ការប្រកួតរូបភាពរចនារដូវកាលទី២ របស់ TODAY ISP
ដោយមានការគាំទ្រច្រើនពីបេក្ខជន បេក្ខនារី ចំពោះការប្រកួតកែឆ្នៃរូបភាព
ដោយមានការគាំទ្រច្រើនពីបេក្ខជន បេក្ខនារី ចំពោះការប្រកួតកែឆ្នៃរូបភាពតាមរយៈកម្មវិធីប្រកួត Graphic Design នៅវគ្គមុនរបស់ក្រុមហ៊ុន TODAY Communication Co., Ltd ហៅកាត់ថា “TODAY ISP” ទើបក្រុមហ៊ុន ធ្វើការរៀបចំកម្មវិធីការប្រកួតនេះម្តងទៀត។ ប្រធានបទគឺ ការបង្កើតរូបភាពក្រាហ្វិច (Graphic Design Season 2) ដោយគំនិតឆ្នៃប្រឌិតផ្ទាល់ខ្លួនស្តីអំពី “អបអរព្រះរាជពិធីបុណ្យអ៊ុំទូក បណ្តែតប្រទីប សំពះព្រះខែ និងអកអំបុក”។ ចំពោះអ្នកឈ្នះជ័យលាភី នឹងទទួលបានការប្រើប្រាស់អ៊ិនធឺណិតឥតគិតថ្លៃរយៈពេលពេញ ១ឆ្នាំ និងមានរង្វាន់លើកទឹកចិត្តចំនួន ៣ រង្វាន់សម្រាប់ជ័យលាភីផ្សេងបន្ថែមទៀត។
ការប្រកួតរូបភាពរចនារដូវកាលទី២នេះ ក្រុមហ៊ុនសង្ឃឹមយ៉ាងមុតមាំសម្រាប់ការចូលរួមរបស់បេក្ខជន និងបេក្ខនារីទាំងអស់ថា នឹងទទួលបានបទពិសោធន៍ថ្មីៗជាច្រើន រួមជាមួយការបង្កើតគំនិតខាងផ្នែកកែឆ្នៃរូបភាពផ្សេងៗ និងការចែករំលែកចំនេះដឹង គំនិតថ្មីៗសម្រាប់ធ្វើការឌីសាញ។ មិនតែប៉ុណ្ណោះលោកអ្នក និងប្អូនៗ ក៏អាចមានឱកាសបញ្ចេញសមត្ថភាពផ្ទាល់ខ្លួនជាមួយនឹងរូបភាពយ៉ាងល្អប្រឌិតផុសចេញពីគំនិតរបស់ខ្លួនក្នុងការឌីសាញ។
ហេតុនេះសម្រាប់បេក្ខជន ឬបេក្ខនារីមានចំណាប់អារម្មណ៍ចង់បញ្ចេញទេពកោសល្យ អាចធ្វើការចូលរូម ប្រកួតជាមួយនឹងកម្មវិធីរបស់ TODAY ISP ដោយគ្រាន់តែធ្វើការឌីសាញរូបភាពរបស់ខ្លួនទៅតាមប្រធានបទ រួចផ្ញើរូបនោះមកកាន់ inbox របស់ TODAY ISP ឲ្យបានមុនថ្ងៃទី ១៥ ខែ តុលា ឆ្នាំ២០១៧ ចំពោះរូបភាពទាំងអស់នឹងដាក់ប្រកួតលើផេកហ្វេសប៊ុករបស់ក្រុមហ៊ុន នៅថ្ងៃទី ១៦ ខែតុលា ឆ្នាំ២០១៧ រហូតដល់ថ្ងៃទី ២២ ខែ តុលា ឆ្នាំ២០១៧។ ចំពោះព័ត៌មានលំអិតអំពីកម្មវិធី Graphic Design Season 2 អាចស្វែងយល់បន្ថែមតាមរយៈផេកហ្វេសប៊ុន TODAY ISP ឬចូលទៅកាន់ វេបសាយ របស់ក្រុមហ៊ុនដោយផ្ទាល់។
គួរបញ្ចាក់ថា TODAY ISP ជាក្រុមហ៊ុនផ្តល់សេវាអ៊ិនធឺណិតតាមប្រព័ន្ធអ៊ុបទិកក្រោមដី ១០០% ស្របទៅនឹងតម្រូវបច្ចុប្បន្នរបស់ទីផ្សារ និងក្រុមហ៊ុនអាជីវកម្មនានា ព្រមទាំងមានសេវាជំនួយបច្ចេកទេសយ៉ាងមានជំនាញ។ ចំពោះអតិថិជន មានចំណាប់អារម្មណ៍ចង់តភ្ជាប់សេវាអ៊ិនធឺណិត ឬ ចង់ស្វែងយល់ព័ត៌មានបន្ថែម សូមទំនាក់ទំនងក្រុមហ៊ុនតាមរយៈលេខ 023 21 55 77 / 087 21 55 77 ឬ តាមរយៈគេហទំព័រ www.today.com.kh។
ចែករំលែកព័តមាននេះ