- ភ្នំពេញ
រាជធានីភ្នំពេញ ៖ អត្តពលិករបស់យើងជារួម គឺនៅតែបន្តធ្វើបានល្អ បើទោះបីជាពេលនេះយើងបានរបូតធ្លាក់មកលំដាប់ទី៣នៃតារាងមេដាយក៏ដោយចុះ ។ គិតត្រឹមម៉ោង ៣រសៀលថ្ងៃទី១១ ខែឧសភា ឆ្នាំ២០២៣…
រាជធានីភ្នំពេញ ៖ អត្តពលិករបស់យើងជារួម គឺនៅតែបន្តធ្វើបានល្អ បើទោះបីជាពេលនេះយើងបានរបូតធ្លាក់មកលំដាប់ទី៣នៃតារាងមេដាយក៏ដោយចុះ ។
គិតត្រឹមម៉ោង ៣រសៀលថ្ងៃទី១១ ខែឧសភា ឆ្នាំ២០២៣ នៃព្រឹត្តិការណ៍ស៊ីហ្គេមលើកទី៣២ កម្ពុជានៅលើតារាងមេដាយលំដាប់លេខ៣ ដោយទទួលបានមេដាយមាសសរុប៤៨ មេដាយ ប្រាក់៤១ មេដាយ និងសំរឹទ្ធ គឺ៤៩ មេដាយ ខណៈដែលវៀតណាមនៅលំដាប់ទី១ ជាមួយនឹងមេដាយមាស៥០ ប្រាក់៥១ និងសំរឹទ្ធ ៦៣ ហើយថៃនៅលំដាប់ទី២ ដោយមានមេដាយមាស៥០ មេដាយប្រាក់បាន៣៦មេដាយ ហើយមេដាយសំរឹទ្ធវិញ គឺបានរហូតដល់ទៅ៥២មេដាយ ។
នៅក្នុងចំណោមមេដាយដែលយើងបានទទួល គឺភាគច្រើនបំផុត គឺជាប្រភេទមេដាយបែបកីឡា ប្រយុទ្ធ និងសម្តែង ដែលរួមមានភាគច្រើនតែប្រភេទកីឡាយុទ្ធគុណចម្រុះ ដែលរួមមាន ដូចជា វូវីណាម ល្បុក្កតោ គុណខ្មែរ ជូជីតស៊ូ ហើយប្រភេទកីឡាដែលកម្ពុជាទទួលផ្សេងពីនេះដែលយើងមានសក្តានុពលដែលនោះ គឺដូចជាសីដក់ ។
ប្រភពកីឡាដែលអត្តពលិកយើងធ្វើបានល្អទាំងអស់ភាគច្រើនតាមការពិនិត្យមើលរបស់យើង គឺភាគច្រើនជាប្រភេទកីឡាដែលលេងនៅក្នុងតំបន់ភាគច្រើនដោយខ្លះបញ្ចូលដោយកម្ពុជាខ្លះដោយវៀតណាម ខ្លះដោយឥណ្ឌូនេស៊ីជាដើម ប៉ុន្តែកីឡាផ្សេងៗដែលមានប្រវត្តិយូរលង់នៅក្នុងវិស័យកីឡា ជាពិសេស គឺអូឡាំពិកតែម្តងនោះ គឺកម្ពុជានៅមិនទាន់ធ្វើបាននៅឡើយទេ ហើយមកដល់ព្រឹកថ្ងៃទី១១ ខែឧសភានេះ អត្តពលិករបស់យើងនៅមិនទាន់អាចរកមេដាយបាននឹងគេនៅឡើយ ។
កីឡាដែលកម្ពុជានៅមានសភាពទន់ខ្សោយដែលត្រូវការបំពាក់បំប៉នបន្ថែម ឬក៏បង្កើនការវិយោគឲ្យក្លាយទៅជាកីឡាដ៏មានសក្តានុពលនៅពេលអនាគតនោះ គឺដូចជា ប្រភេទកីឡា អត្តពលកម្ម កីឡានៅលើទឹក និងកីឡាកាយសម្ព័ន្ធ ។
