ខេត្តស្វាយរៀង ៖ មានរថយន្តយីឌុបធុនយក្សប្រភេទវ៉េអង ដឹកទំនិញគេចពន្ធឆ្លងដែនតាមច្រករបៀងគោកតែក និងទួលស្តីទៅប្រទេសវៀតណាមដូចគេហែកឋិន សង្ស័យជាទំនិញគេចពន្ធ ពេលអ្នកសារព័ត៌មានយើងតាមប្រមាញ់ភាគីវៀតណាមបិទច្រករបៀងមិនឲ្យនាំទំនិញចូលបង្កឲ្យកកស្ទះរថយន្តតាមព្រំដែន។ ករណីនេះបានកើតឡើងរយៈពេល៤ថ្ងៃមកហើយ បើគិតមកដល់ថ្ងៃទី១ មេសា…
ខេត្តស្វាយរៀង ៖ មានរថយន្តយីឌុបធុនយក្សប្រភេទវ៉េអង ដឹកទំនិញគេចពន្ធឆ្លងដែនតាមច្រករបៀងគោកតែក និងទួលស្តីទៅប្រទេសវៀតណាមដូចគេហែកឋិន សង្ស័យជាទំនិញគេចពន្ធ ពេលអ្នកសារព័ត៌មានយើងតាមប្រមាញ់ភាគីវៀតណាមបិទច្រករបៀងមិនឲ្យនាំទំនិញចូលបង្កឲ្យកកស្ទះរថយន្តតាមព្រំដែន។
ករណីនេះបានកើតឡើងរយៈពេល៤ថ្ងៃមកហើយ បើគិតមកដល់ថ្ងៃទី១ មេសា ២០២៣នេះ ។ បើតាមសមត្ថកិច្ចនគបាលប៉ុស្តិ៍រដ្ឋបាលឃុំចន្ទ្រាបានឲ្យដឹងថា កន្លះខែចុងក្រោយនេះមានរថយន្តយីឌុបប្រភេទវ៉េអងដឹកទំនិញពេញៗទ្រុង សង្ស័យជាទំនិញគេចពន្ធដោយម្ចាស់ទំនិញដឹកទំនិញមកតែពេលយប់លួចឆ្លងដែនទៅប្រទេសវៀតណាម តាមច្រករបៀងគោកតែក ចូលទៅប្រទេសវៀតណាមយ៉ាងរលូន ក៏ប៉ុន្តែរយៈពេល៤ថ្ងៃមកនេះ មានអ្នកសារព័ត៌មានតាមប្រមាញ់ថតរូបភាព និងឡាយត្រូវភាគីវៀតណាមបិទច្រកមិនឲ្យនាំទំនិញចូលប្រទេសវៀតណាមទេ។
ប្រភពបន្តថា មានរថយន្តខ្លះបានបើកទៅច្រករបៀងនៃប៉ុស្តិ៍ព្រំដែនចំការម្ទេស ឃុំទួលស្តី មានឈើអាកាស់ស្យា និងដើមចន្ទ័គីរី បម្រុងឆ្លងដែនទៅប្រទេសវៀតណាមនៅពេលយប់ គឺយប់ថ្ងៃទី២៩ ,៣០,៣១ មិនា និងថ្ងៃទី១ ខែមេសា ឆ្នាំ២០២៣ ក៏ប៉ុន្តែត្រូវវៀតណាមមិនឲ្យចូលដែរ។
ប្រភពដដែលបន្តទៀតថា រថយន្តធុនយក្សដឹកទំនិញលោ.តឆ័ត្រ តាមច្រករបៀងទៅប្រទេសវៀតណាមទាំងនេះ កំពុងស្វះស្វែងឲ្យសមត្ថកិច្ចវរៈការពារព្រំដែនទំនាក់ទំនងភាគីសមត្ថកិច្ចវៀតណាម ដើម្បីនាំទំនិញឆ្លងដែនទៅប្រទេសវៀតណាម ក៏ប៉ុន្តែវៀតណាមហាក់ដូចជា នៅមិនទាន់ឆ្លើយតបទេ។
ប្រភពបន្តទៀតថា ច្រករបៀងគោកតែក ស្ថិតនៅភូមិគោកតែក ស្រុកចន្ទ្រា ខេត្តស្វាយរៀង ចំណែកច្រករបៀងចំការម្ទេស គឺស្ថិតនៅភូមិដូនទៃឃុំទួលស្តីស្រុកចន្ទ្រា ។ មហាជនបានលើឡើងថា រថយន្តធុនយក្សដឹកទំនិញគេចពន្ធឆ្លងដែនទាំងនេះកំពុងបំផ្លាញផ្លូវជនបទ។
