ហួសហេតុណាស់ … បំផ្លាញមធ្យម ងំចង់រំលោ.ភម៉ែឯងទៀត
រាជធានីភ្នំពេញ ៖ បុរសម្នាក់ត្រូវបានកម្លាំងនគរបាលប៉ុស្ដិ៍ចោមចៅឃាត់ខ្លួន
រាជធានីភ្នំពេញ ៖ បុរសម្នាក់ត្រូវបានកម្លាំងនគរបាលប៉ុស្ដិ៍ចោមចៅឃាត់ខ្លួន
រាជធានីភ្នំពេញ ៖ បុរសម្នាក់ត្រូវបានកម្លាំងនគរបាលប៉ុស្ដិ៍ចោមចៅឃាត់ខ្លួននាំទៅសាកសួរ និងកសាងសំណុំរឿងចាត់ការតាមច្បាប់ ក្រោយពីមានពាក្យបណ្ដឹងរបស់ស្ត្រីជាម្ដាយបង្កើត រួមជាមួយបងប្អូនបង្កើតបានចោទប្រកាន់ថា ញៀនថ្នាំរហូតល្ងីល្ងើរវង្វេងលែងដឹងអ្វីទាំងអស់ ហើយមិនចេះអ្វីក្រៅតែពីប្រើហិង្សាក្នុងគ្រួសារ វាយបំផ្លាញទ្រព្យសម្បត្តិជាបន្តបន្ទាប់ ។ ហើយជាងនេះទៀត គឺបានទៅគំរាមចាប់រំលោភម្ដាយបង្កើតរបស់ខ្លួនថែមទៀត រហូតធ្វើឲ្យម្ដាយនិងបងប្អូនមានការភ័យខ្លាច លែងហ៊ាននៅផ្ទះ និងបានចេញទៅស្នាក់នៅផ្ទះជួលថែមទៀតផង ។ ដោយសារតែមិនអាចទ្រាំនូវទង្វើនេះលែងបាន ទើបពួកគាត់សម្រេចប្ដឹងឲ្យនគរបាលប៉ុស្ដិ៍ចោមចៅចាប់ខ្លួនតែម្ដង ។
ការឃាត់ខ្លួនធ្វើឡើង កាលពីវេលាម៉ោង១១ព្រឹកថ្ងៃទី៥ តុលា នេះ ស្ថិតនៅក្នុងភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។ ជនសង្ស័យឈ្មោះ ចាន់ ធារិទ្ធ អាយុ៣២ឆ្នាំ ជននេះ មានប្រពន្ធដល់ទៅ២នាក់រួចមកហើយ ដោយយកប្រពន្ធទី១ បានកូន១ ក៏ត្រូវបានប្រពន្ធលែង រួចបានទៅយកប្រពន្ធទី២ បានកូនម្នាក់ទៀត ក៏ត្រូវបានប្រពន្ធលែងចោលទៀត។
បុរសម្នាក់ដែលត្រូវជាពូបង្កើតរបស់ជននោះបាននិយាយថា ជនតិរច្ឆាននេះ បានប្រើប្រាស់ថ្នាំញៀនរហូតដល់វង្វេង ស្មារតីលែង ដឹងខុសត្រូវទៅហើយ ។ កន្លងមក តែងប្រើហិង្សារករឿងវាយបំផ្លាញទ្រព្យសម្បត្តិនៅក្នុងផ្ទះខ្ទេចខ្ទីរជាបន្តបន្ទាប់ ។ ដោយឡែក រយៈ២ទៅ៣ថ្ងៃចុងក្រោយនេះ បានបន្តវាយបំផ្លាញទ្រព្យសម្បត្តិនៅក្នុងផ្ទះទៀត ដូចជាទូរទស្សន៍ វាយបំបែកកញ្ចក់ទ្វារបង្អួចនិង ពាងទឹកជាដើម។
មិនតែប៉ុណ្ណោះ បានគំរាមចាប់រំលោភស្ត្រីជាម្ដាយបង្កើតរបស់ខ្លួនថែមទៀតផង ដែលជាហេតុធ្វើឲ្យពួកគាត់មាន ការភ័យខ្លាច បានចាកចេញពីផ្ទះទៅស្នាក់នៅផ្ទះជួលខាងក្រៅទៀតផង ហើយបន្ទាប់ពីការរស់នៅក្នុងផ្ទះលែងបាន និងរស់នៅទាំង ការភ័យខ្លាចរាល់ថ្ងៃនោះ ទើបម្ដាយនិងបងប្អូនបានសម្រេចចិត្តប្ដឹងសុំការអន្តរាគមន៍ពីកម្លាំងនគរបាលប៉ុស្ដិ៍ចោមចៅ ដើម្បីចាប់ខ្លួនជននេះនាំទៅសាកសួរ និងកសាងសំណុំរភងចាត់ការតាមច្បាប់៕
ចែករំលែកព័តមាននេះ