សមាគមកីឡាបាល់ទាត់ឥណ្ឌូណេស៊ី នឹងមិនដាក់ពិន័យលើកីឡាករជម្រើសជាតិ ដូចប្រទេសថៃនោះទេ
ប្រធានសមាគមបាល់ទាត់ឥណ្ឌូណេស៊ី (PSSI) លោក Erick Thohir បាននិយាយថា ខ្លួននឹងមិនដាក់ពិន័យលើកីឡាករ គ្រូបង្វឹក និងមន្ត្រីក្រុមជម្រើសជាតិ U-22…
ប្រធានសមាគមបាល់ទាត់ឥណ្ឌូណេស៊ី (PSSI) លោក Erick Thohir បាននិយាយថា ខ្លួននឹងមិនដាក់ពិន័យលើកីឡាករ គ្រូបង្វឹក និងមន្ត្រីក្រុមជម្រើសជាតិ U-22…
ប្រធានសមាគមបាល់ទាត់ឥណ្ឌូណេស៊ី (PSSI) លោក Erick Thohir បាននិយាយថា ខ្លួននឹងមិនដាក់ពិន័យលើកីឡាករ គ្រូបង្វឹក និងមន្ត្រីក្រុមជម្រើសជាតិ U-22 ឥណ្ឌូនេស៊ី ដែលរំខាននៅក្នុងការប្រកួតចុងក្រោយនៃ SEA Games 2023 នោះទេ។ នេះបើយោងតាមការចុះផ្សាយរបស់សារព័ត៌មាន CNN Indonasia នៅថ្ងៃទី២៤ ខែមិថុនា ឆ្នាំ២០២៣។
លោក Eric Thohir បញ្ជាក់ថា «ខ្ញុំបានឃើញការដាក់ទណ្ឌកម្មរបស់សមាគមបាល់ទាត់ថៃ វាជាបញ្ហារបស់ប្រទេសនោះ។ ឥណ្ឌូនេស៊ីនឹងមិនពិន័យអ្វីទាំងអស់ យើងមិនចាំបាច់ធ្វើអន្តរាគមន៍ទេ ព្រោះនេះគឺជាមេរៀនដែលកីឡាករបាល់ទាត់បានទទួលរួចហើយ។ វានឹងត្រូវបានលើកឡើង សម្រាប់ការកែប្រែបន្ថែមទៀត។ យើងនៅតែមានទំនាក់ទំនងល្អជាមួយក្រុមក្នុងតំបន់អាស៊ាន។ មិនថាថៃ ឬវៀតណាមទេ»
កាលពីពេលថ្មីៗនេះ សមាគមបាល់ទាត់របស់ប្រទេសថៃ ទើបតែបានបង្កើតគណៈកម្មាធិការមួយ ដើម្បីធ្វើការស៊ើបអង្កេតពាក់ព័ន្ធនឹងភាពចលាចល ដែលបានកើតឡើងក្នុងអំឡុងការប្រកួតបាល់ទាត់ផ្នែកបុរស អាយុក្រោម ២២ឆ្នាំ វគ្គផ្តាច់ព្រ័ត្រ នៃព្រឹត្តិការណ៍ស៊ីហ្គេមលើកទី៣២ រវាងជម្រើសជាតិថៃ និងឥណ្ឌូណេស៊ី។
ការស៊ើបអង្កេតរបស់គណៈកម្មាធិការ បានឈានទៅដល់ការព្យួរការងារបុគ្គលិកចំនួន ៣នាក់ រយៈពេល ១ឆ្នាំ និងកីឡាករចំនួន ២នាក់ រយៈពេល ៦ខែ៕
ចែករំលែកព័តមាននេះ