Apple ព្រមានបណ្តេញបុគ្គលិកដែលមិនមកធ្វើការនៅការិយាល័យ ៣ថ្ងៃក្នុងមួយសប្តាហ៍
(អាមេរិក)៖ យោងតាមការចុះផ្សាយរបស់ Business Insider នៅក្នុងការប្រកាសកាលពីថ្ងៃទី២២ ខែមីនា នាយកគ្រប់គ្រង Platformer កញ្ញា Zoë…
(អាមេរិក)៖ យោងតាមការចុះផ្សាយរបស់ Business Insider នៅក្នុងការប្រកាសកាលពីថ្ងៃទី២២ ខែមីនា នាយកគ្រប់គ្រង Platformer កញ្ញា Zoë…
(អាមេរិក)៖ យោងតាមការចុះផ្សាយរបស់ Business Insider នៅក្នុងការប្រកាសកាលពីថ្ងៃទី២២ ខែមីនា នាយកគ្រប់គ្រង Platformer កញ្ញា Zoë Schiffer បាននិយាយថា Apple បានគំរាមចាត់វិធានការលើបុគ្គលិកដែលមិនបង្ហាញមុខយ៉ាងហោចណាស់ ៣ថ្ងៃក្នុងមួយសប្តាហ៍។
ប្រភពបានឱ្យដឹងថា «ក្រុមហ៊ុន Apple កំពុងត្រួតពិនិត្យវត្តមានរបស់បុគ្គលិក ហើយនឹងចេញការព្រមានបន្ថែមសម្រាប់អ្នកដែលមិនបង្ហាញខ្លួនទៅកាន់ការិយាល័យបីដងក្នុងមួយសប្តាហ៍»។ ទោះជាយ៉ាងណា Apple មិនបានឆ្លើយតបនឹង សំណើសុំការអត្ថាធិប្បាយរបស់ Business Insider ទេ។
ចាប់តាំងពីថ្ងៃទី៥ ខែកញ្ញា ឆ្នាំ២០២២ មក ក្រុមហ៊ុន Apple បានស្នើឱ្យបុគ្គលិកទាំងអស់ធ្វើការនៅការិយាល័យ ៣ថ្ងៃក្នុងមួយសប្តាហ៍ រួមទាំងថ្ងៃអង្គារ ថ្ងៃព្រហស្បតិ៍ និងថ្ងៃណាមួយផ្សេងទៀតនៃសប្តាហ៍ដែលបុគ្គលិកអាចជ្រើសរើសបាន។
នៅខែមីនា ឆ្នាំ២០២២ នាយកប្រតិបត្តិ Tim Cook បានផ្ញើអនុស្សរណៈមួយប្រាប់និយោជិតថា ក្រុមហ៊ុននឹងចាប់ផ្តើមអនុវត្តផែនការធ្វើការជាគំរូកូនកាត់ (រួមបញ្ចូលគ្នារវាងការងារនៅផ្ទះ WFH និងធ្វើការនៅការិយាល័យ) ប៉ុន្តែបុគ្គលិកជាច្រើននាក់បានសម្តែងការតវ៉ាយ៉ាងខ្លាំងក្លា។
Apple គឺជាក្រុមហ៊ុនបច្ចេកវិទ្យាយក្សដ៏កម្រ ដែលមិនទាន់បានកាត់បន្ថយបុគ្គលិកជាផ្លូវការនៅឡើយទេ ដោយសារតែមានការជួលតិចជាង Google, Amazon, Microsoft ឬ Meta ក្នុងអំឡុងពេលជំងឺរាតត្បាត។ ទោះជាយ៉ាងណាក៏ដោយ ក្រុមហ៊ុនផលិតទូរស័ព្ទ iPhone ក៏មានសញ្ញាជាច្រើននៃភាពធូររលុងផងដែរ។ សារព័ត៌មាន Bloomberg បានរាយការណ៍ថា សាជីវកម្មអាមេរិកបានពន្យារពេលការទូទាត់ប្រាក់រង្វាន់ដល់និយោជិតមួយចំនួន និងកាត់បន្ថយការជួលក្នុងខែមីនា ហើយបានបញ្ឈប់ការធ្វើការជាមួយបុគ្គលិកជាប់កិច្ចសន្យាក្នុងខែសីហា៕
ចែករំលែកព័តមាននេះ