ADផ្ទាំងផ្សព្វផ្សាយពាណិជ្ជកម្ម

Picture
  • ភ្នំពេញ

រាជធានី​ភ្នំពេញ ៖ រាជធានី​ភ្នំពេញ​ដែល​ជា​បណ្តុំ​នៃ​ពលរដ្ឋ​សរុប​ទាំង​អ្នក​រស់នៅ​អចិន្ត្រៃយ និង​អន្តោប្រវេសន៍​ប្រមាណ​ជា​៣​លាន​នាក់​កំពុង​តែ​ប្រឈម​មុខ​ខ្វះខាត​ទឹក​ប្រើប្រាស់​ធ្ងន់ធ្ងរ ជា​ពិសេស គឺ​បណ្តា​សង្កាត់​នៅ​ជាយ​រាជធានី ។ ដូច្នេះ​សង្ឃឹមថា អ្នក​ដែល​ពាក់ព័ន្ធ​នឹង​បន្ត​ដោះស្រាយ​បញ្ហា​ជូន​ពលរដ្ឋ​អោយរ​លូន​។ កង្វះ​ទឹក​ស្អាត​ប្រើប្រាស់​នៅ​រាជធានី​ភ្នំពេញ​វា​មិនមែន​ជា​រឿង​ថ្មី​នោះ​ទេ…

រាជធានី​ភ្នំពេញ ៖ រាជធានី​ភ្នំពេញ​ដែល​ជា​បណ្តុំ​នៃ​ពលរដ្ឋ​សរុប​ទាំង​អ្នក​រស់នៅ​អចិន្ត្រៃយ និង​អន្តោប្រវេសន៍​ប្រមាណ​ជា​៣​លាន​នាក់​កំពុង​តែ​ប្រឈម​មុខ​ខ្វះខាត​ទឹក​ប្រើប្រាស់​ធ្ងន់ធ្ងរ ជា​ពិសេស គឺ​បណ្តា​សង្កាត់​នៅ​ជាយ​រាជធានី ។ ដូច្នេះ​សង្ឃឹមថា អ្នក​ដែល​ពាក់ព័ន្ធ​នឹង​បន្ត​ដោះស្រាយ​បញ្ហា​ជូន​ពលរដ្ឋ​អោយរ​លូន​។

កង្វះ​ទឹក​ស្អាត​ប្រើប្រាស់​នៅ​រាជធានី​ភ្នំពេញ​វា​មិនមែន​ជា​រឿង​ថ្មី​នោះ​ទេ វា​បាន​កើត​មាន​ឡើងជា​បន្តបន្ទាប់​ប្រមាណ​ជា​២​ទៅ​៣​ឆ្នាំ​ចុង​ក្រោយ​នេះ​ជាប់​ៗ​គ្នា ហើយ​កង្វះ​ខ្លាំង​បំផុត គឺ​នៅ​ក្នុង​រង្វង់​ខែ​ក្តៅ​ពី​ខែមីនា ដល់​ខែឧសភា ដូច្នេះ​យើង​សង្ឃឹមថា អ្នក​ដែល​ពាក់ព័ន្ធ​នឹង​ខិតខំ​ដោះស្រាយ​បញ្ហា​នេះ​មិន​អោយ​បញ្ហា​វា​អូស​បន្លាយ​ទៅ​យូ​ឆ្នាំ​បន្ថែម​ទៀត​។

បាតុភាព​ដែល​កំពុង​តែ​ប្រឈម​មុខ​នឹង​កង្វះខាត​ទឹក​ប្រើប្រាស់​នេះ គឺ​កើត​មាននៅ​ក្នុង​សង្កាត់​ជា​ច្រើន​នៅ​ជាយ​រាជធានី ខណៈ​ដែល​រដ្ឋាករទឹក​ស្វ័​យ​ត​រាជធានី​ភ្នំពេញ​ជូនដំណឹង​តែ​សង្កាត់ ដែល​មាន​សម្ពាធ​ទឹក​ខ្សោយ​ប៉ុណ្ណោះ ខណៈ​ដែល​ធាតុ​ពិត​សង្កាត់​ខ្លះ គឺ​មិន​ចេញ​តែ​ម្តង​ហើយ​នៅ​ពេល​នេះ​អាជ្ញាធរ និង​អ្នក​ដែល​ពាក់ព័ន្ធ​កំពុង​តែ​ដឹក​ទឹក​ចែកចាយ​ជូន​ពលរដ្ឋ​។

