ADផ្ទាំងផ្សព្វផ្សាយពាណិជ្ជកម្ម

Picture

កម្ពុជាប៉ាន់ស្មានទទួលចំណាត់ថ្នាក់លេខ៦ខណៈសង្ឃឹមកកើនមេដាយ៥០% ពីព្រឹត្តិការណ៍ប៉ារ៉ាហ្គេមលើកទី១២

10 ខែ មុន
  • ភ្នំពេញ

រាជធានី​ភ្នំពេញ ៖ ការ​ប្រកួត​កីឡា​អាស៊ាន​ប៉ា​រ៉ា​ហ្គេ​ម​លើក​ទី​១២ ដែល​ធ្វើ​ឡើង​នៅ​កម្ពុជា​នឹង​ត្រូវ​ចាប់ផ្តើម ចាប់ពី​ថ្ងៃ​ទី​៣ ដល់​ថ្ងៃ​ទី​៩ ខែមិថុនា ឆ្នាំ​២០២៣ ដោយ​មាន​ប្រតិភូ​កីឡា​ជន​ពិការ​ចូលរួម​ប្រមាណ​ជា​២​ពាន់​នាក់​មក​ពី​ប្រជាជាតិ​អាស៊ី​អាគ្នេយ៍​ទាំង​១១​ប្រទេស កម្ពុជា​បាន​ប៉ាន់ស្មាន​ទទួល​បាន​លេខ​៦…

រាជធានី​ភ្នំពេញ ៖ ការ​ប្រកួត​កីឡា​អាស៊ាន​ប៉ា​រ៉ា​ហ្គេ​ម​លើក​ទី​១២ ដែល​ធ្វើ​ឡើង​នៅ​កម្ពុជា​នឹង​ត្រូវ​ចាប់ផ្តើម ចាប់ពី​ថ្ងៃ​ទី​៣ ដល់​ថ្ងៃ​ទី​៩ ខែមិថុនា ឆ្នាំ​២០២៣ ដោយ​មាន​ប្រតិភូ​កីឡា​ជន​ពិការ​ចូលរួម​ប្រមាណ​ជា​២​ពាន់​នាក់​មក​ពី​ប្រជាជាតិ​អាស៊ី​អាគ្នេយ៍​ទាំង​១១​ប្រទេស កម្ពុជា​បាន​ប៉ាន់ស្មាន​ទទួល​បាន​លេខ​៦ និង​កើន​មេដាយ​៥០% ។ នេះ​បើ​តាម​អគ្គលេខាធិការ​គណៈកម្មាធិការ​ជាតិ​ប៉ា​រ៉ា​ឡាំ​ពិ​ក​កម្ពុជា ។

លោក យី វាសនា អគ្គលេខាធិការ​គណៈកម្មាធិការ​ជាតិ​ប៉ា​រ៉ា​ឡាំ​ពិ​ក​កម្ពុជា និង​ជា​អគ្គលេខាធិការ​រង​គណៈកម្មាធិការ​ជាតិ​រៀបចំ​ការ​ប្រកួត​កីឡា​អាស៊ាន​ប៉ា​រ៉ា​ហ្គេ​ម​លើក​ទី​១២ បាន​ឲ្យ​ដឹង​នៅ​ថ្ងៃ​ទី​២៦ ខែឧសភា​ឆ្នាំ​២០២៣ ក្នុង​ជំនួប​សំណេះសំណាល​ជាមួយ​កីឡាករ កីឡាការិនី អាស៊ាន​ប៉ា​រ៉ា​ហ្គេ​ម​លើក​ទី​១២ (12th ASEAN Para Games ) ធ្វើ​ឡើង​នៅ​វិមាន​សន្តិភាព​បាន​លើក​ឡើង​ថា ការ​ប្រកួត​កីឡា​ប៉ា​រ៉ា​ហ្គេ​ម​ផ្នែក​បុរស​មាន​ចំនួន​១៦០​វិញ្ញាសារ វិញ្ញាសារ​នារី​៨០ វិញ្ញាសារ​គូរ​ចម្រុះ​ចំនួន​៦ វិញ្ញាសារ​ក្រុម​១៣ ។

