ឧកញ៉ា ទ្រី ភាព ដង្ហែកឋិនទៅកាន់វត្តព្រែកស្រុកភ្នំក្រវាញដើម្បីប្រមូលបច្ច័យចាប់ផ្ដើមកសាងសាលាឆាន់
ខេត្តពោធិ៍សាត់ ៖ បន្ទាប់ពីកសាងព្រះវិហាររួចរាល់មកនៅថ្ងៃទី១៩ ខែតុលា ឆ្នាំ២០១៧ អ្នកឧកញ៉ា ទ្រី ភាព
ខេត្តពោធិ៍សាត់ ៖ បន្ទាប់ពីកសាងព្រះវិហាររួចរាល់មកនៅថ្ងៃទី១៩ ខែតុលា ឆ្នាំ២០១៧ អ្នកឧកញ៉ា ទ្រី ភាព
ខេត្តពោធិ៍សាត់ ៖ បន្ទាប់ពីកសាងព្រះវិហាររួចរាល់មកនៅថ្ងៃទី១៩ ខែតុលា ឆ្នាំ២០១៧ អ្នកឧកញ៉ា ទ្រី ភាព ប្រធានក្រុមហ៊ុន អឹម ឌី អេស និងជាទីប្រឹក្សាផ្ទាល់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវ និងសហការីទាំងអស់បានដង្ហែបុណ្យកឋិនទានមួយទៅកាន់វត្តសេរីគង្គាសេដ្ឋារាម ហៅវត្តព្រែក ដែលស្ថិតនៅភូមិព្រែក១ ឃុំសំរោង ស្រុកភ្នំក្រវាញ ខេត្តពោធិ៍សាត់ ដើម្បីប្រមូលបច្ច័យកសាងសាលាឆាន់បន្តទៀត ។
លោក សូសាហុង អភិបាលនៃគណៈអភិបាលស្រុកភ្នំក្រវាញបានថ្លែងអំណរគុណចំពោះលោកឧកញ៉ា និងលោកជំទាវ ព្រមទាំងសហការី ដែលបានដង្ហែអង្គកឋិនទានចូលមកកាន់វត្តសេរីគង្គាសេដ្ឋារាមហៅវត្តព្រែកនេះ ។ លោកឲ្យដឹងថា កាលពីឆ្នាំ២០១៥លោកឧកញ៉ាបានដង្ហែមកម្ដងហើយប្រមូលបច្ច័យកសាងបានព្រះវិហារហើយនៅឆ្នាំ២០១៧នេះដង្ហែមកម្ដងទៀតដើម្បីប្រមូលបច្ច័យចាប់ផ្ដើមកសាងសាលាឆាន់វិញម្ដង ។ លោកអភិបាលស្រុកឲ្យដឹងថា សមិទ្ធិផលជាច្រើនរបស់លោកឧកញ៉ា ទ្រី ភាព និងលោកជំទាវបានកើតមានគ្រប់ទីកន្លែងនៅក្នុងទឹកដីស្រុកភ្នំក្រវាញក៏ដូចស្រុកវាលវែង និងស្រុកបាកាន ។
ក្នុងឱកាសនោះអ្នកឧកញ៉ាបានប្រគេនព្រះសង្ឃក្រាលគ្រងមួយអង្គ៣០០ដុល្លារ ភិក្ខុគង់ហត្ថបាស់៣អង្គ មួយអង្គ២០០ដុល្លារ និងព្រះសង្ឃនៅក្នុងវត្តចំនួន១៣អង្គមួយអង្គ១០០ដុល្លារ ។ ជួយឧបត្ថម្ភថវិកានគរបាលស្រុកភ្នំក្រវាញ២លានរៀល កងរាជអាវុធហត្ថស្រុក១លាន៥០ម៉ឺនរៀល និងប្រជាការពារ១លាន៥០ម៉ឺនរៀល ។ នៅសល់ថវិកាចំនួន៣២លានរៀលបានប្រគេនព្រះចៅអធិការទុកសម្រាប់ចាប់ផ្ដើមកសាងសាលាឆាន់ ។ ទោះយ៉ាងណាគណៈកម្មការអាចារ្យវត្តបានបញ្ជាក់ប្រាប់ថា ខាងលើនេះគ្រាន់តែជាកឋិនរបស់អ្នកឧកញ៉ាទ្រី ភាពមួយប៉ុណ្ណោះ មិនទាន់បានរាប់បញ្ចូលកឋិនទានសមាគមន៍ផ្សេងៗដែលដង្ហែចូលមកនោះទេ ៕
ចែករំលែកព័តមាននេះ