ក្មេងទំនើង៤នាក់ ក្នុងចំណោម៦នាក់ ត្រូវចាប់ខ្លួន ក្រោយធ្វើសកម្មភាពកា.ប់ម៉ូតូយុវជនម្នាក់
- ព្រៃវែង
ខេត្តព្រៃវែង ៖ ក្រុមក្មេងទំនើងមួយក្រុម មានគ្នា6នាក់ ប្រដាប់ដោយដា.វសាំម៉ូរ៉ៃចំនួន3ដើម បាន
ខេត្តព្រៃវែង ៖ ក្រុមក្មេងទំនើងមួយក្រុម មានគ្នា6នាក់ ប្រដាប់ដោយដា.វសាំម៉ូរ៉ៃចំនួន3ដើម បាន
ខេត្តព្រៃវែង ៖ ក្រុមក្មេងទំនើងមួយក្រុម មានគ្នា6នាក់ ប្រដាប់ដោយដា.វសាំម៉ូរ៉ៃចំនួន3ដើម បានធ្វើសកម្មភាពកា.ប់កម្ទេចម៉ូតូមួយគ្រឿង ខណៈដែលយុវជនម្នាក់ជិះទៅទុកនៅមុខហាងកាហ្វេ ហើយចូលទៅផឹកកាហ្វេបាត់ ត្រូវសមត្ថកិច្ចចាប់ឃាត់ខ្លួនបាន៤នាក់ និងកំពុងតាមស្វែងរកចាប់ខ្លួនបក្ខពួកចំនួន២នាក់ទៀត ។
ហេតុការណ៍ក្រុមក្មេងទំនើងចេញអុកឡុកខាងលើនេះ បានកើតឡើងកាលពីវេលាម៉ោង5និង20នាទីល្ងាច ថ្ងៃទី29មិនា នៅចំណុចមុខហាងកាហ្វេ ទល់មុខវិទ្យាល័យរស្មីសាមគ្គី ដែលស្ថិតក្នុងឃុំស្វាយភ្លោះ ស្រុកពាមជរ ខេត្តព្រៃវែង។
ម៉ូតូដែលត្រូវក្រុមក្មេងទំនើងកា.ប់បំផ្លាញនោះ ម៉ាកឌ្រីមសង់ ធុនសេ125 ពណ៍ខ្មៅ ពាក់ស្លាកលេខ ព្រៃវែង 1E 0455 មានម្ចាស់ឈ្មោះ អ៊ីម ចឺប ភេទប្រុស អាយុ16ឆ្នាំ មានទីលំនៅក្នុងភូមិកើតហេតុ។
យោងតាមសាក្សីដែលបានឃើញហេតុការណ៍ បានអោយដឹងថា តាមពិតក្រុមក្មេងទំនើងទាំងនោះ ចង់វា.យធ្វើបាបយុវជនរងគ្រោះជាម្ចាស់ម៉ូតូនោះទេ ប៉ុន្តែដោយយុវជននោះចូលក្នុងហាងកាហ្វេផុត ក្រុមក្មេងទំនើងមិនហ៊ានចូលវា.យក្នុងហាង ដោយសារក្នុងហាងកាហ្វេមានមនុស្សច្រើន ទើបពួកគេនាំគ្នាកា.ប់កម្ទេចម៉ូតូយុវជននោះជំនួសវិញ ដើម្បីទុកជាការព្រមាន ដែលទំនងជាភាគីទាំង2 ធ្លាប់មានទំនាស់ ឬកុងគ្នាពីណាមកមិនដឹង។
ទោះជាយ៉ាងណាក៏ដោយ សមត្ថកិច្ចបានអោយដឹងថា ក្រោយពីក្រុមក្មេងទំនើងទាំងនោះ វា.យនិងកាប់ម៉ូតូយុវជន អ៊ីម ចឺប អស់ចិត្តហើយ ពួកគេក៏នាំគ្នាជិះម៉ូតូ3គ្រឿង រត់គេចខ្លួនបាត់អស់ទៅ ហើយម្ចាស់ម៉ូតូនិងមិត្តភក្តិ ក៏នាំគ្នាទៅដាក់ពាក្យនៅប៉ុស្តិ៍រដ្ឋបាលភ្លាម ហើយសមត្ថកិច្ចក៏បានចេញអន្តរាគមន៍ រហូតចាប់ខ្លួនក្រុមក្មេងទំនើងបាន2នាក់ ក្នុងនោះម្នាក់ឈ្មោះ រឿន ប៊ុនលាភ ភេទប្រុស អាយុ16ឆ្នាំ មានទីលំនៅក្នុងភូមិ5 ឃុំព្រែកខ្សាយ(ខ) ស្រុកពាមរក៍ និងម្នាក់ទៀតឈ្មោះ ឈុំ ផានិត ភេទប្រុស អាយុ15ឆ្នាំ រស់នៅភូមិឧត្តុង្គ ឃុំព្រែកក្របៅ ស្រុកពាមជរ។
ដោយឡែក ក្មេងទំនើងចំនួន2នាក់ទៀត ត្រូវឃាត់ខ្លួននៅរសៀលថ្ងៃទី30 មិនា នេះ ក្នុងនោះម្នាក់ឈ្មោះណន ចាន់ដារ៉ា ភេទប្រុស អាយុ១៩ឆ្នាំ រស់នៅភូមអ្នកលឿង ឃុំអ្នកលឿង ស្រុកពាមរក៍ ខេត្តព្រៃវែង និងម្នាក់ទៀតឈ្មោះឯម រ៉ូ ភេទប្រុស អាយុ ២១ឆ្នាំ រស់នៅភូមិ៥ ឃុំព្រែកខ្សាយខ ស្រុកពាមរក៍ ខេត្តព្រៃវែង ។
បច្ចុប្បន្ន សមត្ថកិច្ចបានបញ្ជូនជនសង្ស័យទាំង4 និងកសាងសំណុំរឿងបញ្ជូនទៅសាលាដំបូង ដើម្បីចាត់ការតាមផ្លូវច្បាប់ ហើយសមត្ថកិច្ចកំពុងស្រាវជ្រាវតាមរកបក្សពួកគេដែលរត់គេចខ្លួនបន្ថែមទៀត ដើម្បីយកមកចាត់ការតាមច្បាប់នៅពេលក្រោយទៀត ៕
ចែករំលែកព័តមាននេះ