បើតាមប្រជាពលរដ្ឋដែលរស់នៅក្នុងឃុំចន្ទ្រាបានឲ្យដឹងថា មានរថយន្តយីឌុបធុនយក្សប្រភេទវ៉េអង បានចរាចរណ៍ដឹកទំនិញគេចពន្ធ មានស្ករសគ្រឿងអេឡិចត្រូនិចក្រណាត់ ខោអាវគីប ដើមអកាសស្យា និងដើមច័ន្ទគីរី និងទំនិញផ្សេងៗជាច្រើនទៀត សង្ស័យជាទំនិញគេចព័ន្ធមកផ្ទេរនៅជិតប៉ុស្តិ៍ច្រករបៀងនៃវរៈការពារព្រំដែនគោកតែក និងច្រកព្រំដែនចំការម្ទេស ឃុំទួលស្តី។
ចំណែកទំនិញជាច្រើនមុខផ្សេងទៀតគេដាក់ក្នុងទៃបិទជិតមិនអាចដឹងថា ជាទំនិញអ្វីខ្លះនិយាយថា ជាបាល់ក្រណាត់ និងសំលៀកបំពាក់គីប ។ ហើយប្រជាពលរដ្ឋបានឲ្យដឹងទៀតថា រថយន្តធុនយក្សដឹកទំនិញចំណុះ៣៥តោន ទៅ៤៥តោនមកដល់ព្រំដែនបានផ្ទេរទំនិញដាក់លើត្រាក់ទរ័ដឹកឆ្លងដែនទៅវៀតណាមយ៉ាងគគ្រឹកគគ្រេង ឮស្នូរសំឡេងម៉ាស៊ីនទ្រហឹងជារៀងរាល់យប់ ដោយគ្មានរំខានដល់សមត្ថកិច្ចណាឡើយ។
មហាជនបានលើកឡើងទៀតថា រថយន្តដឹកទំនិញធុនយក្សប្រភេទវ៉េអងទាំងនេះបានចរាចរណ៍បំផ្លាញផ្លូវលំជនបទស្រុតខូចជាបណ្ដើរៗហើយសូមលោកអភិបាលខេត្តមេត្តាចុះពិនិត្យមើលផង បើគ្មានវិធានការទប់ស្កាត់ទេផ្លូវលំជនបទ និងត្រូវស្រុតខូចអស់ជាមិនខាន។
ប្រជាពលរដ្ឋបានលើកឡើងទៀតថា រថយន្តធុនយក្សដឹកទំនិញបើកបរបំផ្លាញផ្លូវរាល់ថ្ងៃហើយបង្កហុយធូលីដីចូលផ្ទះធ្វើឲ្យប៉ះពាល់ដល់សុខភាពកូនចៅពួកគាត់ដែលរស់នៅតាមបណ្តោយផ្លូវនេះ ។ ប្រជាពលរដ្ឋមានការសង្ស័យទៀតថា រថយន្តដឹកទំនិញជាទំនិញគេចពន្ធ ដោយគ្មានការបង់ពន្ធចូលរដ្ឋទេទើបផ្ទេរដឹកតាមត្រាក់ទ័រនៅពេលយប់ ឆ្លងដែនតាមច្រករបៀងគោកតែកទៅប្រទេសវៀតណាម។
ប្រជាពលរដ្ឋបានសំណូមពរទៅអាជ្ញាធរមានសមត្ថកិច្ចទប់ស្កាត់កុំឲ្យមន្ត្រីប៉ុស្តិ៍ការពារព្រំដែនគោកតែក បើកផ្លូវឲ្យឈ្មួញដឹកទំនិញគ្រប់ប្រភេទចេញទៅប្រទេសវៀតណាមនៅពេលយប់ពីព្រោះត្រាក់ទ័របានបញ្ចេញសំឡេងរំខានដល់ពួកគាត់ក្នុងការសម្រាកនៅពេលយប់។
ទាក់ទិនករណីនេះដែរ អ្នកសារព័ត៌មានយើងមិនអាចរកការបំភ្លឺពីលោក មេប៉ុស្តិ៍វរការពារព្រំដែនគោកតែកបានទេ រហូតមកដល់វេលាម៉ោង២និង៣០នាទីរសៀល នាថ្ងៃទី០១ មេសា ឆ្នាំ២០២៣នេះ ។ ចំណែកលោកវរៈសេនីយ៍ឯកយ៉ន សុផល នាយនគបាលវរៈការពារព្រំដែនលេខ៦០៩ នៃស្នងការដ្ឋាននគបាលខេត្តស្វាយរៀងទូរស័ព្ទចូលលោកឆ្លើយថាជាប់ប្រជុំ៕
ចែករំលែកព័តមាននេះ