ស្ងាត់ៗ! PSG កំពុងពិភាក្សាជាមួយក្លិបអង់គ្លេស រឿងកំពូលខ្សែប្រយុទ្ធ Neymar
បារាំង ៖ យោងតាមរបាយការណ៍ចេញពីប្រព័ន្ធផ្សព្វផ្សាយរបស់ប្រទេសបារាំង បានរាយការណ៍ថា ក្លិប
បារាំង ៖ យោងតាមរបាយការណ៍ចេញពីប្រព័ន្ធផ្សព្វផ្សាយរបស់ប្រទេសបារាំង បានរាយការណ៍ថា ក្លិប
បារាំង ៖ យោងតាមរបាយការណ៍ចេញពីប្រព័ន្ធផ្សព្វផ្សាយរបស់ប្រទេសបារាំង បានរាយការណ៍ថា ក្លិបបាល់ទាត់ Manchester United កំពុងស្ថិតក្នុងការពិភាក្សាជាមួយនឹងក្លិប Paris Saint-Germain ដើម្បីចុះហត្ថលេខានាំយកកំពូលខ្សែប្រយុទ្ធប្រេស៊ីល Neymar មកកាន់ទឹកដី Old Trafford នៅរដូវកាលក្រោយ។
យោងតាមប្រភពពីសារព័ត៌មាន Goal.com បានឱ្យដឹងថា ក្លិបធំៗនៅក្របខណ្ឌ English Premier League បានចូលខ្លួនចរចាជាមួយក្លិប PSG ជុំវិញការចង់បានកំពូលខ្សែប្រយុទ្ធប្រេស៊ីល Neymar ស្របពេលដែលរបាយការណ៍ពីសារព័ត៌មានបារាំង L’Equipe បានរាយការណ៍ថា ការពិភាក្សារវាង PSG និង Man United ទំនងជាមានផ្លៃផ្កាជាក្លិបផ្សេងទៀត ខណៈក្លិបអ្នកមានជាន់ថ្មី Newcastle ក៏ត្រូវបានរាយការណ៍ថា ចាប់អារម្មណ៍ចង់បានខ្សែប្រយុទ្ធវ័យ៣១ឆ្នាំរូបនេះផងដែរ។
បច្ចុប្បន្ន PSG បានបើកចំហរក្នុងការបញ្ចេញ Neymar នៅរដូវក្តៅនេះ ស្របពេលដែលសាម៉ីខ្លួនផ្ទាល់ ក៏កំពុងពិចារណាក្នុងការចាកចេញផងដែរ ក្រោយមានការការរិះគន់ និងមិនពេញចិត្តយ៉ាងខ្លាំងពីសំណាក់អ្នកគាំទ្រក្លិប។ ប្រភពមួយបានបង្ហើបថា ខ្សែបម្រើ Casemiro ដែលជាមិត្តរួមជម្រើសជាតិប្រេស៊ីលរបស់ Neymar កំពុងក្លាយជាភ្នាក់ងារដ៏សំខាន់ ដោយជំរុញកីឡាកររូបនេះ មកចូលរួមជាមួយខ្លួននៅ Man United ចំពេលលោក Erik ten Hag អ្នកចាត់ការទូទៅ Man United ក៏ចាប់អារម្មណ៍រូបគេ ដើម្បីមកបង្កើនប្រសិទ្ធភាពនៅតំបន់ប្រយុទ្ធរបស់ខ្លួនផងដែរ។
របាយការណ៍មួយចំនួនបានឱ្យដឹងថា Man United ចង់ចុះហត្ថលេខាលើ Neymar ក្នុងលក្ខខ័ណ្ឌខ្ចីជើងសម្រាប់រដូវកាលនេះ ប៉ុន្តែភាគីបារាំងពេញចិត្តនឹងការផ្ទេរកីឡាករប្រេស៊ីលរូបនេះ នៅក្នុងកិច្ចសន្យាអចិន្ត្រៃយ៍៕ (ដកស្រង់ចេញពី Goal.com)
ចែករំលែកព័តមាននេះ