ខេត្តព្រះសីហនុ ៖ កាលពីវេលាវេលាម៉ោង០៩និង៥០នាទីព្រឹកថ្ងៃទី០៤ ឧសភា នេះ មានករណីគ្រោះអគ្គិភ័យឆាបឆេះអគារអាហារដ្ឋានឃ្វីកូរ QUEENCO PAVILION(ជាន់ផ្ទាល់ដី) ស្ថិតនៅក្រុម២៤ ភូមិ៣…
ខេត្តព្រះសីហនុ ៖ កាលពីវេលាវេលាម៉ោង០៩និង៥០នាទីព្រឹកថ្ងៃទី០៤ ឧសភា នេះ មានករណីគ្រោះអគ្គិភ័យឆាបឆេះអគារអាហារដ្ឋានឃ្វីកូរ QUEENCO PAVILION(ជាន់ផ្ទាល់ដី) ស្ថិតនៅក្រុម២៤ ភូមិ៣ សង្កាត់លេខ៣ ក្រុង/ខេត្តព្រះសីហនុ យ៉ាងសន្ធោសន្ធៅ ដែលសង្ស័យផ្តើមចេញពីឆ្លងចរន្តអគ្គិសនី(ទុស្សេខ្សែភ្លើង) ។
បន្ទាប់ពីទទួលបានព័ត៌មានភ្លាមៗ រថយន្តបង្ការនិងពន្លត់អគ្គិភ័យរបស់ទីបញ្ជាការកងរាជអាវុធហត្ថខេត្តព្រះសីហនុ និងកម្លាំងជំនាញការិយាល័យជំនួយមនុស្សធម៌ និងសង្គ្រោះគ្រោះមហន្តរាយនៃបញ្ជាការដ្ឋានកងរាជអាវុធហត្ថខេត្តព្រះសីហនុ សរុបចំនួន៣៥នាក់ ដោយប្រើប្រាស់រថយន្តពន្លត់អគ្គិភ័យចំនួន០២គ្រឿង សហការជាមួយរថយន្តបង្ការនិងពន្លត់អគ្គីភ័យនគរបាលនៃស្នងការដ្ឋាននគរបាលខេត្តព្រះសីហនុ, រថយន្តបង្ការនងពន្លត់អគ្គិភ័យ intenationalaiport, រថយន្តបង្ការ និងពន្លត់អគ្គិភ័យកងសង្គ្រោះ៧១១ និងរថយន្តបង្ការនិងពន្លត់អគ្គិភ័យកំពង់ផែស្វយ័ត ខេត្តព្រះសីហនុ និងមានការចូលរួមពីកម្លាំងសមត្ថកិច្ចចម្រុះពាក់ព័ន្ធ, អាជ្ញាធរដែនដីដឹកនាំរួមដោយលោកមីន កុម្ភៈ អភិបាលរងខេត្តព្រះសីហនុ បានចេញជួយអន្តរាគមន៍គ្រប់គ្រង បាញ់ទឹកពន្លត់ទីតាំងខាងលើភ្លាមៗ ដើម្បីពន្លត់អគ្គិភ័យដែលកំពុងតែឆាបឆេះដ៍សន្ធោរសន្ធៅមិនឲ្យឆ្លងរាលដាលបន្តទៅអាគារផ្សេងបន្ថែមទៀត ។
បើតាមការបង្ហើបឲ្យដឹងពីសមត្ថកិច្ចដែលចុះប្រតិបត្តិការបានបញ្ជាក់ឲ្យដឹងថា នៅក្នុងប្រតិបត្តិការខាងលើ ប្រើប្រាស់រថយន្តពន្លត់អគ្គិភ័យសរុបចំនួន១១គ្រឿង អស់ទឹក២៣ឡាន ។
ចំពោះការខូចខាតសម្ភារៈឆេះអគារជាន់ផ្ទាល់ដី ផ្នែកអាហារដ្ឋាន (កន្លែងចុងភៅ) និងសម្ភារៈមួយចំនួន (ឆេះខូចខាតទាំងស្រុង) មិនមានគ្រោះថ្នាក់ដល់មនុស្សទេ។ ករណីខាងលើ បានគ្រប់គ្រងនិងពន្លត់ភ្លើងបាននៅវេលាម៉ោង១១និង១០នាទីថ្ងៃដដែល ដោយមិនមានការឆេះរាលដាលបន្តឡើយ ។
ចែករំលែកព័តមាននេះ