ADផ្ទាំងផ្សព្វផ្សាយពាណិជ្ជកម្ម

Picture

អ្នកផ្សារ​ថ្មគោល​ក្របួច​.ក​ស្ត្រី​ម្នាក់​ប្រគល់​ឱ្យ​សមត្ថកិច្ច​ក្រោយ​លូក​ហោប៉ៅ​ខោ​បន្លំ​លួច​​ស្ដែង​ៗ

1 ឆ្នាំ មុន

ខេត្តបាត់ដំបង​ ៖ ស្ត្រី​ម្នាក់​ត្រូវ​បាន​គេ​ព្រួត​គ្នា​ចាប់​ក្រៀក​.ក​ជាប់ នៅ​ពេល​គេ​ប្រទះ​ឃើញជាក់ស្ដែង​ពេល​កំពុង​ធ្វើ​សកម្មភាព​លូក​ហោប៉ៅ​ខោ​គេ​បន្លំ​លួច​យក​ប្រាក់ បង្ក​ឲ្យ​មានការ​ភ្ញាក់ផ្អើល​ពេញ​ផ្សារ កាលពី​វេលា​ម៉ោង​៩​ព្រឹក​ថ្ងៃ​ទី​២៧ មី​នា នៅ​ក្នុង​ផ្សារ​ថ្មគោល ស្ថិត​ក្នុង​ឃុំ​តា​ពូ​ង ស្រុក​ថ្មគោល…

ខេត្តបាត់ដំបង​ ៖ ស្ត្រី​ម្នាក់​ត្រូវ​បាន​គេ​ព្រួត​គ្នា​ចាប់​ក្រៀក​.ក​ជាប់ នៅ​ពេល​គេ​ប្រទះ​ឃើញជាក់ស្ដែង​ពេល​កំពុង​ធ្វើ​សកម្មភាព​លូក​ហោប៉ៅ​ខោ​គេ​បន្លំ​លួច​យក​ប្រាក់ បង្ក​ឲ្យ​មានការ​ភ្ញាក់ផ្អើល​ពេញ​ផ្សារ កាលពី​វេលា​ម៉ោង​៩​ព្រឹក​ថ្ងៃ​ទី​២៧ មី​នា នៅ​ក្នុង​ផ្សារ​ថ្មគោល ស្ថិត​ក្នុង​ឃុំ​តា​ពូ​ង ស្រុក​ថ្មគោល ហើយ​បាន​ប្រគល់​ឲ្យ​សមត្ថកិច្ច​ចាត់ការ​ភ្លាម​ៗ​ដែរ ​។

​អធិការ​ស្រុក​ថ្មគោល លោក សេង លុ​ច បាន​ឲ្យ​ដឹង​ថា ពី​ត​ជា​មាន​ជន​ស្ត្រី​ម្នាក់​ត្រូវ​អ្នកផ្សារ​ស្រុក​ថ្មគោល ចាប់​ខ្លួន​ប្រគល់​ឲ្យ​សមត្ថកិច្ច​របស់​លោក​មែន ដោយសារ​តែ​ស្ត្រី​ម្នាក់​នោះ​បន្លំ​លួច​យក​លុយ​ពី​ក្នុង​ហោប៉ៅ​ខោ​គេ​នៅ​ក្នុង​ផ្សារ ​។ លោក​បាន​ប្រាប់​ថា ជនសង្ស័យ​ឈ្មោះ សុខ ចិន្តា ស្រី​អាយុ​៤០​ឆ្នាំ មានស្រុក​កំណើត​នៅ​ភូមិ​កណ្ដឹង ឃុំ​កណ្ដឹង ស្រុក​បាទី ខេត្តតាកែវ​ ។ ស្ត្រី​រូប​នេះ ​ត្រូវ​ជាប់​សង្ស័យ​បាន​បន្លំ​លូក​ហោប៉ៅ​ខោ​ជន​រង​គ្រោះ​ឈ្មោះ ហាប់ រំដួល ស្រី​អាយុ​៣៩​ឆ្នាំ នៅ​ភូមិ​តា​សី ឃុំ​តា​ម៉ឺន ស្រុក​ថ្មគោល ខណៈ​ពេល​កំពុង​ដើរ​ក្នុង​ផ្សារ​។

លោក​អធិការ​បាន​បញ្ជាក់​ថា ជន​ដៃដល់​បាន​លូក​ហោប៉ៅ​ខោ​ដក​លុយ លុះ​ម្ចាស់​លុយ​ដឹង ក៏​ទម្លាក់​ចោល​ក្បែរ​នោះ តែ​ត្រូវ​សាក្សី​នានា​នៅ​ក្បែរ​នោះ​ប្រទះ​ឃើញ​ផ្ទាល់​ផ្នែក​ក៏​នាំ​គ្នា​ចាប់​ក្របួច​ក​ជាប់ ហើយ​ត្រូវ​កម្លាំង​របស់​លោក​ដែល​ប្រចាំការ​នៅ​ក្បែរ​អន្តរា​គម​ន៍​នាំ​យក​ស្ត្រី​ដៃដល់​នោះ​មក​កាន់​អធិការ​ភ្លាម​ៗ​ដែរ ដើម្បី​សួរនាំ​ ។ តាម​ការ​ស្រង់​សំដី សាក្សី​បាន​និយាយ​ថា គេ​បានឃើញ​ផ្ទាល់​ផ្នែក នូវ​សកម្មភាព​ស្ត្រី​ដៃ​ឆើត​ខាងលើ​នេះ នៅ​ពេល​លូក​យក​លុយ​ពី​ក្នុង​ហោប៉ៅ​ខោ​ស្ត្រី​រង​គ្រោះ​ ។

