ខេត្តក្រចេះ ៖ បុរសម្នាក់ស្លា.ប់នៅក្នុងបន្ទប់ក្រោមផ្ទះ ដោយមានស្នាមរបួសដោយគ្រាប់កាំភ្លើង។ ការស្លា.ប់នេះសមត្ថកិច្ចសន្និដ្ឋានថា ជារឿងឃាតកម្មគិតទុកជាមុន ដោយខ្មាន់កាំភ្លើងលួចបា.ញ់១គ្រាប់ធ្លាយកញ្ចឹងក។ បុរសរងគ្រោះឈ្មោះអ៊ិត ម៉ាន ជនជាតិខ្មែរអ៊ិស្លាម អាយុ៥៧ឆ្នាំ មានទីលំនៅក្នុងភូមិល្វាធំ ឃុំព្រែកសាម៉ាន់ ស្រុកឆ្លូង។ ហេតុការណ៍
ខេត្តក្រចេះ ៖ បុរសម្នាក់ស្លាប់នៅក្នុងបន្ទប់ក្រោមផ្ទះ ដោយមានស្នាមរបួសដោយគ្រាប់កាំភ្លើង។ ការស្លាប់នេះសមត្ថកិច្ចសន្និដ្ឋានថា ជារឿងឃាតកម្មគិតទុកជាមុន ដោយខ្មាន់កាំភ្លើងលួចបាញ់១គ្រាប់ធ្លាយកញ្ចឹងក។ បុរសរងគ្រោះឈ្មោះអ៊ិត ម៉ាន ជនជាតិខ្មែរអ៊ិស្លាម អាយុ៥៧ឆ្នាំ មានទីលំនៅក្នុងភូមិល្វាធំ ឃុំព្រែកសាម៉ាន់ ស្រុកឆ្លូង។ ហេតុការណ៍បាញ់សម្លាប់នេះគេសន្និដ្ឋានថា កើតឡើងនៅវេលារំលងអធ្រាត្រឈានចូលថ្ងៃទី២ ឧសភា។
តាមការរៀបរាប់របស់ស្ត្រីជាប្រពន្ធឱ្យសមត្ថកិច្ចប៉ូលិសដឹងថា គាត់ និងប្តីបានអង្គុយនៅមុខផ្ទះរហូតដល់ម៉ោង១០យប់ ទើបចូលសម្រាករៀងៗខ្លួន ដោយប្តីគាត់សម្រាកក្នុងបន្ទប់ក្រោមផ្ទះតែម្នាក់ឯង រីឯគាត់សម្រាកនៅលើផ្ទះ។ លុះដល់ពាក់កណ្តាលយប់គាត់ឮសូរសំឡេងឆ្កែព្រុស ក៏ចាប់អំពូលភ្លើងបំភ្លឺ។ ដោយឮសំឡេងមនុស្សស្រែកថ្ងូរ គាត់ចុះទៅបើកទ្វារបន្ទប់ក្រោមផ្ទះមើលឃើញមានឈាម និងឃើញប្តីរបស់គាត់ដេកនៅលើគ្រែកំពុងត្រដរខ្យល់ដោយមានស្នាមរបួសត្រូវគ្រាប់កាំភ្លើង។
លោកវរសេនីយ៍ត្រី ហុង សុខលី អធិការនគរបាលស្រុកឆ្លូងមានប្រសាសន៍ឱ្យដឹងកាលពីថ្ងៃទី៣ ឧសភា ថា បន្ទាប់ពីការស្រាវជ្រាវរបស់សមត្ថកិច្ចនៅកន្លែងកើតហេតុ គឺខ្មាន់កាំភ្លើងបានបាញ់ទៅលើបុរសរងគ្រោះ១គ្រាប់ចំស្មាខាងស្តាំធ្លាយទៅកញ្ចឹងក បណ្តាលឱ្យរបួសធ្ងន់ និងបានស្លាប់ពេលបញ្ជូនទៅសង្គ្រោះនៅមន្ទីរពេទ្យខេត្ត។ លោកអធិការស្រុកបញ្ជាក់ថា នៅកន្លែងកើតហេតុប៉ូលិសរកឃើញសំបកគ្រាប់កាំភ្លើងកា៤៧។ ករណីនេះសមត្ថកិច្ចសន្និដ្ឋានថា ជារឿងគំនុំ មិនមែនជាករណីប្លន់សម្លាប់ទេ ដោយជនរងគ្រោះមិនមានបាត់បង់ទ្រព្យសម្បត្តិណាមួយ។ ករណីនេះប៉ូលិសកំពុងតែតាមស្រាវជ្រាវរកមុខសញ្ញាជនដៃដល់។
បើតាមប្រភពព័ត៌មានពីកន្លែងកើតហេតុ ថា បុរសរងគ្រោះជាមនុស្សស្លូតត្រង់ មិនដែលបង្កជម្លោះជាមួយប្រជាពលរដ្ឋក្នុងស្រុកភូមិទេ តែជាមនុស្សចូលចិត្តលែបខាយប្រពន្ធគេឯងក្នុងភូមិ ដូច្នេះប្រជាពលរដ្ឋសន្និដ្ឋានថា គាត់ស្លាប់អាចមកពីរឿងលែបខាយប្រពន្ធគេនោះ។ ទោះបីជាបែបណាក្តី មូលហេតុពិតណាមួយនោះមិនទាន់អាចនិយាយបានឡើយនៅពេលសមត្ថកិច្ចមិនទាន់ចាប់បានជនដៃដល់៕
ចែករំលែកព័តមាននេះ