ខេត្តកណ្តាល ៖ កាលពីរសៀលថ្ងៃទី២៨ មេសា កន្លងមក អនុសាខាកាកបាទក្រហមកម្ពុជាក្រុងតាខ្មៅ ដឹកនាំដោយលោកស្រីហែម សម្បត្តិ អនុប្រធានគណៈកម្មាធិការអនុសាខា រួមដំណើរដោយអស់លោក លោកស្រីជាសមាជិក សមាជិកាគណៈកម្មាធិការអនុសាខាក្រុងជាច្រើនរូបទៀត បានអញ្ជើញទៅទទួលអំណោយសប្បុរសធម៌ជា
ខេត្តកណ្តាល ៖ កាលពីរសៀលថ្ងៃទី២៨ មេសា កន្លងមក អនុសាខាកាកបាទក្រហមកម្ពុជាក្រុងតាខ្មៅ ដឹកនាំដោយលោកស្រីហែម សម្បត្តិ អនុប្រធានគណៈកម្មាធិការអនុសាខា រួមដំណើរដោយអស់លោក លោកស្រីជាសមាជិក សមាជិកាគណៈកម្មាធិការអនុសាខាក្រុងជាច្រើនរូបទៀត បានអញ្ជើញទៅទទួលអំណោយសប្បុរសធម៌ជាគ្រឿងឧបភោគ បរិភោគ និងថវិកាពីព្រះសង្ឃវត្តព្រះពុទ្ធអណ្តែត ស្ថិតក្នុងសង្កាត់ព្រែកហូរ ក្រុងតាខ្មៅ ។ និមន្ត និងអញ្ជើញចូលរួមក្នុងពិធីនេះរួមមាន ព្រះគ្រូឋានចារីអ៊ុក ថុល ព្រះរាជាគណៈថ្នាក់កិត្តិយស ព្រះធម្មធរអនុគណក្រុងតាខ្មៅ និងជាព្រះចៅអធិការវត្តព្រះពុទ្ធអណ្តែត ហៅវត្តព្រែកហូរ លោកស្រី ជុំ ស៊ីនួន ចៅសង្កាត់ព្រែកហូរ លោកមេភូមិ ព្រះសង្ឃ អាចារ្យ គណៈកម្មការវត្ត ព្រមទាំងពុទ្ធបរិស័ទចំណុះជើងវត្តជាច្រើនទៀត។
ព្រះសុមនោ ប៊ូ ពុទ្ធីណា គ្រូសូត្រស្តាំ និងជាតំណាងព្រះគ្រូឋានចារី អ៊ុក ថុល ព្រះចៅអធិការវត្ត មានថេរដីកាសម្តែងនូវទឹកព្រះទ័យជ្រះថ្លា និងគាំទ្ររាល់សកម្មភាពរបស់កាកបាទក្រហមកម្ពុជា ក្រោមការដឹកនាំប្រកបដោយគតិបណ្ឌិតរបស់លោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជាប្រមុខ ធ្វើឱ្យស្ថាប័នមនុស្សធម៌នេះមានកិត្តិស័ព្ទល្បីរន្ទឺទាំងនៅថ្នាក់ជាតិ និងអន្តរជាតិ។ កន្លងមក ព្រះចៅអធិការ ព្រះសង្ឃ គណៈកម្មការវត្ត បានឧបត្ថម្ភនូវសម្ភារ គ្រឿងឧបភោគ បរិភោគ និងថវិកាជូនសាខាកាកបាទក្រហមកម្ពុជាខេត្តជាបន្តបន្ទាប់។ ជាក់ស្តែងពេលនេះ ព្រះអង្គក៏បានផ្តល់ជូនដល់អនុសាខាកាកបាទក្រហមកម្ពុជាក្រុងតាខ្មៅបន្តទៀត ក្នុងគោលបំណងចូលរួមចំណែកជួយជនរងគ្រោះ និងងាយរងដោយគ្រោះមហន្តរាយផ្សេងៗ។
លោកស្រីហែម សម្បត្តិ អនុប្រធានគណៈកម្មាធិការអនុសាខាក្រុង តំណាងលោកចាន់ សុខុម ប្រធានគណៈកម្មាធិការអនុសាខាកាកបាទក្រហមកម្ពុជាក្រុងតាខ្មៅ មានមតិសំណេះសំណាលដោយពាំនាំនូវការផ្តាំផ្ញើសាកសួរសុខទុក្ខពីថ្នាក់ដឹកនាំ សមាជិក សមាជិកាកាកបាទក្រហមកម្ពុជាខេត្ត-ក្រុង ប្រគេន និងជូនចំពោះព្រះសង្ឃ លោកតា លោកយាយ លោក លោកស្រីដែលមានវត្តមាននៅទីនេះដោយក្តីនឹករឭក។ ក្នុងនាមគណៈកម្មាធិការអនុសាខាកាកបាទក្រហមកម្ពុជាក្រុង សូមថ្លែងអំណរព្រះគុណ និងអរគុណចំពោះទឹកព្រះទ័យ និងទឹកចិត្តដ៏សប្បុរសធម៌របស់ព្រះចៅអធិការ ព្រះសង្ឃ អាចារ្យ គណៈកម្មការវត្ត ដែលបានបរិច្ចាគនូវសម្ភារ គ្រឿងឧបភោគ បរិភោគ និងថវិកាជូនដល់អនុសាខាក្រុងនៅពេលនេះ។ លោកស្រីបន្តទៀតថា ទោះបីសព្វថ្ងៃនេះព្រះអង្គកំពុងជាប់រវល់ក្នុងការសាងសង់សមិទ្ធផលនានាក្នុងទីអារាមក្តី ក៏ព្រះអង្គឆ្លៀតឱកាសចូលរួមចំណែកក្នុងវិស័យការងារមនុស្សធម៌ដែរ។ លោកស្រីបានសន្យាថា អនុសាខាកាកបាទក្រហមក្រុងតាខ្មៅនឹងនាំយកសម្ភារទាំងនេះទៅបែងចែកជូនជនរងគ្រោះឱ្យមានតម្លាភាព ដោយផ្អែកតាមគោលការណ៍គ្រឹះទាំង៧របស់ចលនាកាកបាទក្រហម។ អំណោយដែលអនុសាខាក្រុងបានទទួលនាឱកាសនោះរួមមានសម្ភារ និងគ្រឿងឧបភោគ បរិភោគចំនួន២៣មុខ និងថវិកា២០០.០០០រៀល ៕
ចែករំលែកព័តមាននេះ