កាលពីពេលថ្មីៗនេះ ផ្ទុះការចាប់អារម្មណ៍ពាសពេញបណ្តាញសង្គមហ្វេសប៊ុក និង Tik Tok ដែលស្ត្រីវ័យចំណាស់ម្នាក់បានយកប្តីគេ ហើយថែមទាំងចង់វា.យប្រពន្ធដើមដល់ផ្ទះទៀតនោះ គ្រាន់តែជា
រាជធានីភ្នំពេញ ៖ កាលពីពេលថ្មីៗនេះ ផ្ទុះការចាប់អារម្មណ៍ពាសពេញបណ្តាញសង្គមហ្វេសប៊ុក និង Tik Tok ដែលស្ត្រីវ័យចំណាស់ម្នាក់បានយកប្តីគេ ហើយថែមទាំងចង់វា.យប្រពន្ធដើមដល់ផ្ទះទៀតនោះ គ្រាន់តែជាការសម្តែងអោយបងប្អូនមហាជនបានទស្សនាតែប៉ុណ្ណោះ។ ហើយសម្រាប់គោលបំណងដែលសម្តែងទៅនេះ គ្រាន់តែចង់អោយបងប្អូនកុំយកគំរូតាម ជាពិសេសដូចជាវីដេអូមួយនេះជាដើម។
ជាការកត់សម្គាល់ តាមរយៈវីដេអូដែលអ្នកមីងវ័យចំណាស់ ដែលមានសក់ស្កូវរូបនេះ បានសម្តែងចេញធ្វើអោយមហាជនជាច្រើនមានការយល់ច្រឡំទៅលើរូបអ្នកមីងថា «ជាការពិត» តែតាមពិតទៅ នេះគ្រាន់តែជាការសម្តែងតែប៉ុណ្ណោះ។ លើសពីនេះ ក៏មានបងប្អូនមហាជនស្តីថា អោយអ្នកមីងនៅពាក្យអសុរសជាច្រើន តែក៏មានមហាជនចំនួនបានដឹងដែរថា នេះគ្រាន់តែជាការសម្តែងតែប៉ុណ្ណោះ។
ប្រាកដណាស់ ការសម្តែងរបស់អ្នកមីងពិតជាចូលតួបានល្អ ដោយបានធ្វើអោយទស្សនិកជនមានការមើលទៅដូចជាពិតៗ រហូតដល់មហាជនថា «អោយចាស់ហើយ មិនគិតទៅវត្តទៅវ៉ា ទៅយកប្តីគេ យាយនេះ»។
ទាក់ទងនឹងរឿងរ៉ាវដែលថា អ្នកមីងសម្តែងខាងលើនេះ អ្នកមីងក៏ចង់បកស្រាយអោយមហាជនបានដឹង ហើយអ្នកមីងក៏សុំអភ័យទោសចំពោះការសម្តែងខាងលើ ប្រសិនបើមានការជ្រុលជ្រួសត្រង់កន្លែងណាមួយ ឬការប្រើប្រាស់ពាក្យសម្តីមិនសមរម្យ។ អ្នកមីងក៏សូមអធ្យាស្រ័យ ហើយក៏មានសារខ្លះៗសម្រាប់ការចែករំលែករាល់ចំណុចទាំងអស់នេះផងដែរ។
តាមរយៈបទសម្ភាសន៍ជាមួយសារព័ត៌មានកោះសន្តិភាព ដោយអ្នកមីង ឈុំ គីមសេង មានវ័យ៤៨ឆ្នាំ ដែលបានដើរជាប្រពន្ធចុងយកប្តីគេនេះ ចង់ជម្រាបទៅកាន់បងបប្អូនមហាជនថា «រាល់ការបង្ហោះវីដេអូ នៅក្នុងផេករបស់ពន្លឺនាពេលកន្លងមក វាគ្រាន់តែជាការសម្តែងតែប៉ុណ្ណោះ។ ដូច្នេះថ្ងៃនេះ អ្នកមីងសុំធ្វើការបំភ្លឺ ព្រោះមិនចង់អោយមហាជនច្រឡំតទៅទៀត ព្រោះវាមិនមែនជាគំរូដែលល្អនោះទេ ពោលគឺគ្រាន់តែជាការអប់រំ ក៏ដូចជាការដាស់តឿនពុកម៉ែបងប្អូន ដូច្នេះបើមានកន្លែងណាមើលទៅលើសលួសដោយប្រការណាមួយ សុំអភ័យទោសផងដែរ»។