តាមការតាមដានដែលយើងបានពិនិត្យនៅការផ្សព្វផ្សាយកន្លងមក នៅលើវិញ្ញាសារប្រកួតកីឡាទាំងប៉ុន្មាននេះកុំថា ឡើយដល់ទៅដណ្តើមមេដាយ គឺសូម្បីតែនៅចំណាត់ថ្នាក់ក្បែរនឹងអ្នកទទួលមេដាយក៏យើងនៅមិនទាន់ធ្វើបាននៅឡើយទេ ។ ឧទាហរណ៍ព្រឹត្តិការណ៍ប្រកួត កាលពីល្ងាចថ្ងៃទី០៨ ខែឧសភា កីឡាការនីរត់ចង្ងាយ៥០០០ ម៉ែត្រម្នាក់រត់ក្រោយអ្នកលេងមួយដល់ទៅជាង៦នាទី តែនាងតស៊ូរត់ក្រោមដំណក់ទឹកភ្លៀងរហូតដល់ឆ្លងទីផ្តាច់ព្រ័តក្រោយគេ ប៉ុន្តែនាងបានឈ្នះបេះដូងពីអ្នកគាំទ្រទាំងជាតិ និងអន្តរជាតិដោយសារតែការប្តេជ្ញាចិត្តរបស់នាងតស៊ូរត់រហូតដល់ទី ។
ក្រៅពីនេះនៅលើប្រភេទកីឡាខ្លះដែលយើងមិនសូវរំពឹងតែបានមេដាយមាសនឹងគេមួយៗដែរនោះ គឺដូចជាបាល់បោះ គ្រីឃិត ទ្រីយ៉ាត្លុង វាយសី បាត់ទាត់នៅលើតុ…។ សម្រាប់ព្រឹត្តិការណ៍កីឡាដែលគេបានរៀបចំតាំងពីថ្ងៃទី២៩ ខែមេសា រហូតដល់ថ្ងៃបើកនឹងឈានដល់ថ្ងៃទី១០ ខែឧសភា កន្លងទៅនេះកីឡាដែលទទួលបានចំណាប់អារម្មណ៍នឹងការគាំទ្រខ្លាំងក្លាជាងគេបំផុត គឺបាល់ទាត់ ប៉ុន្តែអត្តពលិកកម្ពុជាធ្វើមិនសូវល្អដោយឈ្នះត្រឹមតែមួយប្រកួតស្មើរមួយប្រកួតចាញ់ពីរប្រកួតចុងក្រោយ ហើយកីឡាមួយទៀត គឺកីឡាបាល់ទះដែលរីកចម្រើនមែនទែន ដោយឈានដល់ដំណាក់កាលផ្តាច់ព្រ័ត ដណ្តើម បានមេដាយប្រាក់ជូនជាតិ ។
មកដល់ពេលនេះ អត្តពលិកដែលនៅលើកំពូលតារាលើកម្ពុជា គឺវៀតណាម ដោយអត្តពលិករបស់គេអាចធ្វើបានគ្រប់ប្រភេទកីឡាទាំងអស់ ហើយថៃដែលនៅលំដាប់លេខ២ នៅលើកម្ពុជាមួយលេខ ក៏អត្តពលិករបស់គេមានជំនាញសឹងតែគ្រប់ប្រភេទកីឡា ឥណ្ឌូនេស៊ី ក៏អាចថា មានអត្តពលិកមានសមត្ថភាពចម្រុះច្រើនជាងកម្ពុជាផងដែរ ខណៈដែលសិង្ហបុរីខ្លាំងបំផុត គឺកីឡានៅលើទឹកដោយនៅក្នុងចំណោមមេដាយមាសដែលគេដណ្តើមបាន២៦ មេដាយនោះ កីឡានៅលើទឹកមានមេដាយមាសសរុប១៩ មេដាយ ហើយកីឡាករ និងកីឡាការិនីរបស់គេធ្វើបាននៅក្នុងកម្រិតមួយលឿនជាងបំផុតនៅលើប្រភេទកីឡានេះ ។
សរុបមកវិញ ប្រសិនបើកម្ពុជាចង់បន្តជំរុញឲ្យវិស័យកីឡាកាន់តែ រីកចម្រើនបន្ថែមទៀត មុខទៀតនោះ គឺសំខាន់បន្តគាំពារ និងទំនុកបម្រុងលើកកម្ពស់កីឡាដែលមានសក្តានុពលស្រាប់ កុំអោយលិចលង់ទៅវិញ ហើយបង្កើនការយកចិត្តទុកដាក់បំពាក់បំប៉នលើកទឹកចិត្ត និង ស្វះស្វែងរកអត្តពលិកដែលមានជំនាញមានទេពកោសល្យ ព្រមទាំងសមត្ថភាពនៅលើប្រភេទកីឡាដែលសឹងតែគ្មានមេដាយសម្រាប់កម្ពុជានៅពេលនេះឲ្យបានកាន់តែច្រើនថែមទៀត ៕
ចែករំលែកព័តមាននេះ