ជុំវិញ​បញ្ហា​នេះ រដ្ឋាករទឹក​ស្វ័​យ​ត​រាជធានី​ភ្នំពេញ​ទទួលស្គាល់​ថា ទឹក​ស្អាត​ពិតជា​ខ្វះខាត​មែន​ពីព្រោះ​នៅ​ពេល​បច្ចុប្បន្ន​នេះ​ខ្លួន​អាច​មាន​សមត្ថភាព​ផលិត​ទឹក​ស្អាត ដើម្បី​ផ្គត់ផ្គង់​ជូន​ពលរដ្ឋ នៅ​ក្នុង​រាជធានី​នេះ គឺ​ត្រឹមតែ​៦៤​ម៉ឺន​ម៉ែត្រគូប​ប៉ុណ្ណោះ​នៅ​ក្នុង​មួយ​ថ្ងៃ ខណៈ​ដែល​តម្រូវការ​វិញ គឺ​ឡើង​រហូត​ដល់​៨៩ ម៉ឺន​ម៉ែត្រគូប​នៅ​ក្នុង​មួយ​ថ្ងៃ​។

នៅ​ក្នុង​ស្ថានភាព​បែប​នេះ រាជធានី​ភ្នំពេញ​ទាំងមូល​នៅ​ខ្វះ​ទឹក​ស្អាត​ប្រមាណ​ជា ២៥​ម៉ឺន​ម៉ែត្រគូប​ឯណោះ ប៉ុន្តែ​ទោះបីជា​យ៉ាងណា​ក៏​នៅ​ពេល​នេះ រដ្ឋ​ករ​ទឹក​ស្វយ័ត​រាជធានី​ភ្នំពេញ​កំពុង​តែ​ពង្រីក​ផលិតកម្ម​របស់​ខ្លួន​បន្ថែម​៤០​ម៉ឺន​ម៉ែត្រគូប និង​បំពង់​ចែក​ទឹក​ថ្មី​ជិត​១.០០០​គីឡូម៉ែត្រ​ទៀត ដូច្នេះ​នៅ​ដើមខែ​ឧសភា ឆ្នាំ​២០២៣​នេះ រោងចក្រ​ផលិត​ទឹក​ស្អាត​ថ្មី​អាច​នឹង​ផលិត និង​ចែកចាយ​ទឹកបាន​បន្ថែម​២០​ម៉ឺន​ម៉ែត្រគូប​បន្ថែម ហើយ​២០​ម៉ឺន​ទៀត​នឹង​អាច​រួចរាល់ នៅ​ដើមឆ្នាំ​២០២៤​ខាង​មុខ​។

រដ្ឋាករទឹក​ស្វ័​យ​ត​រាជធានី​ភ្នំពេញ​បាន​បញ្ជាក់​យ៉ាង​ច្បាស់​ថា ចាប់ពី​ឆ្នាំ​២០២៤ ទៅ​សមត្ថភាព​ផលិត​ទឹក​ស្អាត នៅ​រាជធានី​អាច​នឹង​ទទួល​បាន​បរិមាណ​ប្រមាណ​ជា​១​លាន​ម៉ែត្រគូប​នៅ​ក្នុង​មួយ​ថ្ងៃ ដូច្នេះ​បញ្ហា​នេះ​ប្រាកដជា​អាច​នឹង​ដោះស្រាយ​បាន​។ផ្អែក​តាម​ការ​ជូនដំណឹង​នេះ យើង​នឹង​រង់ចាំ​មើល​ថា តើ​បញ្ហា​វា​ពិត​ដូច​ជា ការ​អះអាង ឬ​យ៉ាងណា​។ ខែ​នេះ គឺជា​ខែ​ក្តៅ ពលរដ្ឋ​ត្រូវការ​ណាស់​ទឹក និង​ភ្លើង​ដើម្បី​បំពេញតម្រូវការ​ជីវភាព ប៉ុន្តែ​នៅ​ក្នុង​ស្ថានភាព​បែប​នេះ​មាន​តែ​បន្ត​តស៊ូ​រង់ចាំ​មើល​ចំណាត់ការ​នៅ​ពេល​អនាគត​។

