បា.ញ់មីស៊ីលបាលីស្ទិក២គ្រាប់ តបវត្តមាននាវាផ្ទុកយន្តហោះអាមេរិក
ប្រទេសកូរ៉េខាងជើង ៖ ជាប្រតិកម្មតបចំពោះសមយុទ្ធយោធារួមធំរវាងកូរ៉េខាងត្បូង និងសហរដ្ឋ
ប្រទេសកូរ៉េខាងជើង ៖ ជាប្រតិកម្មតបចំពោះសមយុទ្ធយោធារួមធំរវាងកូរ៉េខាងត្បូង និងសហរដ្ឋ
ប្រទេសកូរ៉េខាងជើង ៖ ជាប្រតិកម្មតបចំពោះសមយុទ្ធយោធារួមធំរវាងកូរ៉េខាងត្បូង និងសហរដ្ឋអាមេរិក ដែលទើបបញ្ចប់នាថ្ងៃទី២៣ មីនា និងពិសេសការបញ្ជូននាវាផ្ទុកយន្តហោះប្រើថាមពលនុយក្លេអ៊ែរអាមេរិកមួយគ្រឿងមកចូលរួមសមយុទ្ធយោធារួមឈ្មោះនាគ២ កូរ៉េខាងជើងកាលពីព្រឹកថ្ងៃទី២៧មីនា បានបា.ញ់់មីស៊ីលបាលីស្ទិក២គ្រាប់ថ្មីទៀត ទៅកាន់សមុទ្រជប៉ុនឬសមុទ្រខាងកើត។ នេះជាសេចក្ដីរាយការណ៍របស់កងទ័ពកូរ៉េខាងត្បូង។
អគ្គសេនាធិការដ្ឋានកងទ័ពកូរ៉េខាងត្បូងនិយាយថា កូរ៉េខាងជើងបន្តធ្វើតេស្តអាវុ.ធប៉ុន្មានសបា្ដហ៍ចុងក្រោយនេះ។ ក្រុងព្យុងយ៉ាង បា.ញ់នាថ្ងៃទី២៧ មីនា មីស៊ីលបាលីស្ទិក២គ្រាប់ថ្មីទៀត ទៅកាន់ដែនទឹកសមុទ្រខាងកើត។
តាមទូរទស្សន៍រដ្ឋជប៉ុនNHKថា មីស៊ីលទាំង២គ្រាប់នោះ ហោះហើរក្នុងចម្ងាយ៣៥០គីឡូម៉ែត្រ។ កងឆ្មាំឆ្នេរសមុទ្រជប៉ុន គូសបញ្ជាក់ថា មីស៊ីលទាំងនេះបានធ្លាក់ខាងក្រៅតំបន់សេដ្ឋកិច្ចដាច់មុខរបស់ជប៉ុន។ ការបា.ញ់មីស៊ីលបាលីស្ទិក២គ្រាប់ថ្មីនេះរបស់ក្រុងព្យុងយ៉ាង កើតមានប៉ុន្មានថ្ងៃក្រោយពីក្រុងសេអ៊ូលនិងក្រុងវ៉ាស៊ិនតោន បង្ហើយសមយុទ្ធយោធារួមទ្រង់ទ្រាយធំបំផុត ពុំធ្លាប់មានចាប់តាំងពី៥ឆ្នាំមកហើយកាលពីថ្ងៃទី២៣ មីនា។
ក្រុងព្យុងយ៉ាងចាត់ទុកសមយុទ្ធយោធាទាំងនេះថា ជាការរៀបចំសម្រាប់ឈ្លានពានខ្លួន។ កូរ៉េខាងជើងអះអាងកាលពីថ្ងៃទី២៤ មីនាថា សមយុទ្ធយោធានាពេលថ្មីៗនេះមានឈ្មោះថា FREEDOM SHIELD ជាការហ្វឹកហ្វឺនសំដៅកាន់កាប់កូរ៉េខាងជើង។ កងទ័ពកូរ៉េខាងជើងមានប្រតិកម្មតបវិញ ដោយធ្វើសមយុទ្ធយោធាផ្ទាល់របស់ខ្លួន ពិសេសដោយបា.ញ់សាកដ្រូនវា.យប្រហារនុយក្លេអ៊ែរក្រោមទឹកមួយ និងបា.ញ់មីស៊ីលរំលងទ្វីប២គ្រាប់នាឆ្នាំនេះ។
កូរ៉េខាងត្បូងនិងអាមេរិកបន្តសមយុទ្ធដាក់ទ័ពតាមជើងទឹកមានឈ្មោះថា នាគ២ជាមួយការចូលរួមរបស់នាវាផ្ទុកយន្តហោះប្រើថាមបលនុយក្លេអ៊ែរ១គ្រឿង។ សមយុទ្ធនោះធ្វើរហូតដល់ថ្ងៃទី៣មេសា ក៏ទោះបីសមយុទ FREEDOM SHIELD បានបញ្ចប់៕
ចែករំលែកព័តមាននេះ