មន្ត្រីពេទ្យសត្វឱ្យអ្នកពិ-ឃា-ត-សត្វសុនខ(ឆ្កែ) បញ្ឈប់សកម្មភាពរបស់ខ្លួន
- បន្ទាយមានជ័យ
ខេត្តបន្ទាយមានជ័យ ៖ មន្ត្រីពេទ្យសត្វ បានឱ្យអ្នកពិឃាតសត្វឆ្កែត្រូវធ្វើកិច្ចសន្យាបញ្ឈប់នូវសកម្មភាពសម្លាប់និងនាំចេញសត្វឆ្កែទៅលក់បន្តតាមបណ្តាខេត្ត កាលពីថ្ងៃទី១៧ ឧសភា ឆ្នាំ២០២៣ ស្ថិតភូមិតាស្រី ឃុំតាផូ ស្រុកស្វាយចេក ។ សូមរំលឹកថា៖ មនុស្សនៅតែបន្តពិ-ឃា-ត(ឆ្កែ ឬសុនខ)ទៅលក់តាមបណ្តាខេត្តក្នុង១ថ្ងៃជិត៣០០ក្បាល
លោក អ៊ីវ វណ្ណា អនុប្រធានការិយាល័យផលិតកម្ម និងបសុព្យាបាលខេត្តបន្ទាយមានជ័យបានប្រាប់ថា ក្រោយឃើញព័ត៌មានបានផ្សព្វផ្សាយមានកន្លែងពិឃាតសត្វឆ្កែធ្វើអាជីវកម្មនាំចេញលក់តាមបណ្តាខេត្ត ក្នុងមួយថ្ងៃមានរហូតដល់២០០ទៅ៣០០ក្បាលដើរដូរឆ្នាំងនិងទិញតាមភូមិ ហើយត្រូវបានប្រជាពលរដ្ឋនិងមហាជនបានរិះគន់យ៉ាងខ្លាំង ដោយសុំឱ្យអាជ្ញាធរនិងមន្ត្រីជំនាញជួយអន្តរាគមន៍បញ្ឈប់សកម្មភាពការពិឃាតសត្វសុនកធ្វើអាជីវកម្ម និងចូលរួមថែរក្សាទាំងអស់គ្នា ។
លោកបានបញ្ជាក់ថា ជាការណែនាំពីឯកឧត្តម អ៊ុំ រាត្រី អភិបាលខេត្តបន្ទាយមានជ័យ លោក ប៉ាង វណ្ណាសេដ្ឋ ប្រធានមន្ទីកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ ហើយមន្ត្រីការិយាល័យផលិតកម្ម និងបសុព្យាបាលខេត្ត សហការជាអាជ្ញាធរមានសមត្តកិច្ចបានទៅដល់ទីតាំង និងពិនិត្យជាក់ស្តែងបានអោយម្ចាស់ធ្វើអាជីវកម្មពិឃាតសត្វសុនកអោយធ្វើកិច្ចសន្យាបញ្ឈប់ជាបន្ទាន់ចាប់ពីពេលនេះតទៅ ។
លោក អ៊ីវ វណ្ណា បានបញ្ជាក់ថា៖ក្រោយធ្វើកិច្ចសន្យាម្ចាស់ធ្វើអាជីវកម្មពិឃាតសុនកមន្ត្រីជំនាញធ្វើការឃ្លាំមើលជាប្រចាំនិងស្រាវជ្រាវរកកន្លែងផ្សេងៗទៀតបើរកឃើញត្រូវធ្វើកិច្ចសន្យាណែនាំដូចគ្នា បើរកឃើញនៅលួចលាក់ធ្វើសកម្មភាពនិងមានវិធានការតាមច្បាប់។
ប្រជាពលរដ្ឋបានកោតសសើរចំពោះមន្ត្រីជំនាញក្រោយពីបានផ្សព្វផ្សាយព័ត៌មានដែលមានកន្លែងធ្វើអាជីវកម្មសត្វសុនកនៅក្នុងភូមិតាស្រី ឃុំតាផូ ស្រុកស្វាយចេក នាំចេញលក់តាមបណ្តាខេត្តក្នុង១ថ្ងៃចេញលក់២០០ទៅ៣០០ក្បាលនោះដែលសកម្មភាពដើរដូឆ្នាំងនិងទិញតាមភូមិហើយមានចោលួចសត្វឆ្កែរឺសុនក់ជាញឹកញាប់តាមភូមិសុំជួយអន្តរាគមន៍ទប់ស្កាត់អោយបានបញ្ឈប់សកម្មភាពការធ្វើអាជីវកម្មសុនក់ដើម្បីចូលរួមថែរក្សាសត្វសុនខ(ឆ្កែ)ទុក ។
ចែករំលែកព័តមាននេះ