អ្នកមីងដែលដើរតួរជាប្រពន្ធចុងរូបនេះ បានបន្តថា «មូលហេតុដែលបង្កើតគំនិតនេះឡើង គឺចង់អប់រំដល់មនុស្ស កុំអោយធ្វើដូចជាខ្លួនរបស់អ្នកមីង ពោលគឺគួរសាងអំពើល្អ ទើបជាកុសលនាំអោយប្រាសចាកពីទុក្ខ ការដែលយករបស់អ្នកដទៃ វាមិនមែនជារឿងល្អនោះ ដូច្នេះ ចូលសាងសុចរិតធម៌អោយបានច្រើន ទើបនាំអោយជីវិតរបស់យើងល្អប្រសើរឡើង»។
អ្នកមីង ឈុំ គីមសេង ដែលមានអ្នកស្រុកកំណើតនៅខេត្តកំពត រូបនេះបានបន្តថា «សម្រាប់ការសម្តែង វាមិនលំបាកទេសម្រាប់អ្នកមីង ដោយអាចថា នេះជាដុងធម្មជាតិរបស់អ្នកមីង បើទោះបីជាអ្នកមីងគ្មានសាច់ញាតិ ឬបងប្អូនណាជាអ្នកសិល្បៈក៏ដោយ ពោលគឺអាចសម្តែងទៅបានយ៉ាងល្អ ដោយគ្មាននរណាបង្រៀន។ លើសពីនេះ អ្នកភូមិអ្នកផង របងជាមួយអ្នកមីង ក៏យល់ច្រឡំដែរថា អ្នកមីងយកប្តីប្អូនខ្លួនឯង ពោលគឺស្ត្រីដែលអ្នកមីងសម្តែងជាមួយថា យកប្តីនោះ គឺជាប្អូនរបស់អ្នកមីងប៉ុណ្ណោះ។ ហើយមួយវិញទៀត បុរសដែលសម្តែងជាមួយអ្នកមីងការពិតទៅ គាត់ជាប្តីអ្នកមីង»។
ជាចុងក្រោយ អ្នកមីង គីមសេង ពិតជាអគុណសម្រាប់បងប្អូនមហាជន ក៏ដូចជាហ្វេនៗរបស់អ្នកមីង បើមានចំណុចកន្លែងណាដែលអ្នកមីងសម្តែងមើលទៅមានការខ្វះខាត លើសលួស សូមបងប្អូនអធ្យាស្រ័យផង។
សម្រាប់លោក ទុន ពន្លឺ ដែលជា Video Creator វិញ ក៏បាននិយាយដែរថា លោកបង្កើតវីដេអូនោះឡើង ដើម្បីជាការដាស់តឿនដល់មនុស្ស កុំអោយយកប្តីគេ ប្រពន្ធគេ ព្រោះវាបាបខ្លាំងណាស់ ហើយក៏ជាអំពើមួយដែលមិនល្អសម្រាប់សង្គមជាតិផងដែរ។ ជាចុងក្រោយ ក្នុងនាម ដែលផ្តួចផ្តើមក្នុងការផលិតវីដេអូនេះ លោកពិតជាអគុណខ្លាំងណាស់ សម្រាប់ការគាំទ្រនាពេលកន្លងមក ដោយលោកក៏មានវីដេអូកំប្លែង អប់រំ ជាច្រើនទៀត ដូច្នេះសម្រាប់បងប្អូនមហាជនជួយគាំទ្រ៕ ដោយ ៖ លីហួ គីមឆាយ
ចែករំលែកព័តមាននេះ