អ្នកប្រដាល់អ៊ុយក្រែនម្ចាស់ដាយមាស ពលីជីវិតក្នុងសមរភូមិប្រយុទ្ធនឹងទាហានរុស្ស៊ី
អ៊ុយក្រែន ៖ កីឡាករប្រដាល់សកលឆ្នើមម្ចាស់មេដាយមាសរបស់ប្រទេសអ៊ុយក្រែន Maksym
អ៊ុយក្រែន ៖ កីឡាករប្រដាល់សកលឆ្នើមម្ចាស់មេដាយមាសរបស់ប្រទេសអ៊ុយក្រែន Maksym
អ៊ុយក្រែន ៖ កីឡាករប្រដាល់សកលឆ្នើមម្ចាស់មេដាយមាសរបស់ប្រទេសអ៊ុយក្រែន Maksym Galinichev អាយុ២២ឆ្នាំ ត្រូវបានប្រកាសថា ស្លា.ប់បាត់បង់ជីវិតនៅក្នុងសមរភូមិប្រយុទ្ធនឹងទាហានរុស្ស៊ី។ នេះបើយោងតាមប្រភពពី talkSPORT ចេញផ្សាយកាលពីថ្ងៃទី២៨ ខែមីនា ឆ្នាំ២០២៣។
អត្តពលិកវ័យក្មេង ដែលមានទេពកោសល្យបានចូលរួមផ្នែកមួយនៃកងពលតូចអាកាស Sycheslav ទី២៥របស់អ៊ុយក្រែន ដែលប្រយុទ្ធនៅក្នុងតំបន់ Luhansk ជាកន្លែងដែលកីឡាកររូបនេះ បានបាត់បង់ជីវិតយ៉ាងអាណោចអាធ័មជាទីបំផុត។
ក្នុងនាមជាអ្នកប្រដាល់សកលឆ្នើមរបស់អ៊ុយក្រែន Galinichev សម្រេចបានសមិទ្ធផលដ៏សំខាន់ៗជូនជាតិដោយបានឈ្នះមេដាយមាស២គ្រឿងពីការប្រកួតជើងឯកយុវជនអឺរ៉ុបក្នុងឆ្នាំ២០១៧ និង២០១៨ ។ កីឡាករវ័យក្មេងរូបនេះ ក៏បាននាំយកមេដាយប្រាក់ត្រឡប់មកប្រទេសអ៊ុយក្រែនវិញពីព្រឹត្តិការណ៍កីឡាអូឡាំពិកយុវជនឆ្នាំ២០១៨ នៅប្រទេសអាហ្សង់ទីន ដែលជាកន្លែងរូបគេបានប្រកួតក្នុងប្រភេទទម្ងន់ក្រោម៥៦គីឡូក្រាម។ Galinichev អាចមានវត្តមានចូលរួមការប្រកួតប្រដាល់ជើងឯកទ្វីបអឺរ៉ុប នៅប្រទេសអាមេនីកាលពីឆ្នាំមុន ប៉ុន្តែជំនួសមកវិញ រូបគេបានបដិសេធ ដោយស្ម័គ្រចិត្តចូលបម្រើកងទ័ពដើម្បីការពារប្រទេសពីការឈ្លានពានរបស់រុស្ស៊ី។
លោក Anton Gerashchenko ទីប្រឹក្សារដ្ឋាភិបាលអ៊ុយក្រែន បានទម្លាយព័ត៌មាននៃការស្លាប់របស់ Galinichev នៅលើប្រព័ន្ធផ្សព្វផ្សាយសង្គមដោយបានលើកឡើងថា «Maksym Galinichev អាយុ២២ឆ្នាំ ដែលជាជើងឯកប្រដាល់យុវជនអឺរ៉ុបបានស្លា.ប់ដោយសារការពារអ៊ុយក្រែននៅក្នុងតំបន់ Luhansk។ Maksym បានចុះឈ្មោះជាអ្នកស្ម័គ្រចិត្ដ ហើយបានត្រឡប់ពីសមរភូមិជួរមុខចំនួន២ដង បន្ទាប់ពីរងរបួស។ គ្រប់គ្នានឹងចងចាំចំពោះការពលីរបស់វីរៈបុរសវ័យក្មេងរូបនេះ។
គួរបញ្ជាក់ជូនថា Maksym Galinichev មិនមែនជាអ្នកប្រដាល់អ៊ុយក្រែនតែម្នាក់គត់ ដែលស្ម័គ្រចិត្តចូលបម្រើកងទ័ព ដើម្បីការការពារប្រទេសពីការឈ្លានពានរបស់រុស្ស៊ីនោះទេ ខណៈដែលអតីតម្ចាស់ជើងឯកពិភពលោកទម្ងន់ធ្ងន់ Wladimir Klitschko ក៏បានចូលរួមជាមួយកងកម្លាំងប្រដាប់អាវុធអ៊ុយក្រែនជាអ្នកបម្រុង នៅក្នុងកងពលតូចការពារទឹកដី ភ្លាមៗបន្ទាប់ពីសង្គ្រាមបានចាប់ផ្តើម។
ស្របពេលដែលម្ចាស់ជើងឯកទម្ងន់ធ្ងន់ពិភពលោក Oleksandr Usyk ក៏បានត្រឡប់មកផ្ទះវិញផងដែរ បន្ទាប់ពីការប្រកាសចូលរួមនៅក្នុងសង្គ្រាម និងបានចុះឈ្មោះជាមួយកងកម្លាំងការពារទឹកដីប្រចាំទីក្រុងគៀវ៕
ចែករំលែកព័តមាននេះ