ខេត្តសៀមរាប ៖ ក្នុងន័យដើម្បីធានាបាននូវសន្តិភាព សុវត្ថិភាព និងសុខភាពរបស់ប្រជាពលរដ្ឋ និងកាត់បន្ថយនូវការរំខានដោយសំឡេងនោះ រដ្ឋបាលខេត្តចេញសេចក្តីណែនាំស្តីពីការគ្រប់គ្រង និងវិធានការទប់ស្កាត់ការរំខានដោយសំឡេង នៅក្នុងភូមិសាស្ត្រខេត្តសៀមរាប ដោយតម្រូវឱ្យម្ចាស់អាជីវកម្មរង្គសាល…
ខេត្តសៀមរាប ៖ ក្នុងន័យដើម្បីធានាបាននូវសន្តិភាព សុវត្ថិភាព និងសុខភាពរបស់ប្រជាពលរដ្ឋ និងកាត់បន្ថយនូវការរំខានដោយសំឡេងនោះ រដ្ឋបាលខេត្តចេញសេចក្តីណែនាំស្តីពីការគ្រប់គ្រង និងវិធានការទប់ស្កាត់ការរំខានដោយសំឡេង នៅក្នុងភូមិសាស្ត្រខេត្តសៀមរាប ដោយតម្រូវឱ្យម្ចាស់អាជីវកម្មរង្គសាល និងការប្រគុំតន្ត្រីត្រឹមបញ្ឈប់សំឡេងនានាត្រឹមម៉ោង១២អធ្រាត្រ។
យោងតាមសេចក្តីណែនាំស្តីពីការគ្រប់គ្រង និងវិធានការទប់ស្កាត់ការរំខានដោយសំឡេង នៅក្នុងភូមិសាស្ត្រខេត្តសៀមរាប ចុះថ្ងៃទី២០ ខែមេសា និងចុះហត្ថលេខាដោយ លោក ទៀ សីហា អភិបាលនៃគណអភិបាលខេត្តសៀមរាប បានបញ្ជាក់ថា ម្ចាស់ ឬអ្នកគ្រប់គ្រងដែលប្រកបអាជីវកម្មមណ្ឌលកម្សាន្តទេសចរណ៍មនុស្សពេញវ័យរួមមាន ៖ រង្គសាល ឌីស្កូតែក ខារ៉ាអូខេ បៀរហ្គាឌិន និងមណ្ឌលកម្សាន្តទេសចរណ៍មនុស្សពេញវ័យដទៃទៀតដែលមានឧបនិស្ស័យបម្រើឱ្យវិស័យទេសចរណ៍ ការប្រគំតន្ត្រី និងការរៀបចំកម្មវិធីនានាត្រូវអនុវត្តគោលការណ៍ដូចជា ៖ ១- អាជីវកម្មរង្គសាល ឌីស្កូតែក បៀរហ្គាឌិន ការប្រគំតន្ត្រី និងកម្មវិធីនានា ចាប់ដំណើរការពីម៉ោង១៨ ៖០០ នាទី ដល់ ២៤៖ ០០ នាទី, និងដំណើរការខារ៉ាអូខេ ចាប់ដំណើរការពីម៉ោង ១០៖០០ នាទីព្រឹក ដល់ម៉ោង២៤៖០០នាទី។
អភិបាលខេត្តសៀមរាបក៏បានបញ្ជាក់ផងដែរថា ក្នុងករណីមានបញ្ហារំខានដោយសំឡេង សូមរាយការណ៍មកប្រព័ន្ធ Hotline នៃស្នងការដ្ឋាននគរបាលខេត្តសៀមរាប តាមរយៈទូរស័ព្ទលេខ 097 7780 013៕
ចែករំលែកព័តមាននេះ