជម្រកសត្វព្រៃ ក្នុងឃុំព្រែកមាស ស្រុកសៀមប៉ាង ខេត្តស្ទឹងត្រែង។
ប្រធានមន្ទីរបរស្ថានខេត្តស្ទឹងត្រែង លោក ស្រេង ជាហេង បានប្រាប់អ្នកសារព័ត៌មានកាលពីពេលថ្មី នៅខែឧសភា ឆ្នាំ២០២៣នេះថា សត្វក្រពើត្រី ជាសត្វកម្រ និងជាសត្វជិតផុតពូជពីប្រទេសកម្ពុជាយើងថែមទៀតផង។ លោកបន្តថា សត្វក្រពើត្រីនេះ វាស៊ីខ្យង ក្តាម កង្កែប ត្រីជាអាហារ វាមិនកា.ចសាហា.វដូចសត្វក្រពើមួយប្រភេទទៀត ដែលស៊ីសាច់ជាអាហារនោះទេ។ តែទោះជាយ៉ាងនេះក្តី យើងត្រូវតែមានការប្រុងប្រយ័ត្នផងដែរ ចៀសវាងគ្រោះថ្នាក់ដោយជាយថាហេតុណាមួយ។
ជាមួយនឹងការលែងសត្វក្រពើត្រីខាងលើនេះ ក្រុមអភិរក្សក៏បានអញ្ជើញអាជ្ញាធរមូលដ្ឋាន ប្រជាពលរដ្ឋ លោកគ្រូអ្នកគ្រូ សិស្សានុសិស្ស រួមទាំងព្រះសង្ឃ ដើម្បីចូលរួមដឹងឮជួយផ្សព្វ ផ្សាយព័ត៌មានចែកជូនប្រជាពលរដ្ឋឱ្យកាន់តែទូលំទូលាយថែមទៀត ដើម្បីឱ្យពួកគាត់បានដឹងថា ទីនេះមានសត្វក្រពើត្រី នឹងជួយអភិរក្សទាំងអស់គ្នា។ នៅពេលឃើញសត្វទាំងនេះ ទៅឆ្ងាយពីដែនអភិរក្ស សូមកុំបាញ់សម្លា.ប់ ត្រូវរាយការណ៍មកអាជ្ញាធរ ឬក្រុមអភិរក្សភ្លាមៗ ដើម្បីជួយសង្គ្រោះពួកវាបានទាន់ពេលថែមទៀត៕
ចែករំលែកព័តមាននេះ