ភ្លើងឆេះព្រៃមើលទៅដូចការបំផ្លាញដោយសង្គ្រាម
សហរដ្ឋអាមេរិក ៖ ភ្លើងឆេះព្រៃយ៉ាងអាក្រក់បំផុតចាប់តាំងពីថ្ងៃទី៨ តុលា មក នៅ
សហរដ្ឋអាមេរិក ៖ ភ្លើងឆេះព្រៃយ៉ាងអាក្រក់បំផុតចាប់តាំងពីថ្ងៃទី៨ តុលា មក នៅភាគខាងជើងរដ្ឋកាលីហ្វ័រនីញ៉ា បណ្តាលឱ្យចំនួនមនុស្សស្លាប់ឡើងដល់២៣នាក់ ហើយមនុស្សជាង៥៥០នាក់បាត់ខ្លួន ។ នេះបើតាមតុល្យការប្រកាសនាយប់ថ្ងៃទី១១ តុលា ដោយពួកអ្នកជួយសង្គ្រោះ ។
សរុបព្រៃឈើទំហំជិត៦៩.០០០ហិកតា រងការបំផ្លាញដោយភ្លើងឆេះព្រៃចេញពី២២កន្លែង ។ ផ្ទះសម្បែង និងសំណង់ផ្សេងៗប្រមាណជា៣.៥០០រងការបំផ្លាញដោយអណ្តាតភ្លើងដោយទិដ្ឋភាពនៃការបំផ្លាញមើលទៅហាក់ដូចជាការបំផ្លាញដោយសង្គ្រាមមួយដូច្នេះដែរ ។
ឯមជ្ឈមណ្ឌលប្រតិបត្តិការជួយសង្គ្រោះអ្នកនាំពាក្យរបស់តំបន់ SONOMA ភាគខាងជើងក្រុងសាន់ហ្វ្រាន់ស៊ីស្កូ គូសបញ្ជាក់ថា មនុស្សជាង៥៥០នាក់បាត់ខ្លួន ។ អាជ្ញាធរស្នើដល់ប្រជាជនដែលរត់ភៀសខ្លួនចេញឱ្យប្រាប់ដំណឹងដល់គ្រួសារពួកគេផង ។ ទីក្រុង SANTA ROSA ជាទីក្រុងធំនៃតំបន់នេះស្ថិតនៅភាគខាងជើងក្រុងសាន់ហ្វ្រាន់ស៊ីស្កូរងការប៉ះពាល់ខ្លាំងដោយសង្កាត់នានាទាំងមូលត្រូវភ្លើងឆេះអស់បន្តបន្ទាប់គ្នា ។ យុវជនម្នាក់ឈ្មោះ MURPHY អាយុ២២ឆ្នាំ ជាមនុស្សម្នាក់ក្នុងចំណោមមនុស្សត្រូវជម្លៀសចេញច្រើនពាន់នាក់និយាយថា មើលទៅដូចជាតំបន់សង្គ្រាមមួយដូច្នោះដែរ ។ គេថា តំបន់ទាំងឡាយដែលគេធ្លាប់ស្គាល់ឥឡូវលែងស្គាល់ហើយ ៕
ចែករំលែកព័តមាននេះ