ចាប់ខ្លួនបុរសម្នាក់ប្រព្រឹត្តិបទល្មើសជាក់ស្តែងនៅចម្ការស្វាយ
- តាកែវ
កម្លាំងការិយាល័យប្រឆាំងគ្រឿងញៀ.ននៃកងរាជអាវុធហត្ថខេត្ត សហការជាមួយកម្លាំងកងរាជអាវុធហត្ថស្រុក ធ្វើការស្រាវជ្រាវ និងឃាត់ខ្លួនបុរសម្នាក់ពីបទ
កម្លាំងការិយាល័យប្រឆាំងគ្រឿងញៀ.ននៃកងរាជអាវុធហត្ថខេត្ត សហការជាមួយកម្លាំងកងរាជអាវុធហត្ថស្រុក ធ្វើការស្រាវជ្រាវ និងឃាត់ខ្លួនបុរសម្នាក់ពីបទ
ខេត្តតាកែវ ៖ កម្លាំងការិយាល័យប្រឆាំងគ្រឿងញៀ.ននៃកងរាជអាវុធហត្ថខេត្ត សហការជាមួយកម្លាំងកងរាជអាវុធហត្ថស្រុក កាលពីវេលាម៉ោងប្រមាណ២និង៣០នាទីរសៀលថ្ងៃទី៤ ខែមេសា ឆ្នាំ២០២៣កន្លងទៅ បានធ្វើការស្រាវជ្រាវ និងឃាត់ខ្លួនបុរសម្នាក់ពីបទរក្សាទុកនិងចែកចាយគ្រឿងញៀ.ន នៅចំណុចចម្ការស្វាយ ក្នុងភូមិកំពង់ជ្រៃ ឃុំស្មោង ស្រុកទ្រាំង ។
លោក ហួត បឿន នាយការិយាល័យប្រឆាំងគ្រឿងញៀននៃកងរាជអាវុធហត្ថខេត្តបានឱ្យដឹងថា ដោយទទួលបានបទបញ្ជាពីលោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធីដោយឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្ត លោកវរសេនីយ៍ឯក ង៉ែត ចាន់ធី មេបញ្ជាការរង បានដឹកនាំកងកម្លាំងចុះបង្ក្រាបករណីគ្រឿងញៀ.ន នៅចំណុចខាងលើ ។
ជាលទ្ធផល បានឃាត់ខ្លួនជនសង្ស័យ ឈ្មោះ ម៉ៅ កំសាន្ត ភេទប្រុស អាយុ៤២ឆ្នាំ មានទីលំនៅក្នុងភូមិស៊ីស្លា ឃុំធ្លាប្រជុំ ស្រុកកោះអណ្ដែតពាក់ព័ន្ធនឹងការជួញដូរ រក្សាទុក និងប្រើប្រាស់ គ្រឿងញៀ.ន ។ ជាមួយនឹងការចាប់ឃាត់ខ្លួននេះ កម្លាំងសមត្ថកិច្ចបានដកហូតវត្ថុតាងមាន ម្សៅក្រាមពណ៌សថ្លាចំនួន២កញ្ចប់ ជញ្ជីងសម្រាប់ថ្លឹងថ្នាំញៀន១(ខូច) ដាវ១ ទូរស័ព្ទ១គ្រឿង ដែកទីបច្នៃបាញ់គ្រាប់អាកា១ដើម និងគ្រាប់អាកា១គ្រាប់ សម្ភារៈចូកថ្នាំញៀ.ន១ និងថង់វេចខ្ចប់ថ្នាំញៀ.នមួយចំនួនទៀត ។
នៅចំពោះមុខសមត្ថកិច្ច ជនសង្ស័យសារភាពថា រូបគេពិតជាបានរក្សាទុក និងចែកចាយគ្រឿងញៀ.នប្រាកដមែន ។ ជនសង្ស័យរួមនឹងវត្ថុតាង ត្រូវបានកសាងសំណុំរឿងបញ្ជូនទៅសាលាដំបូងខេត្ត នៅរសៀលថ្ងៃដដែលនោះ ដើម្បីចាត់ការតាមច្បាប់ ៕
ចែករំលែកព័តមាននេះ