ADផ្ទាំងផ្សព្វផ្សាយពាណិជ្ជកម្ម

Picture

ឆ.ក់ខ្សែកបានសម្រេចគេចខ្លួនបាន៧ថ្ងៃ ក្រោយចាប់ខ្លួនជនសង្ស័យប្រាប់ប្រពន្ធថា«បងដើរផ្លូវខុសហើយអូន»

4 ខែ មុន
  • ភ្នំពេញ

រាជធានី​ភ្នំពេញ ៖ ជនសង្ស័យ​ម្នាក់​បាន​ធ្វើ​សកម្មភាព​ឆ​.​ក់​ខ្សែ​ក​១​ខ្សែ​ពី​ស្ត្រី​ម្នាក់​បាន​សម្រេច បន្ទាប់​មក​បាន​ជិះ​ម៉ូតូ​គេចខ្លួន​បាត់​លុះ​៧​ថ្ងៃ​ក្រោយមក​ទើប​នគរបាល​ធ្វើការ​ស្រាវជ្រាវ និង​ឃាត់ខ្លួន​បាន​នាំ​យក​ទៅ​សាកសួរ ហើយ​ជនសង្ស័យ​បាន​សុំ​ទោស​ប្រពន្ធ និង​ប្រាប់​ថា​«​បង​ដើរ​ផ្លូវខុស​ហើយ​អូន​» ។ ហេតុការណ៍​នោះ​បាន​កើតឡើង​តាំងពី​វេលា​ម៉ោង​០៦​និង​២០​នាទី​ព្រឹក ថ្ងៃ​ទី​២០…

រាជធានី​ភ្នំពេញ ៖ ជនសង្ស័យ​ម្នាក់​បាន​ធ្វើ​សកម្មភាព​ឆ​.​ក់​ខ្សែ​ក​១​ខ្សែ​ពី​ស្ត្រី​ម្នាក់​បាន​សម្រេច បន្ទាប់​មក​បាន​ជិះ​ម៉ូតូ​គេចខ្លួន​បាត់​លុះ​៧​ថ្ងៃ​ក្រោយមក​ទើប​នគរបាល​ធ្វើការ​ស្រាវជ្រាវ និង​ឃាត់ខ្លួន​បាន​នាំ​យក​ទៅ​សាកសួរ ហើយ​ជនសង្ស័យ​បាន​សុំ​ទោស​ប្រពន្ធ និង​ប្រាប់​ថា​«​បង​ដើរ​ផ្លូវខុស​ហើយ​អូន​» ។

ហេតុការណ៍​នោះ​បាន​កើតឡើង​តាំងពី​វេលា​ម៉ោង​០៦​និង​២០​នាទី​ព្រឹក ថ្ងៃ​ទី​២០ ខែឧសភា ឆ្នាំ​២០២៣ នៅ​ជិត​បន្ទប់​ជួល​មួយ​កន្លែង ស្ថិត​នៅ​ភូមិ​ទឹកថ្លា សង្កាត់​ក្រាំង​ពង្រ ខណ្ឌដង្កោ រាជធានី​ភ្នំពេញ ។

ជនសង្ស័យ​ម្នាក់​ឈ្មោះ តេ​ង បញ្ញា ភេទ​ប្រុស អាយុ​២៦​ឆ្នាំ ជិះ​ម៉ូតូ​១​គ្រឿង​ម៉ាក​ហុងដា​ស្កូ​ប​ពី ពណ៌​ខ្មៅ ស៊េរី​ឆ្នាំ​២០២២ ពាក់​ស្លាក​លេខ​ភ្នំពេញ​1JX-8157 លេខ​តួ និង​លេខ​ម៉ាស៊ីន 8342320 ។

ជន​នេះ​ត្រូវ​នគរបាល​ធ្វើការ​ស្រាវជ្រាវ និង​ឈាន​ដល់​ការ​ចាប់ខ្លួន កាលពី​វេលា​ម៉ោង​០៦​និង​៣០​នាទី​ព្រឹក ថ្ងៃ​ទី​២៧ ខែឧសភា ឆ្នាំ​២០២៣ ។ ដោយឡែក​ស្ត្រី​រង​គ្រោះ​ឈ្មោះ ទូច ស៊ី​ណេ ភេទ​ស្រី អាយុ​៣៩​ឆ្នាំ ស្នាក់​នៅផ្ទះ​ជួល​ខាងលើ បាត់បង់​ខ្សែ​ក​ប្លា​ទី​ន​១​ខ្សែ​ទម្ងន់​៤​ជី ។

នគរបាល​បាន​ប្រាប់​ឲ្យ​ដឹង​ថា នៅ​មុន​ពេល​កើតហេតុ​ស្ត្រី​រង​គ្រោះ​បាន​ដើរ​ចេញពី​បន្ទប់​ជួល​ដែល​មាន​ចម្ងាយ​ប្រមាណ​២០០​ម៉ែត្រ ដើម្បី​ទៅ​ទិញ​បាយ​ហូប​លុះ​ពេល​ទិញ​បាយ រួច​ដើរ​ត្រឡប់​ទៅ​កាន់​បន្ទប់​ជួល​វិញ​ជិត​ដល់​ទៅ​ហើយ ស្រាប់តែ​ជនសង្ស័យ​ខាងលើ​ជិះ​ម៉ូតូ​ទៅ​ជិត រួច​ឆ​.​ក់​ខ្សែ​កបាន​សម្រេច រួច​ជិះ​ម៉ូតូ​គេចខ្លួន​បាត់​ស្រមោល ។

បន្ទាប់​មក​ស្ត្រី​រង​គ្រោះ បាន​ទៅ​ដាក់​ពាក្យបណ្តឹង​នៅ​ប៉ុស្តិ៍​នគរបាល​រដ្ឋបាល​ក្រាំង​ពង្រ​ឲ្យ​ជួយ​អន្តរាគមន៍ ហើយ​កម្លាំង​នគរបាល​បាន​ធ្វើការ​ស្រាវជ្រាវ​រយៈពេល​៧​ថ្ងៃ ទើប​ឈាន​ដល់​ការ​ចាប់ខ្លួន​ជនសង្ស័យ​បាន ។

ប្រភព​ដដែល​បាន​ប្រាប់​ឲ្យ​ដឹង​បន្ថែម​ទៀត​ថា នៅ​ពេល​សួរនាំ​ជនសង្ស័យ​ខាងលើ​បាន​ឆ្លើយ​សារភាព​ប្រាប់​ថា កាលពី​៧​ថ្ងៃមុន​កន្លង​ទៅ​នេះ​ខ្លួន​ពិតជា​បាន​ធ្វើ​សកម្មភាព​ឆ​.​ក់​ខ្សែ​ក​ពី​ស្ត្រី​រង​គ្រោះ​ប្រាកដ​មែន ។ បន្ទាប់​ពី​ទទួល​បាន​ចម្លើយ​សារភាព​របស់​ជនសង្ស័យ​ហើយ​កម្លាំង​នគរបាល​បាន​កសាង​សំណុំរឿង​បញ្ជូន​ជនសង្ស័យ​ទៅ​កាន់​សាលាដំបូង​រាជធានី​ភ្នំពេញ​ចាត់ការ​តាម​ច្បាប់ ។ ជន​នោះ​ក៏​ឆ្លៀត​សុំ​ទោស​ប្រពន្ធ និង​ផ្ដាំផ្ញើ​ពាក្យ​សម្ដី​របស់​ខ្លួន​ប្រាប់​ប្រពន្ធ​ថា​«​បង​ដើរ​ផ្លូវខុស​ហើយ​អូន​»៕