យើង​ដឹង​ថា បញ្ហា​កង្វះខាត​ទឹក​នេះ​មិនមែន​ជា​បញ្ហា​ដោះស្រាយ​មួយ​ថ្ងៃ​ពីរ​បាន​នោះ​ទេ ប៉ុន្តែ​បញ្ហា​ដែល​ពលរដ្ឋ​ថ្នាំងថ្នាក់​ខ្លាំង​នោះ គឺ​រដ្ឋាករទឹក​ស្វយ័ត​រាជធានី​ភ្នំពេញ​មិន​ព្រម​ជូនដំណឹង​មុន​។​រដ្ឋាករទឹក​ស្វ័​យ​ត​រាជធានី​ភ្នំពេញ ទុក​ទាល់តែ​ពលរដ្ឋ​ប្រតិកម្ម​បាន​ចេញ​ការ​បំភ្លឺ​។ នៅ​ក្នុង​ស្ថានភាព​បែប​នេះ រដ្ឋាករទឹក​ស្វយ័ត​រាជធានី​ភ្នំពេញ គួរតែ​ចេញ​ការ​ជូនដំណឹង​ឲ្យ​បាន​ទុកជា​មុន យ៉ាង​ហោច​ណាស់​ក៏​មួ​យស​ប្តា​ហ៍​មុន​ដែរ ដើម្បី​ឲ្យ​ពលរដ្ឋ​ត្រៀម​សម្ភារៈ និង​ឧបករណ៍​សម្រាប់​រក្សា​និង​ស្តុក​ទឹក​ទុក​ប្រើប្រាស់​ឬ​លៃលក​ដោះស្រាយ​បញ្ហា​ចាំបាច់​។

ម្យ៉ាងវិញទៀត ដោយសារ​តែ​បញ្ហា​ទឹក​នេះ​វា​មិន​ងាយ​នឹង​ដោះស្រាយ​ចេញ យើង​គិត​ថា ការ​វិនិយោគ​នៅ​លើ​បញ្ហា​ទឹក​ស្អាត​នេះ គួរតែ​បន្ត​ទៅ​មុខ​បន្ថែម​ទៀត​ពីព្រោះ​ទៅ​ថ្ងៃ​មុខ បើ​ទីក្រុង​នៅ​តែ​បន្ត​រីក​ពី​មួយ​ថ្ងៃ​ទៅ​មួយ​ថ្ងៃ សំណង់​បន្ត​សាងសង់​មិន​ចេះ​ឈប់​មិន​ចេះ​ហើយ បំ​លាស់​ទី​ពលរដ្ឋ​ពី​ជនបទ​មក​រាជធានី​កាន់តែ​ច្រើន កុំ​ថា​វិនិយោគ​បន្ថែម​ត្រឹម​៤០​ម៉ឺន​ម៉ែត្រគូប ការ​វិនិយោគ​៥០​ម៉ឺន ម៉ែត្ រគូបនៅ​ក្នុង​មួយ​ថ្ងៃ​ទៀត​ក៏​ប្រហែលជា​នៅ​តែ​មិន​គ្រប់គ្រាន់​ដដែល ដូច្នេះ សូម​ត្រៀម​ទុកជា​មុន ដើម្បី​កុំអោយ​រាជធានី​ជួប​បញ្ហា​ដដែល​ៗ​ពី​មួយ​ឆ្នាំទៅ​មួយ​ឆ្នាំ​មិន​ចេះ​ចប់​បែប​នេះ​៕​ដោយៈ ហេង ចេស្តារ

អត្ថបទសរសេរ ដោយ

កែសម្រួលដោយ