គណៈកម្មការ​ប៉ា​រ៉ា​អូ​ឡាំ​ពិ​ក​សង្ឃឹម​ទទួល​បាន​មេដាយ​កើនឡើង​៥០%​បើ​ធៀប​នឹង​ប៉ា​រ៉ា​ហ្គេ​ម​លើក​ទី​១១ ។ សន្ទុះ​ទាំងនោះ​សរុប​កើន​មេដាយ​៥៦​គ្រឿងក្នុង​នោះ​មេដាយមាស​៨​គ្រឿង មេដាយ​ប្រាក់​២១​គ្រឿង និង​មេដាយ​សំ​រិ​ទ្ធ​២៧​គ្រឿង ។

លោក​គូសបញ្ជាក់​ថា ៖ តាម​ការ​ប៉ាន់ស្មាន​ប៉ា​រ៉ា​អូ​ឡាំ​ពិ​ក​កម្ពុជា ស្ថិត​ក្នុង​ចំណោម​ថ្នាក់​លេខ​៦ ក្នុង​ចំណោម​១១​ប្រទេស​ចូលរួម ។ ក្នុង​ព្រឹត្តិការណ៍​ប៉ា​រ៉ា​ហ្គេ​ម​លើក​ទី​១២ កម្ពុជា​បាន​ចូលរួម​ទាំង​១៣​ប្រភេទ​កីឡា និង​មួយ​ប្រភេទ​កីឡា​គឺ «​អី​ស្បត់​» ។

លោក​បាន​ឲ្យ​ដឹង​ថា កាលពី​ឆ្នាំ​២០១៩ ប្រទេស​ហ្វី​លី​ព​គ្រោង​ធ្វើ​ជា​ម្ចាស់ផ្ទះ​កីឡា​ប៉ា​រ៉ា​ហ្គេ​ម​ទី​១០ និង​ឆ្នាំ​២០២២ វៀតណាម​គ្រោង​ធ្វើ​ជា​ម្ចាស់ផ្ទះ​លើក​ទី​១១ ប៉ុន្តែ​ត្រូវ​បាន​លើក​ដោយសារ​ជំងឺ​កូ​វី​ដ​១៩ វា​.​យ​លុក ។

ក្នុង​ស្ថានភាព​បែប​នេះ ប្រទេស​ឥណ្ឌូ​នេ​ស៊ី​ក៏​បាន​ទទួល​ធ្វើ​ជា​ម្ចាស់​នៃ​ការ​រៀបចំ​ការ​ប្រកួត​កីឡា​ប៉ា​រ៉ា​ហ្គេ​ម​លើក​ទី​១១ កាលពី​ខែកក្កដា និ​សីហា ឆ្នាំ​២០២២ ។

សូម​បញ្ជាក់​ថា សម្រាប់​ការ​ប្រកួត​កីឡា​អាស៊ាន​ប៉ា​រ៉ា​ហ្គេ​ម លើក​ទី​១២ ដែល​កម្ពុជា​ធ្វើ​ម្ចាស់ផ្ទះ​នឹង​ចាប់ផ្ដើម ពី​ថ្ងៃ​ទី​៣ ដល់​៩ ខែមិថុនា ឆ្នាំ​២០២៣ ដោយ​មាន​កីឡា​១៣​ប្រភេទ ត្រូវ​បាន​ដាក់​ឲ្យ​ធ្វើការ​ប្រកួត​លើ​វិញ្ញាសារ​ចូលរួម​មាន​កីឡាអត្តពលកម្ម​, ហែល​ទឹក​, វាយ​សី​, ប៊ូ​ស្យា​, អុក​, បាល់ទាត់​បុរស (៥​ម្ខាង និង​៧​ម្ខាង​) បាល់បោះ​ពិការ​ភ្នែក​, យូ​ដូ​, លើក​ទម្ងន់​, វាយ​កូន​ឃ្លី​លើ​តុ​, បាល់ទះ​អង្គុយ​, បាល់បោះ​ជិះរទេះ និង​កីឡា​អេ​ឡិច​ត្រូ​និក​(E-Sports)​។

សម្រាប់​កម្ពុជា​មាន​កីឡាករ​-​កីឡាការិនី​ចំនួន​២៣៦​នាក់​ចួ​ល​រួម​ប្រកួត ។ កាលពី​កីឡា​អាស៊ាន​ប៉ា​រ៉ា​ហ្គេ​ម​លើក​ទី​១១ កម្ពុជា​ដណ្ដើម​បាន​មេ​ដា យ​សរុប ២៨​គ្រឿង រួម​មាន​មេដាយមាស ៧ ប្រាក់​១០ និង​សំរឹទ្ធ ១១​គ្រឿង ៕

អត្ថបទសរសេរ ដោយ

កែសម្រួលដោយ