ម្ចាស់មេដាយកីឡាកាយវប្បកម្មទទួលការដង្ហែដោយក្បូនម៉ូតូធំ12គ្រឿងយ៉ាងអធិកអធម
រាជធានីភ្នំពេញ ៖ ក្រុមប្រតិភូនិងអត្តពលិកកីឡាកាយវប្បកម្មកម្ពុជា បានត្រឡប់មកដល់មាតុភូមិវិញហើយកាលពីរសៀលថ្ងៃទី១១ តុលា ម្សិលមិញនេះ ក្រោយ
រាជធានីភ្នំពេញ ៖ ក្រុមប្រតិភូនិងអត្តពលិកកីឡាកាយវប្បកម្មកម្ពុជា បានត្រឡប់មកដល់មាតុភូមិវិញហើយកាលពីរសៀលថ្ងៃទី១១ តុលា ម្សិលមិញនេះ ក្រោយទទួលបានជោគជ័យយ៉ាងត្រចះត្រចង់ក្នុងការប្រកួតកីឡាកាយវប្បកម្មជ្រើសរើសជើងឯកពិភពលោក លើកទី៩ នៅទីក្រុង Ulan Bator ប្រទេសម៉ុងហ្គោលី កាលពីពេលថ្មីៗកន្លងទៅ ដោយដណ្ដើមបានមេដាយមាស១(កីឡាករ សំបូរ ណាន)មេដាយប្រាក់១(កីឡាករ តឹក ប៊ុនវី) និងមេដាយសំរឹទ្ធ១(កីឡាករ ណុំ សុបិន្ដ)។
នៅអាកាសយានដ្ឋានអន្តរជាតិភ្នំពេញក្រុមប្រតិភូនិងអត្តពលិកកីឡាកាយវប្បកម្មកម្ពុជាត្រូវបានទទួលស្វាគមន៍យ៉ាងកក់ក្ដៅពីប្រមុខថ្នាក់ដឹកនាំស្ថាប័នកីឡាកំពូលៗរបស់
កម្ពុជារួមមានលោក ថោង ខុន រដ្ឋមន្ដ្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា(NOCC) លោក ប៊ូ ជុំសេរី អនុរដ្ឋលេខាក្រសួងអប់រំ យុវជន និងកីឡា និងមន្ដ្រីពាក់ព័ន្ធជាច្រើនរូបទៀត ដើម្បីលើកទឹកចិត្តចំពោះការខិតខំប្រឹងប្រែងរបស់អត្តពលិកកម្ពុជា ស្របតាមអនុសាសន៍ណែនាំដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា។
បន្ទាប់មក ក្រុមប្រតិភូ និងអត្តពលិកកីឡាកាយវប្បកម្មកម្ពុជាដែលជាម្ចាស់មេដាយពិភពលោកទាំង៣រូបបានឡើងជិះរថយន្ដដែលរង់ចាំដង្ហែអមដោយម៉ូតូធំចំនួន១២គ្រឿងនិងរថយន្តជាច្រើនគ្រឿងទៀតធ្វើដំណើរកាត់តាមមហាវិថីធំៗមួយចំនួនតាមការគ្រោងទុកក្រោមសំឡេងទះដៃនិងស្រែកហ៊ោអបអរយ៉ាងកងរំពងពីសំណាក់ប្រជាពលរដ្ឋឆ្ពោះទៅកាន់ទីស្នាក់ការគណៈកម្មាធិការជាតិអូឡាំពិកកម្ពុជា ។
សូមបញ្ជាក់ថា នេះជាលើកទី១ក្នុងប្រវត្តិសាស្ត្រសម្រាប់កីឡាកាយវប្បកម្មកម្ពុជា ដែលឈ្នះមេដាយកម្រិតពិភពលោក ក្រោយពេលកីឡាប៉េតង់ និងកីឡាវ៉ូវីណាម ក៏ធ្លាប់ឈ្នះមេដាយពិភពលោកនេះដូចគ្នានាពេលថ្មីៗកន្លងទៅនេះ ៕
ចែករំលែកព័តមាននេះ