រាជធានីភ្នំពេញ ៖ ទីបំផុត លោកស្រី អ៊ុក រ៉េតគន្ធា ចៅក្រមស៊ើបសួរ និងជាអនុប្រធានសាលាដំបូងរាជធានីភ្នំពេញ បានសម្រេចចេញដីកាឃុំខ្លួនអនុប្រធាននាយកដ្ឋានអាកាសចរស៊ីវិលដាក់ពន្ធនាគារជាបណ្តោះអាសន្ន កាលពីរសៀលថ្ងៃទី២១…
រាជធានីភ្នំពេញ ៖ ទីបំផុត លោកស្រី អ៊ុក រ៉េតគន្ធា ចៅក្រមស៊ើបសួរ និងជាអនុប្រធានសាលាដំបូងរាជធានីភ្នំពេញ បានសម្រេចចេញដីកាឃុំខ្លួនអនុប្រធាននាយកដ្ឋានអាកាសចរស៊ីវិលដាក់ពន្ធនាគារជាបណ្តោះអាសន្ន កាលពីរសៀលថ្ងៃទី២១ ខែមេសា ឆ្នាំ២០២៣ តាមការចោទប្រកាន់ចំនួន២បទល្មើស ។
ដីកាបង្គាប់ឲ្យឃុំខ្លួនរបស់ចៅក្របស៊ើបសួរបានបញ្ជាក់ថា ជនត្រូវចោទឈ្មោះ បែល វ៉ាន់ដែត ភេទ ប្រុស អាយុ៣៨ ឆ្នាំ មុខរបរជាមន្ត្រីរាជការ ស្នាក់នៅផ្ទះលេខ០៨ ផ្លូវលេខP០៤(បុរីជីបម៉ុង៥៩៨)សង្លាត់ច្រាំងចំរេះទី២ ខណ្ឌឬស្សីកែវ រាជធានីភ្នំពេញ ដាក់ឲ្យស្ថិតនៅក្រោមការពិនិត្យពីបទ.កាន់កាប់អាវុធដោយគ្មានការអនុញ្ញាត និងបទ.គំរាមកំហែងថានឹងសម្លាប់ «កាន់កាំភ្លើងខ្លីម៉ាក GLOCK និងប្រើប្រាស់កាំភ្លើងគំរាមជនរងគ្រោះ» ប្រព្រឹត្តនៅចំណុចបុរីជីបម៉ុង ៥៩៨ ផ្លូវផ្លូវលេខP០៤ ភូម២ សង្កាត់ច្រាំងចំរេះទី២ ខណ្ឌឬស្សីកែវ រាជធានីភ្នំពេញកាលពីថ្ងៃទី២៩ ខែមីនា ឆ្នាំ២០២៣ តាមបញ្ញតិមាត្រា៤៩០ និងមាត្រា២៣៣នៃក្រមព្រហ្មទណ្ឌ។
សូមជម្រាបថា លោកបែល វ៉ាន់ដែត ជាមន្ត្រីធំមួយរូបនៃរដ្ឋលេខាធិការដ្ឋានអាកាសចរស៊ីវិល ដែលបានប្រើប្រាស់អាវុធគំរាមអាយុជីវិតអ្នកដទៃ ដោយសារតែរឿងចរាចរណ៍បន្តិចបន្តួចនោះ ត្រូវបានកម្លាំងមន្ត្រីនគរបាលយុត្តិធម៌ចាប់ខ្លួនវិញ ហើយព្រឹកថ្ងៃទី២១ ខែមេសា ឆ្នាំ២០២៣ នេះ ដោយអនុវត្ត តាមដីកាបង្គាប់
ឲ្យចាប់ខ្លួន របស់ លោកអ៊ុ ក រ៉េតគន្ធា ចៅក្រមស៊ើបសួរ និងជាអនុប្រធានសាលាដំបូង រាជធានីភ្នំពេញ ។
បន្ថែមពីលើនេះ សម្តេចតេជោបានសរសេរសារលើបណ្តាញសង្គមតេឡេក្រាមផ្លូវការរបស់សម្តេចថា « បើ តុលាការមិនចាត់ការតាមផ្លូវច្បាប់ទេ ទុកឲ្យខ្ញុំដាក់វិន័យតាមផ្លូវរដ្ឋសិន» ។ សម្តេចតេជោ ហ៊ុន សែន បាន សរសេរបន្តថា « អាងមានអំណាចប្រើប្រាស់អាវុធគំរាមអ្នកទន់ខ្សោយ ។ នេះជាសារព្រមានចំពោះមន្ត្រីទាំងអស់ សូមកុំអាងអំណាចធ្វើបាប អ្នកទន់ខ្សោយ ជាពិសេស សូមកុំប្រើប្រាស់អាវុធខុសច្បាប់ » ។
ជាមួយគ្នានោះ សម្តេចតេជោ ហ៊ុន សែន ក៏បានណែនាំទៅរដ្ឋមន្ត្រីក្រសួងយុត្តិធម៌ ឯកឧត្តម កើត រិទ្ធឱ្យ
«ធ្វើការជាមួយតុលាការ សូមកុំឲ្យជនល្មើសប្រើប្រាស់អាវុធខុសច្បាប់ បាននៅក្រៅឃុំមុន ពេលកាត់ទោស ដែលជននោះអាចតាមគំរាមកំហែងដល់អ្នកផ្សេងទៀត» ៕
ចែករំលែកព័តមាននេះ