ប្រធានាធិបតីប្រេស៊ីលស្នើអ៊ុយក្រែនលះបង់គ្រីមេបញ្ចប់សង្គ្រាម
សង្គ្រាមអ៊ុយក្រែន ៖ ប្រធានាធិបតីប្រេស៊ីលលោកល្វីសអ៊ីណាស្យូលូ ឡាដាស៊ីលវ៉ា កាលពីថ្ងៃទី៦មេសាស្នើ
សង្គ្រាមអ៊ុយក្រែន ៖ ប្រធានាធិបតីប្រេស៊ីលលោកល្វីសអ៊ីណាស្យូលូ ឡាដាស៊ីលវ៉ា កាលពីថ្ងៃទី៦មេសាស្នើដល់ទីក្រុងគៀវបោះបង់តំបន់គ្រីមេឲ្យរុស្ស៊ីដើម្បីបញ្ចប់សង្គ្រាមដោយលោកវាយតម្លៃថា លោកវ៉ូឡូឌីមៀរហ្សេឡេនស្គីមិនអាចសម្រេចអ្វីគ្រប់យ៉ាងដែលលោកចង់បានឡើយ។
ពេលជួបជាមួយក្រុមអ្នកកាសែតនៅទីក្រុងប្រាស៊ីលលីយ៉ាលោកលូឡាថ្លែងថា ប្រធាធិបតីរុស្ស៊ីលោកវ្ល៉ាឌីមៀរពូទីន មិនអាចដណ្ដើមយកដែនដីអ៊ុយក្រែនឡើយ។ វាអាចដែលលោកនឹងពិភាក្សាពីតំបន់គ្រីមេ។ ប៉ុន្តែអ្វីដែលលោកពូទីនចង់លុកលុយលើសពីនេះទៀត លោកត្រូវគិតឡើងវិញ។
ប្រធានាធិបតីប្រេស៊ីលបន្តថា ពិតណាស់ប្រធានាធិបតីអ៊ុយក្រែនមិនអាចទទួលបានអ្វីគ្រប់យ៉ាងដែលលោកចង់បានឡើយ។ ពិភពលោកចង់បានភាពស្ងប់ស្ងៀម។ ដូច្នេះយើងត្រូវស្វែងរកដំណោះស្រាយមួយ។
អ៊ុយក្រែនបដិសេធរាល់ការចរចាជាមួយរុស្ស៊ី បើគ្មានការដកកងទ័ពចេញពីដែនដីខ្លួនជាមុន ក្នុងនោះមានទាំងចេញពីតំបន់គ្រីមេដែលរុស្ស៊ីបញ្ចូលជាឧបសម្ព័ន្ធកាលពីឆ្នាំ២០១៤ផង។
ប្រធានាធិបតីប្រេស៊ីលត្រូវបង្ហាញពីគម្រោងនោះ ប្រាប់ដល់សមភាគីចិនលោកស៊ី ជីនពីង នៅក្រុងប៉េកាំងនាសប្ដាហ៍ខាងមុខនេះ។ ប្រមុខរដ្ឋប្រេស៊ីលបន្តទៀតថា លោកមានជំនឿលើជោគជ័យនៃគម្រោងនោះដោយសង្ឃឹមថា ប្រទេសមួយក្រុមនឹងបង្កើតឡើង ពេលលោកវិលត្រឡប់ពីចិនវិញ៕
ចែករំលែកព័តមាននេះ