អាសូរណាស់! កីឡាករជម្រើសជាតិ សួន ស្រម៉ៃ ធ្លាប់ប្រកួតបានមេដាយ ឥឡូវរស់នៅវេ.ទនាទាំងបា.ក់ដៃរកស៊ីចិញ្ចឹមកូន (វីដេអូ)
- ភ្នំពេញ
រាជធានីភ្នំពេញ ៖ ក្រោយពីទទួលបានដំណឹងនេះហើយ ពិតជាអាសូរពន់ពេកនូវខ្សែជីវិតរបស់
រាជធានីភ្នំពេញ ៖ ក្រោយពីទទួលបានដំណឹងនេះហើយ ពិតជាអាសូរពន់ពេកនូវខ្សែជីវិតរបស់កីឡាករ សួន ស្រម៉ៃ ដែលជាអតីតកីឡាករជម្រើសជាតិផ្នែកប្រដាល់សកល និងធ្លាប់បានចូលរួមការប្រកួត SEAGAME នៅបរទេស និងកីឡាជាតិជាច្រើន បានមេដាយ ស្រាប់តែពេលនេះលោកកំពុងរស់នៅយ៉ាងវេទនាជាមួយកូនតូចម្នាក់ ហើយកាន់តែយ៉ាប់ជាងនេះទៅទៀតនោះ គឺលោករងរបួសបាក់ដៃ មិនទាន់ជាសះស្បើយនៅឡើយនោះទេ។
តាមរយៈវីដេអូឃ្លីបមួយដែលជាកិច្ចសន្ទានារបស់ពិធីករល្បីឈ្មោះ សុខ រ៉ាស៊ី ជាមួយនឹងកីឡាករសួន ស្រម៉ៃ និងបានចែកចាយលើបណ្តាញសង្គមហ្វេសប៊ុក កាលពីថ្ងៃទី ២៦ ឧសភា កន្លងទៅ កីឡាករជម្រើសជាតិ សួន ស្រម៉ៃ បានឱ្យដឹងថា លោកបានបាក់ដៃ ក្រោយរងរបួសលើសៃវៀនប្រដាល់កាលពីជាង៤ឆ្នាំមុន ហើយដៃដែលបាក់នោះ មិនទាន់បានជាសះស្បើយ១០០ភាគរយនៅឡើយទេ។ កាន់តែអាសូរទៅទៀតនោះ គឺលោកត្រូវរ៉ាប់រងចិញ្ចឹមកូន តែម្នាក់ឯងថែមទៀត ខណៈប្រពន្ធបានរត់ចោលលោកទៅបាត់។
កីឡាករ ស្រម៉ៃ សួន ធ្លាប់បានឈ្នះមេដាយមាសពីកម្មវិធីកីឡាជាតិលើកទី១ ផ្នែកប្រដាល់សកលកាលពីឆ្នាំ២០១៦ បានថ្លែងទាំងទឹកមុខក្រៀមក្រំថា សព្វថ្ងៃរូបលោកមិនទាន់មានការងារច្បាស់លាស់ទេ ដោយសារតែដៃនៅឈឺ ចង់ទៅធ្វើជាកម្មករសំណង់ក៏មិនបាន ព្រោះដៃស្តាំឈឺ។
ឆ្លើយតបនឹងសំណួរលោក សុខ រ៉ាស៊ី ថាហេតុអីប្រពន្ធចិត្តដាច់នឹងកូនម្លេះ កីឡាករ សួន ស្រម៉ៃ បានពោលថា លោកក៏មិនយល់ដែរថាហេតុអ្វីប្រពន្ធដាច់ចិត្តយ៉ាងនេះ លោកត្រូវដេកយំរាល់យប់ ព្រោះកន្លងមកប្រពន្ធលោក គឺស្រលាញ់រូបលោកនិងកូនណាស់ មិនគួរណាចិត្តដាច់ទៅចោលលោកនោះទេ ដូច្នេះលោកត្រូវចិញ្ចឹមកូនម្នាក់ឯងតាំងពីកូនអាយុបានជាង១ខួបមក។
កីឡាករ សួន ស្រម៉ៃ បានត្អូញត្អែរប្រាប់ថា លោកដាច់បាយហើយរាល់ថ្ងៃ ព្រោះដៃដែលបា.ក់នោះ គឺប្រះឆ្អឹងមិនទាន់ជាស្បើយ តែក៏បានជំនួយខ្លះៗពីអ្នកសិល្បៈមួយចំនួនដែរ តែលោកខ្លោ.ចចិត្តអាណិតតែកូនតូចដែលនៅជាមួយលោកតែប៉ុណ្ណោះ៕
សូមស្តាប់សារឆ្លើយឆ្លងរបស់ កីឡាករ សួន ស្រម៉ៃ ជាមួយពិធីករលោកសុខ រ៉ាស៊ី ៖
ចែករំលែកព័តមាននេះ