ពេល​នោះ​ជន​រង​គ្រោះ​ក៏​បានដឹង​ដែរ ហើយ​ពេល​ងាក​មក​ឃើញ​ជន​ដៃដល់​ទម្លាក់​លុយ​នោះ​ចោល តែ​ត្រូវ​គេ​នាំ​គ្នា​ក្របួច​ក ស្ត្រី​ដៃ​ឆើត​នេះ​ជាប់​ភ្លាម​ៗ​ដែរ​។ ស្ត្រី​រូប​នេះ​ បាន​ព្យាយាម​ប្រកែក បដិសេធ​ទាំង​បំពាន​ថា ខ្លួន​មិន​បាន​លួច​យក​លុយ​នោះ​ទេ បើ​ទោះជា​សាក្សី​ជា​ច្រើន​បាន​ប្រទះ​ឃើញ​ផ្ទាល់​ភ្នែក​ក្ដី​។ ប៉ុន្តែ​នៅ​ពេល​នាំ​ខ្លួន​ទៅ​ដល់​អធិការ​ស្រុក ស្ត្រី​ដៃ​ឆើត​ឈ្មោះ សុខ ចិន្តា បាន​ឆ្លើយ​សារភាព​ប្រាប់​មន្ត្រី​ជំនាញ​ថា ខ្លួន​ពិតជា​បាន​ធ្វើ​សកម្មភាព​លូក​ហោប៉ៅ​បន្លំ​លួច​លុយ​ស្ត្រី​រង​គ្រើ​នោះ​មែន​ ។

ស្ត្រី​រូប​នេះ​បាន​បញ្ជាក់​ថា ខ្លួន​ទើបតែ​មក​ពី​ស្រុក នៅ​ខេត្តតាកែវ ហើយ​ក៏​ទើប​ប្រព្រឹត្ត​កំហុស​លើក​ដំបូង​ដែរ​នៅ​ស្រុក​ថ្មគោល​នេះ តែ​ស្ត្រី​រូប​នេះ​មិន​បាន​ប្រាប់​ថា ខ្លួន​មាន​បក្សពួក​ប៉ុន្មាន​នាក់​ដែរ បើ​ទោះជា​មន្ត្រី​ជំនាញ​បាន​
ព្យា​យាម​ជជីក​សួរ​ដេញដោល​អំពី​ចំណុច​នេះ​ក្តី ហើយ​ក៏​មិន​ខ្ចី​ប្រាប់​ពី​កន្លែង​ស្នាក់​នៅ​បណ្ដោះអាសន្ន​ដែរ​។ ប៉ុន្តែ​បើ​តាម​លោក សេង លុ​ច អធិការ​ស្រុក​ថ្មគោល បាន​និយាយ​ថា បើ​តាម​ការ​ស្រាវជ្រាវ ស្ត្រី​ដៃដល់​ម្នាក់​នេះ​អាច​នៅ​មាន​បក្សពួក​មួយ​ចំនួន​ទៀត ហើយ​បក្សពួក​គេ​ជា​អ្នក​ដឹក​ស្ត្រី​ម្នាក់​នេះ​ យក​មក​ទម្លាក់​ឲ្យ​ធ្វើ​សកម្មភាព​នៅ​ស្រុក​ថ្មគោល​។

នេះ​ជា​ទម្លាប់​របស់​ក្រុម​ចោរលួច​ ។ ប៉ុន្តែ​យ៉ាងណា លោក​អធិការ​បាន​បញ្ជាក់​ថា លុយ​ដែល​ស្ត្រី​ដៃដល់​បាន​លូក​ហោប៉ៅ​ស្ត្រី​រង​គ្រោះ បន្លំ​លួច​យក​នោះ​មាន​ចំនួន​២៥០.០០០​ម៉ឺន​រៀល​ ។ លុយ​នោះ​បាន​ប្រគល់​ជន​រង​គ្រោះ​វិញ​ហើយ តែ​ជនសង្ស័យ មន្ត្រី​ជំនាញ​របស់​លោក​កំពុង​កសាង​សំណុំរឿង​បញ្ជូន​ទៅ​កាន់​ស្នងការ​ខេត្ត ចាត់ការ​តាម​នីតិវិធី​ ។ ​

អត្ថបទសរសេរ ដោយ