ព្រះអង្គ ហាក់ សៀងហៃ មានសង្ឃដីកាមួយឃ្លាជុំវិញរឿងព្រះគ្រូ សាន សុជា លាចាកសិក្ខាបទ
រាជធានីភ្នំពេញ ៖ ភ្លាមៗបន្ទាប់ពីព្រះគ្រូ សាន សុជា ប្រកាសលាចាកសិក្ខាបទ ស្រាប់តែ ព្រះបញ្ញាមុនី
រាជធានីភ្នំពេញ ៖ ភ្លាមៗបន្ទាប់ពីព្រះគ្រូ សាន សុជា ប្រកាសលាចាកសិក្ខាបទ ស្រាប់តែ ព្រះបញ្ញាមុនីញាណ ហាក់ សៀងហៃ បានមានថេរដីកា បង្ហាញនូវការសោកស្តាយជាពន់ពេកជុំវិញរឿងនេះ។
ខណះកំពុងគង់នៅសហរដ្ឋអាមេរិក ព្រះបញ្ញាមុនីញាណ ហាក់ សៀងហៃ បានបង្ហោះរូបភាពដែលព្រះអង្គបាន ជួបជាមួយនឹងភិក្ខុវជិរប្បញ្ញោ សាន សុជា (មុនពេលព្រះអង្គសឹក) នៅបណ្តាញសង្គមផ្លូវការរបស់ព្រះអង្គ ដោយមានថេរដីកាអមថា «បានថ្វាយបង្គំលាជាលើកចុងក្រោយពីចម្ងាយ (អាម៉េរិក-អូស្ត្រាលី) វេលាម៉ោង១២:៣០នាទីយប់ ម៉ោងនៅរដ្ឋចរចា ថ្ងៃទី២១ ឧសភា ២០២៣ មុនពេលលោកម្ចាស់គ្រូ លាចាកសិក្ខាបទថ្ងៃនេះ»។
សំណេររបស់ព្រះបញ្ញាមុនីញាណ ហាក់ សៀងហៃ បន្តថា ដីកាលោកម្ចាស់គ្រូ សាន សុជា «កូរណាទៅមុនហើយ»។ ព្រះគ្រូ ហាក់ សៀងហៃ ក៏បានប្រគេនពរក្នុងដំណើរជីវិតថ្មីរបស់ម្ចាស់គ្រូ សាន សុជា ដោយមានថេរដីកាបន្ថែមថា «អ្វីៗសុទ្ធតែមិនទៀងមែនពិត»។
ព្រះបញ្ញាមុនីញាណ ហាក់ សៀងហៃ បន្តថា «សែនស្តាយមិនដឹងបរិយាយយ៉ាងណា លាចាកសិក្ខាបាត់បង់បញ្ញវន្តសង្ឃមួយអង្គទៀតហើយ»។ សូមបញ្ជាក់ថា ព្រះបញ្ញាមុនីញាណ ហាក់ សៀងហៃ គឺជានាយកប្រតិបត្តិអង្គការព្រះពុទ្ធសាសនាដើម្បីអប់រំនៃកម្ពុជា និងជារាជាគណៈថ្នាក់កិត្តិយស គង់នៅវត្តកំផែង ភូមិកម្មករ សង្កាត់ស្វាយប៉ោ ខេត្តបាត់ដំបង ទទួលបានការតែងតាំងជាទីប្រឹក្សាក្រុមប្រឹក្សាជាតិភាសាខ្មែរនៃរាជបណ្ឌិត្យ សភាកម្ពុជា យោងតាមសេចក្តីសម្រេចលេខ ០៤២/២០ ស.ស.រ ចុះថ្ងៃទី ២៣ ខែកញ្ញា ឆ្នាំ២០២០ របស់ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា
យ៉ាងណាមិញ គិតត្រឹមម៉ោង ៤ នាទីរសលៀលម៉ោងនៅប្រទេសកម្ពុជា ដូចការប្រកាសរបស់ព្រះគ្រូ សាន សុជា គេបានឃើញរូបភាព លោកគ្រូឧបាសកសាន សុជា បានលាចាកសិក្ខាបទរួចរាល់ហើយ និងរូបភាពរបស់លោកគ្រូឧបាសកសាន សុជា ក្នុងភាពជាគ្រហស្ថ៕
ចែករំលែកព័តមាននេះ