ផ្ទុះការភ្ញាក់ផ្អើល! គ្រូថៃសុំឆែកបង់រុំដៃកីឡាករ សូដា សូសែន ក្រោយវា.យកីឡាករប្រដាល់ខ្លួនសន្ល.ប់
- ភ្នំពេញ
រាជធានីភ្នំពេញ ៖ នៅថ្ងៃទី ២ ខែមេសា ឆ្នាំ២០២៣នេះ អ្នកប្រើប្រាស់បណ្តាញសង្គមកម្ពុជាជាច្រើន
រាជធានីភ្នំពេញ ៖ នៅថ្ងៃទី ២ ខែមេសា ឆ្នាំ២០២៣នេះ អ្នកប្រើប្រាស់បណ្តាញសង្គមកម្ពុជាជាច្រើនបានសម្តែងនូវការភ្ញាក់ផ្អើលនិងសម្តែងការហួសចិត្តជាខ្លាំង ដែលគ្រូថៃ ដែលហាក់មិនអស់ចិត្តនឹងលទ្ធផលនៃការប្រកួត បែរជាសុំឆែកបង់រុំដៃរបស់កីឡាករខ្មែរ លោក សូដា សូសែន ក្រោយកីឡាករខ្មែរបានវាយកីឡាករប្រដាល់ថៃឱ្យសន្ល.ប់ស្តូកស្តឹងលើសៃវៀនប្រដាល់។
ប្រាកដណាស់ កាលពីថ្ងៃទី ០១ ខែមេសា ឆ្នាំ ២០២៣ កន្លងទៅ គឺជាការប្រដាល់គុនខ្មែររវាងកីឡាករប្រដាល់របស់ខ្មែរ លោក សូដា សូសែន និង កីឡាករប្រដាល់របស់ថៃ លោក ណុប ក្រាក់ជីប។ អ្វីដែលគួរឱ្យកត់សម្គាល់នោះថា ក្រោយឡើងលើសង្វៀនប្រដាល់ កីឡាករកម្ពុជាបានផ្តួលកីឡាករថៃឱ្យសន្ល.ប់ ក្នុងទឹកទី ៣ ទទួលបានការសាទរយ៉ាងខ្លាំងក្លាពីអ្នកគាំទ្រកម្ពុជា។
ក៏ប៉ុន្តែអ្វីដែលធ្វើឱ្យមហាជនជាអ្នកស្នេហាវិស័យកីឡាប្រដាល់មានការភ្ញាក់ផ្អើលយ៉ាងខ្លាំងជាងនេះទៅទៀតនោះ គឺគ្រូថៃបែរជាមិនអស់ចិត្ត មកសុំឆែកមើល ក្នុងបង់រុំដៃរបស់កីឡាករកម្ពុជា ថាតើមានលាក់អ្វី ក្នុងបង់រុំដៃនោះទេដឹងបានជាដៃធ្ងន់យ៉ាងនេះវា.យកីឡាករថៃសន្ល.ប់។
តាមរយៈវីដេអូមួយដែលមានរយៈពេលជាង ២នាទី ដែលត្រូវបានបង្ហោះនិងចែកចាយយ៉ាងផុសផុលនៅលើបណ្តាញសង្គម នោះ គឺក្រោយកីឡាករខ្មែរ សូដា សូសែន បានផ្តួលកីឡាករថៃឱ្យសន្លប់ ស្រាប់តែឃើញគ្រូថៃមួយរូប បានស្នើសុំឆែកបង់រុំដៃរបស់កីឡាករ សូដា សូសែន ដោយសង្ស័យថាអាចមានលាក់របស់រឹងនៅក្នុងបង់រុំដៃរបស់លោក ដែលធ្វើឱ្យភាគីខាងកីឡាករថៃរងធ្ងន់ឈានដល់ការសន្ល.ប់បាត់ស្មារតី។
ក្នុងវីដេអូខាងលើ ខាងគ្រូថៃ បានទៅស្រាយបង់រុំដៃរបស់កីឡាករខ្មែរ មកពិនិត្យមើលដោយខំស្រាយផង យកកន្ត្រៃមកាត់បង់រុំផង ព្រោះហាក់សង្ស័យថាអាចរុំរបស់អីខុសប្រក្រតីឬអត់។ តែក្រោយពីឆែកឆេររួចរាល់ គឺថាក្នុងបង់រុំដៃទាំងសងខាងរបស់កីឡាករ សូដា សូសែន មិនមានលាក់បាំងអ្វី ឬដាក់ដុំដែក ឬរបស់រឹងអ្វីនោះទេ ពោលគឺជាសមត្ថភាពពិតៗដែលកីឡាករខ្មែរមានទម្ងន់ដៃខ្លាំងពិតៗ ៕
ចែករំលែកព័តមាននេះ