FIFA ណែនាំ៣ជំហានដ៏សំខាន់ បញ្ឈប់ការរើ.សអើ.ងជាតិសាសន៍ក្នុងប្រកួតបាល់ទាត់
ស្វីស ៖ លោក Gianni Infantino ប្រធានសហព័ន្ធបាល់ទាត់ពិភពលោក FIFA បានអំពាវនាវឱ្យមាន
ស្វីស ៖ លោក Gianni Infantino ប្រធានសហព័ន្ធបាល់ទាត់ពិភពលោក FIFA បានអំពាវនាវឱ្យមានការចោទប្រកាន់បទព្រហ្មទណ្ឌ ចំពោះអ្នកដែលមានពិរុទ្ធពីការរំលោ.ភបំពា.នលើការរើ.សអើ.ងជាតិសាសន៍នៅក្នុងកីឡដ្ឋានបាល់ទាត់ ខណៈស្ថាប័នកំពូលគ្រប់គ្រងបាល់ទាត់មួយនេះ បានគូសបញ្ជាក់ពីការឆ្លើយតបរបស់ខ្លួន ពាក់ព័ន្ធលើទង្វើរើ.សអើ.ងជាតិសាសន៍ ដែលកើតឡើងចំពោះខ្សែបម្រើស្លាប Vinicius Junior របស់ក្រុមស្តេចស Real Madrid អំឡុងការប្រកួត កាលពីពេលថ្មីៗនេះ។
ជំនួបក្របខណ្ឌលីគកំពូលអេស្ប៉ាញ La Liga របស់ក្រុម Real Madrid ទល់នឹងម្ចាស់ផ្ទះ Valencia ត្រូវបានផ្អាក បន្ទាប់ពីខ្សែបម្រើប្រេស៊ីល Vinicius Junior ទទួលរងការរើ.សអើ.ងជាតិសាសន៍ដ៏អាក្រក់ពីសំណាក់អ្នកគាំទ្រក្រុមម្ចាស់ផ្ទះ។
ក្រោយរងទង្វើមិនគប្បីបែបនេះ ខ្សែបម្រើ Vinicius បានចេញសេចក្តីថ្លែងការណ៍ដ៏រំជួលចិត្ត ដើម្បីអំពាវនាវដល់ក្របខណ្ឌ La Liga ចាត់វិធានការលើអ្នករើ.សអើ.ងជាតិសាសន៍ ចំពេលលោក Carlo Ancelotti អ្នកចាត់ការទូទៅក្រុម Real Madrid បានចូលខ្លួនមកការពារកូនក្រុមរបស់ខ្លួន នៅក្នុងការបញ្ចេញមតិក្រោយបញ្ចប់ការប្រកួតផងដែរ ។ ស្របពេលដែលកីឡាកររួមអាជីពជាច្រើន ក៏បានបង្ហោះសារគាំទ្រខ្សែបម្រើ Vinicius ផងដែរ ក្នុងនោះរួមទាំងកំពូលខ្សែប្រយុទ្ធបារាំង Kylian Mbappe ។
យ៉ាងណាមិញ រួមជាមួយនឹងសេចក្តីថ្លែងការណ៍របស់លោក Gianni Infantino សហព័ន្ធបាល់ទាត់ពិភពលោក បានរំលឹកឡើងវិញនូវដំណើរការ ៣ជំហានដ៏សំខាន់របស់ខ្លួន ដើម្បីបង្ក្រាប់ទង្វើគួរឱ្យស្អប់ខ្ពើមនេះ។ សេចក្តីថ្លែងការណ៍របស់លោក Infantino បានសរសេរថា «អ្នករើ.សអើ.ងជាតិសាសន៍ គួរតែត្រូវបានហាមឃាត់អស់មួយជីវិតពីការចូលក្នុងកីឡដ្ឋានបាល់ទាត់ទូទាំងពិភពលោក ហើយពួកគេគួរតែប្រឈមមុខនឹងការចោទប្រកាន់ពីបទឧក្រិ.ដ្ឋនៅក្នុងប្រទេសរបស់ពួកគេ ដោយសារការរើ.សអើ.ងជាតិសាសន៍គឺជាឧក្រិ.ដ្ឋកម្ម»។
ទន្ទឹមនឹងនោះ FIFA បានចាប់ផ្តើមសេចក្តីថ្លែងការណ៍ជាមួយនឹងពាក្យថា «សាមគ្គីភាពពេញលេញចំពោះ Vinicius»។ FIFA បានបន្តទៀតថា គ្មានកន្លែងសម្រាប់ការរើ.សអើ.ងជាតិសាសន៍នៅក្នុងកីឡាបាល់ទាត់ ឬនៅក្នុងសង្គមនោះទេ ហើយ FIFA ឈរជាមួយកីឡាករ កីឡាការិនីទាំងអស់ ដែលបានរកឃើញថា ពួកគេស្ថិតក្នុងស្ថានភាពបែបនេះ។
បន្ថែមពីនេះទៀត FIFA បានណែនាំ ៣ជំហានដ៏សំខាន់ ដើម្បីបង្ក្រាប់ការរើសអើងជាតិសាសន៍ នៅគ្រប់កម្រិតនៃកីឡាបាល់ទាត់។ ទី១ អ្នកបញ្ឈប់ការប្រកួត អ្នកត្រូវតែប្រកាសវា ។ ទី២ កីឡាករចាកចេញពីទីលាន ប្រសិនបើការរើ.សអើ.ងនៅតែបន្ត ការប្រកួតនឹងត្រូវផ្អាក ការប្រកួតចាប់ផ្តើមឡើងវិញ (នៅពេលស្ថានភាពរកសភាពដើម) ហើយបន្ទាប់មក ទី៣ ប្រសិនបើករណីការរើសអើងនៅតែបន្ត ការប្រកួតនឹងត្រូវបញ្ឈប់ ហើយ៣ពិន្ទុនឹងទៅផ្តល់ដល់ក្រុមគូប្រកួត។ ទាំងនេះ គឺជាច្បាប់ដែលគួរអនុវត្តនៅគ្រប់ប្រទេស និងគ្រប់លីគនៅជុំវិញពិភពលោក៕ (ដកស្រង់ចេញពី The Mirror)
ចែករំលែកព័តមាននេះ